初次溜冰的嘉嘉

日日都係酷熱警告，真係熱到唔想戶外活動，Auntie Aggie咁o岩又介紹左荃灣原來有個冰場，於是我地今日就去左"體驗"一下，位於海濱廣場，都算"近近地"啦~~~唔駛山長水又遠搭車出去，打的$30就到!!!

雖然場地唔大，但勝在人都唔算多

最緊要係收費便宜~~$45 for 3hrs~~

嘉嘉係第一次溜冰，究竟溜冰係點，其實佢都唔係好清楚咋!!!

因為我唔識玩溜冰，所以唯有羊生帶住嘉嘉去玩

而我就負責係場邊影下相，拍下 video

一開始嘉嘉企都企唔穩呀，不過好彩有羊生扶住就行到喇。羊生仲拎左個比小朋友用黎學溜冰既防跌架俾嘉嘉添!!! 嘉嘉即刻好有安全感，自己扶住個架o係個冰場入面四周圍溜，好似好好玩甘~~~

嘉嘉又成日望下望下其他人，見到o的姐姐周圍溜黎溜去，仲想學人"玩花式"添!! 呢個女....真係.....好心急~~好大膽~~

跟住嘉嘉仲想放棄唔用防跌架!!! 真係膽生毛，羊生拖住佢，嘉嘉仲叫爸爸放手，激死!!!

海濱溜冰場~~我們一定會再來哦~~