參加臻臻生日會

今天跟嘉嘉去了我老友女兒的生日會，眨下眼，我地已經識左二十年，她的女兒還比嘉嘉大一些。  今天臻臻六歲大了，嘉嘉好開心收到臻臻姐姐的生日邀請咭，一直好期待今日快些來臨。  心肝還自已挑選左條靚靚裙仔出席，不過剛到場，見到咁多人，嘉嘉顯得有點緊張。


 

生日會設於下午，兩姐妹訓夠先出街，經過慢慢warm up之後，嘉。渟兩個狀態都好好，妹妹肯落地玩、嘉姐仔就肯合作影相。




嘉嘉跟臻臻姐姐不是同學，也不是同一所學校，她們是因為媽媽上一代的情誼，所以變成好朋友，所以今天臻臻姐姐邀請的其他朋友仔，嘉嘉全不認識。  不過，有臻臻照顧住嘉嘉，我都好放心；到了玩遊戲的時間，見嘉嘉都玩得好投入。




~~~~是日party的美食~~~~


 

~~~~切蛋糕時間~~~~

小朋友個個都好緊張，好心急等臻媽打開個蛋糕盒，好心急想睇下個生日蛋糕。




原來臻媽為臻臻準備的靚靚Kitty生日蛋糕。

Happy Birthday to 臻臻姐姐，祝願臻臻小朋友6歲生日快樂，身體健康，聽教聽話和孝順父母 !!!




知道嗎??  在生日會上有一幕，讓我感動萬分............




生日會上大部份的小朋友，多是跟臻臻姐姐一樣大，唯獨渟渟一個這麼小。當所有小朋友都玩得興高彩烈的時候，嘉嘉你都不忘照顧著妹妹.....妹妹小，甚麼也不明白，但她總是愛黏著你，而嘉姐仔你並沒有嫌棄渟渟，反而小心翼翼地照顧她.........




媽媽知道，無論妹妹走到那裡，你都會跟在她的後面保護她........




渟渟，妳真的很幸福，因為妳有一個好姐姐，在我眼裡......她對妳的照顧比媽媽更細膩，妳要好好珍惜這段姊妹情，妳知道自已確實很幸福嗎??  因為妳一開始就不孤單，妳有姐姐的貼心呵護..........




當年嘉姐仔跟妳一樣一歲多的時候，在家會左手跟右手玩，用球拍打公仔原來是跟公仔在打球，出街總是想伸手拖著隔離的孩子。希望長大後的妳們會跟現在一樣~~~姊妹情深。




連取禮物也會替妹妹多取一份


 

多謝臻媽咪臻爹的熱情招待，謝謝主人家多給的回禮禮物，嘉嘉。渟渟今日真係玩得好開心，每幅相都見到佢地燦爛既笑容。

瑞士卡達caran d`ache顏色筆

 
其實之前見到呢套CARAN D'ACHE顏色系列已經好想買，今日同嘉嘉去左三聯，仲見到有姐姐真人示範點畫，嘉嘉睇左畫好耐，而姐姐又不厭其煩甘解答左我地好多問題，超nice。

我見到姐姐用左對呢套CARAN D'ACHE顏色筆畫畫畫得甘靚，就忍唔住買左套細細既水溶臘筆同水彩俾嘉嘉玩下，黃色圓桶是for洗筆的，右邊的圓牌是洗筆器，都真係幾好用架!!!  不過價錢就貴左少 少，成套買左五佰幾蚊。



買左之後嘉嘉不停叫我快些回家畫畫，示範姐姐仲送左一隻教學CD俾我地，又送左兩張佢畫既畫比我地返屋企參考~~不過，我地梗係無佢畫得甘靚啦!!!!

窩心的平安包

又到左太平清醮，羊生例牌要入長州 ""睇""飄色、搶包山；不過今日要入去""感受氣氛""，真係辛苦羊生了，好彩無落雨咋。

晚上，羊生還買了四個平安包回來給我們吃，我甘大個女都係第一次見到真既平安包咋，嘩!!!  乜原來甘大個架????  這間是名牌平安包呀!!  不知道羊生是不是排了隊很久呢????


