Trick or Treat

今日係嘉嘉學校Halloween Party既下半場

佢堅持要著返Lady-Bird，所以只係轉左個化妝


學校舉行了一個簡單的Halloween巡遊


一眾學生以各種趣怪造型在學校附近遊街


個個小朋友都攞住個南瓜籃去 Trick or Treat


嘉嘉第一年參加攞糖，感覺好新鮮 


行入商場，好大陣像


經過一間時裝店，有個姨姨走左出黎派糖



H-a-P-p-Y   H-a-L-L-o-W-e-e-N. . . . .   ! ! 

嘉嘉話 : 我要行返入學校喇~~你走啦~~

MAMii 真係好放心~

祝你有個愉快既校園生活 ~~

學校的Halloween Party

今天是嘉嘉第一次參加學校的Halloween Party，學校要小朋友以halloween造型返學，所以文姨姨就幫嘉嘉化左呢個halloween妝喇~~


再襯上呢套Lady Bird衫，嘉嘉真係好可愛哦 ~~~~

(唔好介意...因為所有父母都覺得自已仔女先係最可愛)


因為天氣忽然轉冷，所以還是買了另一套Halloween服飾，配了一件打底衫......當嘉嘉換完衫之後，就成日飛黎飛去，好似好好玩咁~~~~


四圍飛去隔離舖頭，炫燿自已個halloween造型

哈~哈~真係厚臉皮~~~~


我地仲為嘉嘉準備左一籃糖果應節派"街坊"


羊生都話要陪嘉嘉halloween，父女""妝""上陣


上學途中，吸引了不少人要跟嘉嘉傾計影相~~~很受歡迎~~~~


其實我好佩服羊生既勇氣化左呢個妝， 因為當嘉嘉返左學之後佢要自已行返舖頭，今日又唔係正日=>我地要行遠啲先


班主任都好Halloween喎!! 睇下佢隻蜘蛛幾型!!


今日學校安排左同學仔在操場上欣賞魔術表演同玩遊戲


表弟都黎左學校參觀Halloween....


學校的halloween怖置


件衫甘貴，要影多幾張相留念先


羊生又要同心肝影多張

 
跟住就同表弟去左操場玩左陣先捨得走

天氣轉涼了~

天氣轉涼，嘉嘉除了皮膚轉差，

就連氣管也在跟天氣變呀！

晚晚都咳得好辛苦！！！訓覺鼻水又倒流！！！

咳到羊生心都痛埋，日望夜望心肝早日康復，

各位Blog友都要小心身體呀！！！

學校HaLloWeEn的準備

學校早在兩個星期前，已經派了通告須要家長們為小朋友準備Halloween服飾，會在28/10, 29/10這兩天回校開Halloween party，而我一直也在煩著為嘉嘉準備些甚麼衣服........

小女巫造型??


~~變 變 變~~

南瓜造型??


好可愛哩??


Thank You Lin Lin 姨姨借出的南瓜衫


加多件披肩.........

第一次玩紙黏土

今晚又想同嘉嘉搵下野玩添

~~呢日既活動係~~

嘉嘉第一次玩紙黏土

好努力咁搓搓搓

 

整整整

到左第二晚~~~ 我地做第二個步驟~~~就係油水彩~~~哈哈哈~~~幾興奮~~~

 

 

 

細B性別の謎

懷孕23週，今日係我第四次見細B，其實當我13週去做scan，醫生同嘉嘉講話係細路黎架，我心諗 : 係真唔係呀? 甘細粒都睇到? o個陣我就唔開心左兩個禮拜，喊左兩次，希望醫生睇錯。

呢兩個禮拜裡面，我勁想偷偷地去照多一次，不過驚都仲係細，死忍多一個月，到差唔多4個月再去照時，細B將自己對手仔同腳仔一齊夾實晒，好似人地做YOGA既動作囉，點都無辦法睇到，就連面形都睇唔到，激死我喇，浪費左我$800!! 因為陀細B既反應跟嘉嘉差太遠，我亦下意識開始唔係甘鐘意細B 。

細妹成日鬧我，係男仔你就甘唔鐘意，對細B好唔公平啫~~~無錯!!!! 我的確好介意，不過都安慰自已，我一個人唔開心，起碼羊生同長輩們會開心。到4個幾月，我再去見細B，都係夾住左......不過醫生就話估係女!!!! 係真唔係呀?? 一半一半.....估下估下.....

