夢幻樂園 (Dream World) 位於曼谷郊區的機場附近，是泰國知名的大型玩樂場。整個夢幻樂園分為四個主題，包括 : 夢幻世界購物中心、夢幻花園、驚奇園和冒險園。
旅遊巴停在Dream World的入口前，當然要在門口影張相留念啦!!!
不過是11:30am，又是開餐的時間了
中午安排在 Dream World 的餐廳裡享用自助餐，那裡就只有魚蛋米粉吃起來特別美味。
就自費飲個椰青，點知雖然大大個，但原來唔甜既~~
當小朋友好開心出發玩機動遊戲之際....竟然唔夠高??
好多機動遊戲都set左140cm
好彩仲有其他種類既機動遊戲要求較低，其實我就感覺呢o的機動遊戲極唔安全，不過一場黎到.....話晒係小朋友既遊樂場。
Sunnie佢地玩左吊住腳既過山車、空中飛船、安全帶好似拉唔穩既乾衣機；同埋弄致全身濕透既激流，真係睇到我一額汗。
呢隻類似迪迪尼既太空飛碟，係嘉嘉要求玩架~~點知.....係轉得快過迪迪尼既三倍，轉到我頭暈暈。
羊生年事已高，近年開始懷疑自己會受不了甘刺激既機動遊戲，可以選擇的話...還是不要讓自己買難受好了~~~~只選擇玩些mild o的既野，主力就係到處拍照。
行近兒童天地，見到可以讓嘉嘉自已玩既小火車，就俾佢試下充當可愛既女司機。
工作人員可能見無咩人玩，俾佢地玩完一圈又一圈，嘉嘉原本好興奮甘上車，點知到第三個圈....見仲未停車既? 開始扁嘴.....到第四個圈....又未停既? 開始驚到想喊喇....點解仲有第五個圈??? 我地諗緊要唔要叫工作人員stop??? 嘉嘉就喊住要落車，一埋站，羊生急不及侍要抱返佢個寶貝女.....(稍後upload短片)
Sunnie佢地話要入去Snow Tour，裡面負成10度，我驚嘉嘉頂唔順，所以週圍行下影下相，行過一間畫假紋身既檔口，羊生叫我坐低試下，我就揀左個類似小仙女圖案黎畫。
其實我地o係珊瑚島o個陣己經想整，不過掛住玩唔夠時間無整到
跟住佢地又話要整.........
其實Dream World內有好多趣怪既公仔比人影相，不過樂園欠奉維修保養，好多公仔已經好殘。
影相就靚，近睇好有大陸樂園既感覺
表姨佢地掛住玩好少影相
臨離開前到處瘋狂拍照留念呀!!!
樂園經典既笨伯，黎得呢度無邊個無影過吧?
逗在樂園裡大約五個小時，便要向今晚既Dinner~~~火鍋出發了
沒有留言:
張貼留言