長高?! 出大牙?! 病?!

呢個星期沒有太多時間整理個blog!! 原因是嘉嘉這星期有點身體不適。

2010-1-3 (SUN) 早上  

起身發現嘉嘉塊面仔點解甘"熱辣辣"架?!?! 即刻就同佢探下熱，100.8度~~~ 哎呀 !! 點解會無端端發燒架?!  仲有兩聲咳添 !! 我見今日無約到Booking，就休息一日帶左嘉嘉去睇醫生，醫生話要觀察多兩日，因為發燒原因可能有很多，有時喉嚨發炎都會發燒，不過嘉嘉都係好精神既。

2010-1-4 (MON)

尋晚都仲有D微燒，食左退燒藥就無再燒，但就多左D咳(可能開左暖爐以致喉嚨乾)，不過羊生都有帶嘉嘉落街玩一陣公園。

忽然我想起嘉嘉呢排成日咬野，口痕痕又咬手指，咩都放入口，發現嘉嘉開始長出第17隻牙，見到有小小白色突出左黎，可能加上喉嚨有D發炎，我估兩樣加埋一齊所以病病掛 !!

2010-1-5 (TUE)

尋晚都係有D微燒......起身就無事，仲好精神添!! 見今日羊生仲係Off，所以我都無返工偷懶多一日，尋日都無同嘉嘉去街，於是我地就去左大棠荔枝園摘士多啤梨。

2010-1-6 (WED)

可能出大牙會好忟憎，所以嘉嘉訓覺都好扭計。會突然從睡夢中醒來大哭，狂哭不停，整整兩小時，任由我如何安撫嘉嘉，她都是不停搖頭大哭。

2010-1-7 (THU)

訓覺都係哭得好厲害，我就替嘉嘉按下手腳，她說舒服點......於是我又想她會否是發骨燒???另一方面，我仲開了些兒歌MTV給她看，情況是有點舒緩了，而且嘉嘉終於能慢慢地睡著了。

我想，在嘉嘉的大牙還未出場前，我是應該不會有覺好睡了 !!! (嘆氣中.....)