補祝生日會

2月25日，過左9日我又再生日呀

因為生日去了迪迪尼，所以今日 Sunnie 生日，""求""佢借個蛋糕俾我加埋我個名

一齊慶祝o羅!!!!!!

我現在每朝早都有俾嘉嘉空肚食燕窩架！好 Work！

嘉嘉自從食燕窩後胃口大開，有無見又白又滑呢??

唔知以為今日係表弟生日，扮野著住件 1st Birthday，我細妹話再唔著就會唔啱著，所以要逢有蛋糕切就著 ，勁搞笑!!!!

不過件衫我嘉嘉穿的時候還很鬆，有無搞錯? ??

 

生病後遺症

生病既後遺症通常係一啲臭脾氣

係咪可以用持寵生嬌

得寸進尺黎形容呢？

知道佢辛苦

於是佢病病時會特別就佢

而家病好左都仍然有啲脾氣

不過我可不服

今日見到佢咁精神

佢一發脾氣

我就回復返我平日嘅本色

我絕不會向惡勢力低頭

我一定要慢慢調較番好嘉嘉

加油！

可以出院了

今日嘉嘉都沒有再發燒
早上醫生巡房時

我們問可否出院

醫生說可以了

馬上替她辦出院

回到家後嘉嘉好開心

四圍奔跑

大大聲笑

 

雖然今次出院張單都幾金

不過無所謂啦！！

只要嘉嘉無事就得喇！

錢無咗可以再搵番

嘉嘉健康先係最緊要

 

 

回家真好

康復中

20/02/09(Fri)

昨晚嘉嘉只是燒了一次，今天就沒有再燒喇！




今日嘉嘉食得玩得，精神蠻不錯！

21/02/09(Sat)

今日保母姨姨又過來探嘉嘉，嘉嘉入院多天，她每天都來陪我們， 真係有心  




今日 Sunnie 表姐都放假呀，特意過來港安醫院探嘉嘉。

醫生說觀察多一天，無事就可以出院了！！

 

始終要入院.....

13/02/09 (Fri) 嘉嘉凌晨五點開始發燒，我立即餵嘉嘉食退燒藥，到下午嘉嘉仲有高燒，我同羊生就帶咗嘉嘉去睇醫生，醫生就話嘉嘉無其他病徵，睇多佢兩日啦，可能係出疹啫，但成晚就燒下停下，訓咗又喊醒。

14/02/09 (Sat) 嘉嘉食住藥都燒，就算食咗退燒藥都要成個鐘先退燒，但到夠鐘既時侯又燒番，我同羊生成晚金精火眼住嘉嘉。等多一日就知係咪出疹喇。

15/02/09 (Sun) 羊生留咗喺屋企照顧嘉嘉，話嘉嘉有返啲精神，以為係開始好返，正在康復中。

16/02/09 (Mon) 初頭懷疑的出疹，成3-4日都唔出，我哋估應該只係普通傷風感冒，而且尋晚到今朝早上都無再發燒，所以仲老定走去迪士尼玩，而且呢日成日都無發過燒。

17/02/09 (Tue) 早上都無事，收工返媽媽屋企食飯時又再發燒，仲越燒越高，飛的返荃灣幫嘉嘉塞一粒塞肛藥。

18/02/09 (Wed) 早上都係無事，下午又再高燒，想去睇多次醫生，點知佢是日休息，羊生就帶咗佢去睇第二個醫生，醫生就建議入院檢查，即刻寫張紙俾我哋。

唔知點解，呢啲說話由醫生親口講，就覺得好嚴重，我同羊生都好緊張，即係送嘉嘉入港安睇，雖然個醫生話而家政府醫院啲設備都好好，但羊生話燒咗甘耐都未好，嘉嘉又高燒緊，唔想去政府醫院左等右等浪費時間。

