渟渟愛剪紙(26M)

當年剛滿2歲的嘉嘉也有做過同樣的小肌肉練習((Click Here))，轉眼渟渟也到了愛剪紙的年紀。

因為好奇，所以學習..... 卻又給她自己成功「剪」起來!!!




最近，妹妹每晚飯後都叫""CUT""呀""CUT""，瘋狂愛上玩剪紙，我就拿出那本封了塵的剪紙習作讓她剪個夠！！

嘉姐仔即係扮成小老師，教妹妹如何剪 & 貼。。。。




渟渟的作品，絕對不完美


 

可能別家小孩早就懂了，渟渟總是遠遠落後同年的，但看著她努力，而且沒有輕易想放棄，在這階段，已經十分足夠。




嘉。渟完全不用我的指導，兩姊妹就自已玩起來，我就只是在旁觀察........




要是想渟渟自已扭動紙，去遷就剪刀，剪出圖案，應該還有一段日子，要再多多練習。

縱使這種技能""遲早都識""，但也為渟渟這麼一點點的小進步而感到無比的驕傲....

加油哦！！！期待妳更多更多的"碎紙"呀！！！

 

 

爸爸一拖二@體康嘉年華

雖然我份工比較hea，但其實我又真係無羊生甘多假期，今日收到羊生既相 ((順便一提：平時我出Blog既相係要經由羊生處理，所以我無相就無Blog，即係無Blog出唔係我懶，係因為羊生太Busy~~~其實我姓賴 ))

講返羊生真係勁ssss，今日竟然一拖二帶左嘉。渟去佢返工個club house玩，仲話一D難度都無，三個都好合作云云，都唔知係咪真既~~




無可否認，正正因為我唔可以full time照顧嘉。渟的關係，間接造就了很多「父女仨」的親子時間，所以我家夫君真係超錫兩個愛女，簡直稱得上是女奴。


 

見到照片中的嘉。渟，知道就算媽媽返工的日子，你地一樣可以好開心，我都好開心~~~我亦好感謝羊生，就算我不在嘉。渟身邊，你都肯一拖二帶佢地週圍去玩去體驗，仲影左甘多相俾我，我完全感受到她們有多快樂！！多謝你 ！！


 

We Love U Dadi，You're always the KING of our Family 

Playright智樂遊戲日@迪欣湖

很久之前，已經知道PLAYRIGHT這一間機構會定期舉辦一些戶外活動，是給小朋友免費參與的；無奈時間不對或是地點遠遠的，總是跟嘉。渟錯過了......

錯失多次，機會來了！！加上久未露面的太陽伯伯又終於""捨得復工""，所以就算今天羊生要上班，剩下我們母女仨，我們還是開開心心地出發了！




這個星期日，迪士尼樂園全力支持PLAYRIGHT的「社區共建遊樂場」，一年一度，只此一天，向公眾全面免費開放。我們首先坐 MTR 到達了迪士尼樂園，再轉乘 R8 巴士，前往迪欣湖活動中心。




嘉。渟見到一大遍綠油油的草地，已經超級興奮，嘉嘉還很憐惜地撫摸著草兒，渟渟就在執樹枝，看見草地上有很多人來野餐，原來上一次野餐﹝Click Here﹞已經是四年前，希望盡快可以抽到時間來。




我們11:00am已經到達迪欣湖，一直沿著指示牌向前走，越行越熱，嘉。渟都忍不住脫下外衣了((前一天明明只有19、20度 ))！！




我們仨母女終於可以""重見天日""，在這個大自然的遊戲基地，跟陽光玩遊戲。




人比想像中少，可能是因為遊戲活動佈滿整個公園的草地，所以感覺並不擠人....




第一個遊樂區是「砌木塊」，以為嘉嘉不愛，會好快就叫走.....誰知，她竟然不用我的幫忙之餘，還自已來回數十轉((不辛苦嗎  ??))，堆堆疊疊、鋪鋪擺擺、拼拼砌砌出一輪""車子""，還有木板鋪底，說不怕會弄糟褲子......

嘉姐仔一邊疊，渟渟就坐著""等玩""，這個小女兒，又懶又嘆又古惑！！真不知應該好嬲還是好笑！！天氣有點熱，問嘉姐仔要否放棄，但她一直說要繼續.......在這裡磨了好一陣.....




開始感到無聊的妹妹，觀察了一會，就想轉到另一個地方玩，忍不住走到另一邊的「樂器區」......

因為一拖二的關係，嘉嘉又唔捨得走開「砌木堆」，我唯有先照顧妹妹，著嘉嘉不可以離開木堆範圍 ......越走開越不安，唯有""勸""嘉嘉到下一個遊戲區了。


 

忽然覺得，自已堅持一個人帶著兩姊妹，來到這些令孩子瘋狂的地方，簡直是「不自量力」又危險的行為！顧得一個，又顧不到另一個；然後，這個要這邊玩，那個在那邊又要幫忙.....叫不聽又嗌不停.....




