情人節@euro go go(嘉嘉仍然發燒中)

嘉嘉今天仍然持續發燒，整天都徘徊100至103度左右，人沒精打彩，飯也不想吃，眼皮經常重重的垂下來，而且又不停半夜紮醒喊，要哄她拍拍才能再睡。醫生說過，發燒出現疲累的症狀是很危險的，即使是低燒也要份外留意，反而高燒人精神就無問題，所以我和羊生也很擔心。

嘉嘉，我寧願你好似平時甘百厭，再等多一天，就知道你是否出疹了。我寧願你出疹，都唔想你無原因甘發燒，所有猜度都令我好擔心。

今日係情人節，但做左媽媽之後，私人時間真係好奢侈。




因為嘉嘉生病了，所以我們都沒有特別的慶祝活動，只是和羊生在樓下的 euro go go 餐廳食個Dinner，但一坐低嘉嘉就扭計喇.........好彩無去得遠。

法式薯蓉焗田螺 : 好味，芝士好香 ( 羊生最愛薯蓉，我愛田螺，一次滿足晒我們二人的願望!!! )


 

煙肉焗忌廉西蘭花 :  呢個原來打算叫俾嘉嘉食，但佢無胃口

全百寶 PIZZA

euro go go 的 pizza 是薄批，皮脆，把鮮番茄肉、菠蘿、蘑菇、雞肉腸、青椒碎和芝士粉，一起放到薄薄的餅皮上，經烤焗後，賣相顏色鮮艷吸引。咬下一口時，味道酸甜而香口，不過若多一點芝士和茄汁會再好味啲。




蘑菇肉醬意粉 : 蘑菇好味 GooD

Ice Chocolate Milk

羊生仲即時 join 埋做會員，送了一疊 coupon，但係呢度全部都係用錫紙裝食物，好似唔係咁環保哦 ......