 
平安兩字，寓意身體健康。  老人家說：吃了平安包，一家大細都會平平安安、身體健康~~

我地當然唔可以唔食啦!!  希望羊公館一家五口吃了平安包都出入保平安、身體健健康康、個個開開心心。

嘉。渟兩姊妹見到盒平安包不知幾興奮， 原來個個都唔同味道，有蓮蓉味、豆沙味、奶皇味同麻蓉味......



＜＜ 渟渟呢期鐘意繞腳坐 ＞＞

咱嘉的西瓜奶昔

除了雪糕，西瓜也是咱嘉夏天的最愛，一顆大西瓜，我們兩天就可以吃光了!!!!  我們每星期總要吃一個才舒服，羊生更說我是挑西瓜高手呢!!!! 

小小分享 :  想要買一個好西瓜，有以下幾個要點：

• 首要是夠重，墜手即代表水分夠多；
  
• 看看西瓜有沒有霉爛，又或者按下去軟軟的地方；
  
• 頂蒂要細、乾、而且圖案清晰 ；
  
• 用手去摸及拍打，摸上手滑溜、拍落有彈手感覺，兼聲音清脆，那這個西瓜有九成都會又甜又爽。
  
• 切開，果肉愈紅愈甜，若見質感沙沙（俗稱起沙）便最靚了！

今日教嘉姐仔整 watermelon milk shake cool down 下。。。。



清甜、冰涼、解渴、消暑，真是滑過喉頭透心涼!!!!

嘉姐仔特別喜愛吃西瓜，是因為我在懷孕期間，吃得特別多、特別爰西瓜的關係嗎???



妹妹唔執輸，自已要一杯拎住飲。



渟渟飲左一啖之後，仲「 呀 」一聲， 真係頂佢唔順呀!!!!  有無甘爽呀?????

 

 

學校運動日

嘉嘉學校舉行運動日，前兩天還下著大雨，初時我還有些擔心會取消項目((因為聽嘉嘉說她在學校練習好久了))，不過昨夜嘉嘉似乎很放心，原來老師對他們說：如果太陽伯伯無出黎，會轉去有冷氣的地牢舉行運動會。

今天不用穿校服，但要咱嘉設計一件白T-shirt，睇下嘉嘉畫得幾hea ~~~~~ 一點兒創意也沒有!!!!!



這天並不是親子運動日，但我就在學校附近偷看心肝。 幸好今天陽光普照，否則轉到地牢舉行就不能偷看喇!!!!

這個小小運動會由外藉英文老師主持大局，見小朋友玩得極度投入 + 興奮!!!  輪到心肝出去領獎時，老師無端端跪低""賜賞""，見到嘉嘉有點不知所措。



嘉嘉經常對我說很喜歡這位外藉老師，說他很有趣，經常搞笑........見到心肝有一個快樂而充實的校園生活，能寓學習於遊戲之中，希望女兒能好好享受下去，從愉快的課堂中學習到英語樂趣!!!!!

 

妹妹解難

 
今日我食雪糕既時候，妹妹又要食，甘我就遞俾佢自已食。



見妹妹接過雪糕，就學我平時甘食。



但係因為啲雪糕太硬，妹妹唔夠力畢起黎食。 



然後妹妹索性丟了隻spoon，望住盒雪糕，嘗試好似隻狗仔甘食，淨係伸個頭落去盒雪糕度。

不過，妹妹好快就知道唔work，於是.............



佢索性出手......



但係佢又嫌慢和吃得少，就舉起盒雪糕吃。



舉起盒雪糕吃之餘，又發現唔係甘得.......



見妹妹又試下甘........

不過最後，渟渟還是覺得我餵是最好 ......................



在解難的過程中，小孩不時要從腦袋中找尋新意念，用盡他們的創意，嘗試類推邏輯方法，這就是解難意念的來源。 每隔一段時間做一次，你會發現，孩子會有很多的改變。

 

 

 

We Love ice-cream!!

咱家有個壞習慣，就是由於我太愛吃雜食，家裏面的薯片、餅乾、汽水、糖果到處可見。最近天氣很熱，冰涷的東西，好像汽水、果汁和雪糕就成了我們嘉。渟((我)) 的最愛。



每天回家後，我就會用甜筒杯盛少少雪糕給嘉。渟兩姊妹，兩妹子都樂透了........

