親子做復活節Cake Pop@Teapot

今日同嘉。渟o係Teapot Workshop報左個親子整Cake Pop，可以做出小雞和小兔的可愛造型棒棒糖，有得食有得玩，嘉嘉一定好鐘意。而且我見渟渟都已經兩歲喇，應該可以嘗試下接觸呢o的興趣班，問過Kathy姐姐，佢話渟渟OK無問題，唔怕佢搗亂......其實有嘉姐仔""旁""住，我都好放心。

原本我係叫羊生一拖二帶嘉。渟黎玩((我要上班))，佢好似大受打擊甘((我心諗：俾晒錢等你陪女玩都甘淒涼 ))，羊生話驚渟渟不受控制，千萬個唔願意，甘我唯有跟埋去啦。。。。



首先老師派左3個蛋糕仔俾我地，叫我地用湯匙((手))撕碎 / 壓碎成幼細蛋糕屑。然後把忌廉芝士加入其中，將兩者完全混合，直至不黏手為止。




用手將壓碎蛋糕捏緊，搓成一個一個的波波 / 蛋形，放入雪櫃雪10-15MINS以鞏固形狀。



呢個時候，嘉。渟竟然自已走左去玩煮飯仔。。。。。



正當蛋糕待雪之時，我們就可以開始用糖霜糖皮來做小雞小兔的小裝飾囉~~~~



其實我都成日帶渟渟上黎Teapot，接嘉嘉放興趣班，所以，妹妹都好熟""呢度""。。。。




捉返嘉嘉過黎幫手。。。。



有性格的妹妹就繼續自已玩，得閒先過黎""整兩下""。。。。



15mins後取出蛋糕球，將竹籤沾上少少預先已隔水溶掉的朱古力，插入蛋糕球的中心點。



再把整個棒棒上的蛋糕球，蘸上溶化了的朱古力漿內，讓朱古力漿完全包裹著蛋糕球。 蛋糕球蘸上朱古力漿後，輕輕地用手拍打棒棒糖棍，將多餘的朱古力漿甩掉。



最後加上裝飾！！在朱古力漿未完全凝固時，可以放上裝飾糖粒。

小雞和小兔造型，就用朱古力漿黏上剛才做好的糖皮，砌成動物模樣。



因為是第一次做，技巧還不是拿捏得很好，所以有點不可愛((簡直是毀容版 ))



把棒棒蛋糕垂直插好百寶膠內，讓它凝固便大功告成。真係好難整得靚，有枝棒棒仲甩左出來 。。。。。



嘉。渟第一次親手合作的Cake Pop。。。。大成功。。。。



對小孩來說，有甚麼好得過又可以玩、又可以吃的小手工?? 這個親子甜品，自已也可以在家再試試囉~~~~



Teapot 還準備了一個小盒子來擺放cake pop，全都放在盒子內，今晚就送到婆婆家 ^^




同場加影，渟渟不停狂吃裝飾用的糖粒 ((由於有剩好多，渟渟食得唔好嘥 ))



胃食豬有得食就勁開心



勁無儀態囉 。。。。。




最後臨走前，所有參加 Teapot Easter Workshop 的小朋友，都可以拎一隻神秘復活蛋做禮物，內容款款不同，嘉。渟收到勁開心。

水口掘蜆

每逢初一、十五或前後兩三天潮退得最遠，最適合去掘蜆，不過話雖如此，出發前都一定要在天文台check清楚退潮時間，因為一定要在退潮時候才可以安全地掘蜆。




2013年的第一掘。。。。昨天下過大雨，今天就間中有雨，不過我地同Sunnie表姐、文姨姨都照去！！婆婆話我地係癲架 ！！


＊　到東涌去大嶼山的巴士總站，可乘撘 11 號巴士，過了塘褔後就係水口站，要密切留意右邊一經見到球場就要落車！或上車時可預先通知司機在水口球場有落啦。




渟渟好唔鐘意個泥灘，""吸""住佢隻鞋唔舒服，佢索性除左對拖鞋((千祈唔好學，因為好易割傷))。。。。。




一望無際的水口海灘，我地行出海邊都行左好耐，真係大退潮。。。。可以行到很遠的地方。。。。




其實天氣甘差，真係唔適合黎掘蜆，不過下一個初一、十五，嘉嘉又已經放完復活節假要返學，唯有同佢地打好個底黎，唔好凍親佢地。




掘蜆真係無咩難度。。。。。




嘉嘉終於掘到第一隻蜆，雖然唔係好大隻，不過佢都好開心 。




眼見有人有備而黎，配備精良似是職業打手，佢地已經掘到成桶蜆。。。。




渟渟越掘((玩))越起勁，凳仔都唔坐，就甘o係泥堆中玩，搞到成身濕晒。。。。。




竟然掘到兩隻蟹。。。。




我地掘左一個半小時左右，已經開始水漲，而且海水漲得很快，見好就收，要注意安全！！




經過我地兩個小時的戰鬥，就帶著大大小小的收獲返回岸邊，點算及清理戰利品，好開心！！聽晚可以有免費海鮮食 ！！




臨走前開始日落，仲有靚靚"咸蛋黃"睇添^^ 




回家要用鹹水浸泡蜆約一日，浸左一晚等佢地吐沙後便可以煮食。。。。。




我地今次用左白酒煮。。。。




真係啖啖肉。。。



P。S。 當晚Sunnie同肥爸食完蜆幾小時後，眼睛就開始紅腫。。。。肥爸好慘！！搞到要入急症仲要留醫，原本佢同阿娘明天出發去旅行，肥爸想哭了。。。。嗚嗚~~~~


後來聽Auntie話，其實落雨前後幾天都唔應該去海灘活動，啲海水係有""毒""~~~我信！！因為我掘左食左幾年，今次先""出事""。。。。請告訴你們的朋友。。。。這是我的親身經歷。。。。

紅蔥頭@荃新天地

其實羊生好喜歡到紅蔥頭食早餐，12:00pm前都是早餐時段，羊生最喜歡吃它的地中海三角厚多士，牛油味好足好香，好好味。。。。第一次黎食晚飯呢，見個餐牌都幾多選擇，於是就入去試下。。。。




今晚唔多人，入面有卡位，我們選了個二人套餐，有典型的紅湯白湯加蒜蓉多士。




蒜蓉多士夠熱好香，可惜個雜菜湯好淡。。。。




前菜 + 兩個主菜




酸忌廉薯條~~~這個小吃不錯，薯條夠熱而且香脆，酸忌廉味道不太濃郁，嘉。渟一條接一條的吃。




香草忌廉海鮮意粉~~~色澤青綠的香草忌廉醬汁味道不夠突出，使意粉的味道也變得平淡，不過佢隻扇貝同青口都幾大隻。




蕃茄腸仔磨菇意粉~~~個汁落得太重手，味道勁濃，濃到有點像蕃茄醬。




+$6 配了一杯特飲




跟住我地去左行馬莎，入左o的乾糧。




嘉嘉好鐘意食呢隻紅莓酥餅，可以一次食晒一盒，羊生就鐘意食黑朱古力消化餅，雖然好鬼肥，不過真係幾好味。




嘉。渟仲揀左o的朱古力復活蛋應節。