有腳既人魚公主KaKa

呢條人魚公主裙，我一眼愛上。

首先，坊間已經流出好多白雪公主、灰姑娘、睡公主裙，已經出到好濫....返學校著一定撞，我唔鐘意......睇下對""貝殼""幾吸引....而且條裙既手工做得好仔細，仲有鱗片添!!!

學校呢個星期都係活動週，今日學校化身為卡通城，嘉嘉就扮人魚公主，其實嘉嘉極不願意穿上呢套人魚公主衫，係我強迫佢著俾我睇，佢唯有乖乖就範!!!!

 
不過唯一缺點就係粗魯既嘉嘉想行大步o的都唔得.......

 
我前兩日仲專登講左人魚公主個故事俾嘉嘉聽，跟住嘉嘉今日話：人魚公主無腳架!! 甘我點著鞋o者??  我唯有話：巫婆咪用你把甘好聽既聲....換左對腳俾你o羅!! 甘你今日唔好出聲喇~~你今日係要扮啞架!!!!

其實我最唔鐘意講公主故事俾嘉嘉聽，因為本本圖書都係話王子愛公主，公主愛王子，我覺得甘細個聽埋甘多情情愛愛唔好o羅，又一o的教育意義都無.....如果要我揀，我只係比較鐘意----美女與野獸 Beastly，起碼佢教我地做人不應該計較外表，而係要用個心去感受。

所以我咪揀左羊生o羅!!!!