雖然有說小朋友吃雪糕不太好，不過也有醫生建義每日要食含奶類的食品，e.g. 奶啦, 豆漿啦, 芝士啦, 雪糕........都唔明白點解有啲人成日話呢樣唔食得、個樣又唔食得；我聽說過，竟然有小孩子5歲了，卻從來沒有嚐過雪糕，太殘忍了吧???  我們很聽醫生的說話，每天都會吃上一小杯。



妹妹愛吃，大家都知道，每天一雪糕，令我們的親子關係更進一步 。

今天我忍不住拍下了她吃雪糕的醜態......哈哈!!!!!!

其實幸福可以很簡單。不過幸福究竟是什麼???

對於嘉渟來說，幸福應該是可以大熱天時吃一口雪糕；

對於媽媽來說，幸福應該是可以看見你們每吃一口雪糕，嘴邊露出那甜絲絲的笑容。

嘉嘉生眼挑針

大家有看到嘉嘉的左眼眼皮紅腫了嗎???

前日無端端發現嘉嘉隻左眼忽然紅腫了，我輕摸到眼皮上有一粒好似瘡仔，但又疑似蚊釘的小小硬粒。於是我替嘉嘉先用冰水敷一下，誰知紅腫直至第二天都沒有退，看樣子還越來越嚴重，我唯有幫嘉嘉make appointment 見醫生。

醫生說嘉嘉唔係蚊釘，亦不是敏感，原來是生眼~挑~ 針!!!!  醫生說只要用暖水敷一下，再搽兩三天的藥膏就可以康復。

晚上，就替嘉嘉搽上醫生開的藥膏。



為甚麼嘉嘉突然會生眼挑針?????  她應該沒有偷看人家沖涼!!!

不過心肝有個壞習慣，就是經常去揉眼睛，一定是細菌感染吧!!!

第一次參加同學仔生日會

嘉嘉， 今天是你第一次參加同學的生日會，其實以往都有收過同學仔的邀請，但是我都沒有跟你參加過.......除了因為生日會多是在Sat or Sun，抱歉媽媽都在忙中，而且我又怕煩和怕social 等等一堆理由，令你少了很多和同學仔玩樂的機會。

不過.......由於今次的 Location 好近，碰巧羊生又放假，嘉嘉又表現出好想參加，甘好啦~~答應你去啦~~~



因為臨時有工作，所以唯有拜託羊生先帶嘉嘉去生日會，可憐羊生完全不熟悉嘉姐仔的同學和家長，羊生還說嘉嘉怕怕醜醜，即使同學仔叫她一起玩，她都不作反應。



渟渟一看見這座氣球柱，已經對它很有興趣。


 
到了遊戲時間，嘉嘉三催四請，始終都唔肯出去玩遊戲，最後我用左我凌厲的眼神強迫她參與 !!!!!



在麥當當姐姐帶領全部小朋友玩遊戲的環境底下，嘉嘉開始投入了少少，肯和同學仔一起玩，見她都玩得好開心.......



妹妹無份玩都唔會悶，因為佢好忙.......住食野 !!!!!!  而且嘉嘉既同學仔都好鐘意同渟渟玩。



小朋友玩過遊戲後，就是唱生日歌食蛋糕的時間，當大家一起圍著壽星仔唱生日歌的時候，嘉嘉依然好害羞唔肯過去，呢張相.......當然又是我""強迫""她去拍的啦 ..............



最後姐姐請各位小朋友出去排隊取禮物。 小朋友除了每人有一份麥當當提供的禮物外，還有家豪媽媽細心為同學仔挑選的一大袋禮物，真是滿載而歸!!!!!!

沒想到，原本好期待第一次參加同學仔生日會的嘉嘉，當天的表現非常拘謹，不肯和其他小朋友一齊玩遊戲........之前嘉嘉曾經話想今年5歲生日，邀請同學仔開""生日會""，但睇見嘉嘉今日.........真係要好好考慮................. ...............