大棠荔枝山莊

2010-1-5 ((TUE))

休息了數天，見嘉嘉精神返少少，又見羊生都仲放緊假，雖然天氣唔多好但都無落雨，於是就帶嘉嘉去了大棠荔枝山莊郊遊， 讓嘉嘉行行走走，呼吸一下新鮮空氣。

常言道要讓小朋友親親大自然，讓小朋友明白到食物並不是來自超級市場，到士多啤梨園採摘也是一個不錯的方法呀 !!

嘉嘉一聽到可以摘士多啤梨，就顯得十分開心

去年我都有帶過嘉嘉去摘士多啤梨， 嘉嘉還好有印象呢 !!

看她多興奮 !!

今年嘉嘉己經可以自己一手拿著籃子，一手拿著剪刀，自己努力地觀察及尋找又大又紅的士多啤梨，然後自己親手摘下來了，嘉嘉真的很落力呢 !!

小肌肉發達多了，拿剪刀也很靈活~~好叻女~~

仲識得揀紅D既先剪

不過現在還未算是摘士多啤梨的最佳時候，我們見到很多士多啤梨還不算太大太紅， 要很細心地選，已經成熟的士多啤梨也很紅很甜呢 !!

其實這個士多啤梨園地方也蠻大的哦

而且仲可以一邊摘一邊食，食落感覺真係好新鮮

睇下我地今日收獲都唔錯

千祈唔好唸住有咁多摘咁多，因為粒粒都計錢架 !! 其實我地最終都摘左幾磅返屋企俾婆婆姨姨們，雖然感覺唔係好抵，不過一場黎到....嘉嘉開心就得啦 !!

呢度除左有士多啤梨摘，仲有好多地方行，同埋好多野玩架 !! 我地跟住就去左馬房睇馬馬，不過嘉嘉話驚驚唔敢入去wor~~~莫講話騎啦~~~

所以騎呢隻就算....

最衰前幾日落過雨，週圍濕淰淰好污糟，所以淨係俾嘉嘉坐下千秋就算

錯過左個繩網遊樂場添

呢條吊橋左搖右擺得幾勁，嘉嘉竟然唔驚??

不過始終嘉嘉都唔多舒服，無行得太遠留得太耐，可能係平日關係，人都唔多個，週圍冷冷清清，找日陽光普照，天氣回暖一點咱嘉再慢慢遊吧 !!