然後我生氣了！！唯有捉嘉嘉來""訓話""，再""強迫""兩姐妹要一起活動！！這個滾滾木珠的遊戲，一個搭橋一個執珠，總要兩個才好玩。


 

另一面的遊樂區就比較「靜態」，所有的玩意都很簡單而且「無聊」，但小朋友就是愛玩，想不到快六歲的嘉嘉，仍然掛念當年我們合力製作的這間小屋子﹝Click Here﹞。




勇敢的嘉姐仔很靈活呢！！




這是一碌木鞦韆，喜歡它的活動設計，只是運用了簡單的材料，就可以設計出好玩有趣的遊戲。




好好玩的麻包袋鞦韆，妹妹初初有少少緊張。


 

這個用竹做成的竹滑梯，就短短的，小朋友都坐在麻布袋上，一下子就可以滑下來....嘉嘉有點膽怯，玩了兩次，便說不再玩了！但我卻認為，這是場內最好玩的遊戲啊~~~




我們只是玩了兩個半小時左右，真的並不足夠，下次再有機會，一定要找來羊生陪同，那樣我們便可以再玩得盡情一點！！

生活在五光十色、資源物質豐富的香港，對很多小朋友來說，玩具可說是垂手可得。大家不如趁這個空間和機會，讓小朋友返璞歸真，利用樹枝、石頭、紙皮等，發揮其萬千創意自制小玩意；

或在炎熱的夏天，除了舒舒服服不流一滴汗的帶小朋友到屋苑club house遊玩之外，不妨又帶他們親親大自然，呼吸一下新鮮的空氣，感受陽光、清風和綠草，孩子天天長大，長得也快，所以父母要把握時間，自創開心親子時刻，將 Family Day 變成 Family Play！！


 

雖然跟兩姐妹outing，是比較辛苦.....比較麻煩.....

過程又有點生氣，有點混亂，有點狼狽；但回到家裡，看見照片，卻又很回味母女仨渡過了簡單而愉快的一天.......

感謝天父賜我這兩個女兒，沒有了她們，生活多苦悶！！！

 

我家Auntie回歸的菲律賓手信

已經下了兩個多星期的雨了，還要再下多少天呢??天氣差，健康也差，嘉。渟小病了幾天，隨後羊生也小病了幾天......不是H7N9，放心，而且大家都開始康復了。


 
一連20日假期，我家Auntie終於回港了，我地仲去左機場接佢機，朋友說我太誇張，佢話自已應該呢一世都一定唔會去接工人機；不過天氣忽然轉冷又下雨，嘉嘉又未返學，所以我地就拎左件外套同雨傘俾Auntie。

之前聽聽埋埋好多工人個案，其實我都有少少擔心佢一去無回頭((不過我心超想佢唔好返HK，我只係擔心羊生同我家人受唔住呢個刺激))



終於都見到Auntie，佢仲買左好多菲律賓雪糕返黎，嘉嘉見到o的雪糕對眼即刻發曬光，渟渟見到Auntie梗係超興奮，不過最最最開心o個個其實係羊生，因為佢終於可以唔駛再做家務，終於可以脫離非人的生活，可能對他來說，感覺就是來回了地獄又折返人間。。。。

我就最唔開心，因為我兩個刷鞋女竟然o係短短一個鐘裏，不停叫Auntie~~Auntie~~Auntie，起碼叫左過百次。。。。。



當然，都係因為Auntie對嘉。渟好.....嘉。渟先會表現出甘興奮，而且，知道好多工人對於要湊兩件細路既工都好唔""LIKE""，我心都好感恩，雖然我自問都係一個好僱主，不過你對人好，人地未必會對你好，難得Auntie兩年來都無""恃寵生嬌""，我實在要一再感恩。

我地之間根本無僱主同工人既關係.......但我都知道，我地好既時候就好似相愛既一刻總會講 I love You，但呢個 I love You 係唔等於forever，我的態度是---施恩莫望報，亦唔會凡事依賴Auntie，可以的話，我都會((教嘉。渟 & 羊生))親力親為，因為只有佢地先會招呼到我終老。



呢盒係Auntie妹妹親手做的菲律賓甜品。。。打開仲係暖架。。。



嘩！！鋪面既全部都係芝士，我試左一件，煙煙韌韌，不過真係好鬼漏！！



Auntie還買了很多盒這種旅行禮盒裝的雪糕，她乘坐的菲律賓航空，附近就只有雀巢一個品牌的雪糕出售，價錢仲好貴(($1xx))！


 
呢o的宿霧芒果乾，係Auntie仔仔o係宿霧training時買俾我地架！！不過我就覺得另一隻7D牌子芒果乾好味o的！！


 
仲有菲律賓特產 - 芒果，不過呢o的芒果並唔係買架，而是Auntie在自已的花園裡的芒果樹上新鮮摘架！！



復活節假期過後，一切都回復正常了..... 上班的上班，上學的上學，妹妹又再日日stay home，大家重回正常的軌道，回復昔日的規律生活。。。。

 

蒜頭雪梨止咳偏方

可能最近的天氣反覆，我們一家都咳嗽了一段時間，有客人介紹了一個偏方，文姨姨自已試過話好OK，所以佢就叫我地都試下。

偏方的做法和用料十分簡單：在一碗滾水中，用一個雪梨（去皮、去核，切成幾片），加上約八顆蒜頭，少許冰糖，放進燉盅裏，再透過高壓煲隔水燉約十五分鐘，便可飲用，喝水吃雪梨。不用高壓鍋，用一般的鍋燉也可以。((文姨姨叫我隔水蒸25mins))



這碗就是傳說中止咳的燉品。

當晚嘉。渟吃了真的少咳了，我自已吃了就覺得喉嚨舒服了，難道是因為蒜頭可以殺菌嗎？？