去到港安之後，竟然無床位，要等兩個，等了兩個鐘後有人退房，就再比嘉嘉食多次退燒藥水，然後醫生話發燒要做一連串檢查，照肺X-ray、抽血同抽鼻液檢查。

當2個姑娘帶咗嘉嘉入房抽血，我就聽到嘉嘉的哭聲和尖叫聲，仲喊得好淒涼，真的非常不好受，大聲同嘉嘉講：唔駛喊架，好快就得喇，你收聲先，收晒聲媽媽就入嚟陪你，嘉嘉即刻就收咗聲，只係仲有少少悲鳴，但因為姑娘仲未得嘅關係，我唯有拖延時間話：仲喊嘅？我少少聲都唔要聽到架！嘉嘉就連嗰少少悲鳴聲都收埋，但姑娘仲未得，我話，媽媽行緊入嚟，你等多陣........可能嘉嘉見我甘耐(20秒左右)都仲未入去，又再大喊，我越聽個心就越實，越聽就越難過，暗罵姑娘搞甘耐................

醫院有陪床可以俾家人留喺到陪BB，我睡在嘉嘉側邊，因為羊生明天要返工，所以我就叫羊生回家睡得比較好，而且又可以執一些嘉嘉的日用品過來醫院。

嘉嘉一路都仲有喊，我聽到佢喊我又想喊，但因為要照顧嘉嘉唔可以比自己喊，驚會嚇親佢。可能嘉嘉適應能力比較強，沒有吵鬧哭著要回家。

深夜時份嘉嘉又開始發高燒104度，就幫佢貼咗張退熱貼


19/02/09(Thu)

今朝一早起身(6:00am)開奶俾嘉嘉飲，一望到佢個樣，成塊面都是血跡，點解無端端流鼻血架? 嚇死我喇，姑娘話已經停咗，再觀察下有無再流，我哄佢再訓番，嗰時我啲眼淚開始好似開水喉咁不繼流出嚟，我真係好擔心。

醫生早上來巡房，說不是流感，都沒有肺炎，放心了一大半，只係左耳內有小小紅，但如果一直唔退燒就要打針藥入身體，唉，什麼時侯才退燒？仲話流鼻血可能係抽鼻液時弄損了鼻黏膜，塗些藥膏就好了。

下午，媽媽、姨姨同姐姐買咗好多嘢過嚟探嘉嘉呀！

羊生仲執咗啲書仔過嚟俾嘉嘉睇

醫院 Look

下晝3點幾開始有少少微燒，沖完涼舒服少少，就成日要行來行去

Our Dinner： 港安無肉食架，全部都係素食餐

入院發覺真係好多小朋友病，唔知點解啲病菌會咁利害，個個都發成個禮拜燒，又喊到死，家長們都好辛苦甘照顧佢哋嘅BB。

一向都知道小朋友生病，最心痛和辛苦一定係做人父母兩個，依家真係不幸地嚐盡心痛嘅滋味，冇得訓唔緊要，但見到BB咁慘就真係好唔開心.....寧願病嗰個係自己，打針食藥嗰個都係自己。

My Birthday Gift

話咁快又一年，我又老一歲喇！講到底都係進入人生另一個 "字頭"的開始，羊生話今年嘅生日禮物梗係唔可以求求其其~~~千揀萬揀，羊生終於諗到送咩俾我喇！

 ...... 登登登登.......




今年的生日，羊生送了一個 BIG SURPRISE 俾我，就在剛剛過了的生日，羊生終於都將佢帶到黎我身邊喇......


這一條鑽石手鏈，其實我偷偷地探過佢好多次，但我都唔捨得帶佢返屋企，一來條鏈唔係平，二來我返工根本無機會帶，三來自已隻手成日濕水又唔係靚，四來...... N 個藉口都勸自已要忘記佢，卻 N 年都忘記不了.......


我見到呢份禮物.....真係真係好開心能夠擁有心頭好，因為我真係諗都冇諗過......即使媽媽之前話津貼我，我都唔捨得；其實我之前生嘉嘉的時候，羊生已經話要買下來獎勵我，當作一份紀念禮物，佢話我爸爸都係甘對我媽媽；每次行過Mabella見到，羊生都會捉我入去，所以我都漸漸避開""佢""，好多次同自已講我地係無緣分................