到5個月的時候，細B仲未開始郁，我開始擔心.....第二胎唔係會早o的踢媽媽咩? 點解仲係無反應既? 加上之前成日見紅，我又成日抱嘉嘉, 追巴士......經常肚痛，連產檢時候姑娘都叫我要小心啲.....我有o的驚喇....向天父禱告：無論細B係女仔定男仔，只要佢身體健康，我都會接受。

5個半月的時候，都冇再唸住想睇到係男仔定女仔，淨係想知細B發展正唔正常，醫生話好正常之餘，仲好肯定同我講話細B係女女黎架~~~~我好開心，嘉嘉終於有個可以結伴行街買野傾心事, 陪伴佢下半生既妹妹喇!!!! 妹妹係兔女郎，好夾嘉嘉豬呢!!!! 好期望快o的見到妺妹哦~~~~妺妹未出世，我已經幻想到一堆姐妺裝了~~~~

勁快勁易甜蜜蜜雞翼

呢個餸係我妹夫教我整架~~羊生已經公開讚好幾次，仲成日叫我學整俾佢食，估唔到甘容易，最緊要係連醃都唔駛醃，簡單又方便，羊生食到唔停得口；第一次煮，我自已都好滿意。

材料：
雞翼約10隻
砂糖　 　
生抽

做法：
1. 將解了凍的雞翼用滾水烚熟，然後倒出；
2. 雞翼索乾水份入鑊，倒進生抽浸過面；
3. 加進砂糖慢火煮至汁液濃，試甜味即可。

是日晚餐

栗米魚肚腸仔湯, 雜丸炒西蘭花茄豬扒

勁正甜蜜蜜雞翼

 

小靴子篇

都未正式入冬，已經大量出晒血，衫仔裙仔褲仔，都仲未計褸仔同鞋仔添，我已經用左4位數字 ( 如果5位數字我都唔會公怖既......我費事羊生會當場暈低 )為嘉嘉添新裝，真係完全失控呀!!! 話晒而家有左細B，我都應該慳家o的既.....所以呢~~~~我就幫嘉嘉揾贊助商囉~~~~

好型既小靴子(由婆婆供應)

話說肥表弟生日，婆婆就包辦左肥表弟既返學鞋，運動鞋同波鞋；跟住去到Dr.Kong，婆婆就""迫""我揀鞋俾嘉嘉，其實嘉嘉o的鞋仔仲啱著，都無需要買甘多對，我就同婆婆講留返新年先買，婆婆又點會擺休?? 我就話 : 甘不如買對boot仔俾嘉嘉吖?? 因為呢期我實在太窮喇~~~~~o的小朋友鞋真係貴，幾舊水埋單!!!

好可愛既毛毛小靴(由恩姨姨供應)

呢對甘可愛既毛毛boot仔仲貴，我實在唔捨得婆婆買，又好似唔係好襟著甘......又唔襟污糟，但係恩姨姨就話好好睇，我都覺得係......不過好C貴呢.......於是恩姨姨見我甘恨又唔捨得，谷鬼氣就買左送俾嘉嘉喇~~~~100000 x 感動 ~~~~

恩姨姨仲話o的女仔衫點解可以甘靚?? 點解o的男仔衫就..........我就話 : 唔緊要啦!! 第日你見到靚既衫仔裙仔，你咪買俾嘉嘉著囉~~~~我嘉嘉絕對樂意著俾你睇架 !!!!!