終於.......  Hon Hon你放心，我一定會好好保護佢，愛錫佢，唔會再亂甘週圍扔嘢唔見嘢.............


由於我覺得條鍊都唔係平，我都好肉痛，所以.......我同羊生講叫佢唔好喺其他節日再買嘢送俾我喇，因為我會當佢係我今年所有節日嘅禮物，除咗生日...情人節...週年紀念....結婚紀念.....聖誕禮物.........哈哈.....

係味好"令"呢? 我覺得載咗佢成個闊太甘呀！ 哈 哈 哈 哈 哈 哈 哈 哈 哈 


多謝你呀 ~~ Hon Hon !

My B.day@ A whole new world

嘉嘉第一次到Disneyland是半年前的一歲生日，當時她見到卡通人物時，都顯得有點害怕，不願意跟他們拍照 。


 

相隔半年，今次輪到我的生日，我們決定跟嘉嘉再次踏上奇妙旅程，在迪士尼慶祝我的快樂生辰。要嘉嘉跟卡通人物踫面，我和羊生也有點擔心，其實我真係好想同 Mickey Minnie 影相呀!!!!!  去了多次迪士尼，我還沒有跟他們拍過照。




其實我臨影之前已經跟嘉嘉 warm-up 喇，我不停叫嘉嘉：合作o的啦，媽媽真係好鐘意佢哋o架~~~~求下你陪我影一張啦  

結果呢...........


 

嘉嘉好強顏歡笑甘擺甫士拍照




幾秒之後，已經驚到忍唔住快要哭了!!!  其實我都好開心收貨喇~~~~~(( 雖然Minnie都怕咗嘉嘉，行遠左兩步)))




如果見到嘉嘉至愛既Pooh Pooh又點呢???

嘉嘉同Winnie the Pooh影算好少少喇!!! 不過我地都唔敢再影其他公仔喇~~~~總算叫有一張一家三口到迪士尼的家庭照......((不枉此行喇))




其實今次還想去小小世界坐船仔，可惜小小世界正在進行粉飾中，要等到3月才會重開，有少少失望，影張相到此一遊啦~~!!!

我地了了Pooh Pooh屋企坐車仔




不過嘉嘉勁驚

嘉嘉依然唔肯玩任何機動遊戲，隨便拍下照已經好滿足!!!




當然唔少得同嘉嘉睇佢至愛既巡遊啦！




之後還欣賞了一場米奇頒獎典禮，入面黑暗暗，嘉嘉起初有少少驚，音響又大，幸好載歌載舞，嘉嘉先輕鬆返少少，原本有少少眼訓都睇足全場。


 

當晚我的生日夜宴，就選擇了這間位於美國小鎮大街的 "CORNER CAFE" 喇！

雖然今次乃我同羊生 N 度到訪 Disneyland，但卻是首次到此餐廳用膳呢 (因為經常 Full House )！此店環境及氣氛也不俗，我們分別點了兩個*三道菜的 Set Dinner。




~~餐包~~




~~意大利雜菜湯~~




~~蘑菇忌廉湯~~




主菜方面，我選擇了鮮茄燴豬扒配炒飯，而羊生就點選了白菌忌廉意粉，但大家可能太肚餓了，匆匆叫 Waitress 替我們一家三口拍個照，就完全忘記了將 main dishes 影下。根據我們食盡迪士尼 ( 這間算最為似樣的 )。




~~鮮果盆~~




羊生的芝士蛋糕亦是一個不錯的選擇，略嫌味淡，不是太濃的芝士味。




~~另外再 order 一杯凍咖啡~~




~~朱古力雪芭~~




原來帶住個 Disneyland 的生日襟章真係會有著數，餐廳的 Waitress 突然送上一杯ICE-CREAM CAKE 給我。



食物質素比想像的好 ( 食過都知迪士尼.... )

價錢 reasonable，沒有預期中貴，Soup + Main course + Dessert 就 $118 per set ( +10% )，不過飲品要另外收費

我們沒有看煙花表演就走了，因為嘉嘉才剛剛病好，唔想玩得甘""盡""~~~~

SORRY......呀囡，逼你陪左我成日!!!!