Auntie的B.Day

Auntie黎左我地屋企已經半年有多，人地講所謂既"開始現形"，但係我地到而家為止.....相處得都算開心和諧，而且Auntie當正嘉。渟係自已女甘湊 ( 雖然我覺得Auntie係錫渟渟多o的)，不過佢對嘉嘉都好有耐性.....成日都同佢玩同佢唱歌傾計 ♬*♫ *♬*



最重要係....佢錫嘉嘉渟渟得黎，又唔會太過溺愛(縱)佢地，Auntie仲成日同我傾湊B經，我覺得佢思想正路，係我要o個套。而且Auntie又唔會只係掛住湊B就咩都唔做.........

每天Auntie一起身 ( 趁渟渟仲未起身 )就做一大堆家務，掃地抹地洗衫掠衫，如果渟渟仲訓緊，Auntie又會清潔埋廚房廁所，得閒仲抹埋燈同窗，老實講，我係從來無吩咐過佢做o的咩 ( 因為佢都自動自覺做晒啦 )，雖然我知Auntie係有手提電話，但係佢係從來無o係我地面前傾電話or send短訊，就連響都無響過.......我也很幸運自已請到一個又勤力又醒目既工人(✿◕ ‿◕ฺ)ノ

可以講既係.......我心目中計算工人的價值是：為左三千幾蚊，佢放棄自己既家，無機會日日見到自已既老公同仔仔，擔驚受怕在遠方既家人身體是否安好，又一次面對新僱主的壓力，( 唔知間屋有幾大，自己有無房甚至一張正正式式既床，僱主是否善男信女......) 我明白她們所失去的.......我都知道工人有好有壞，慶幸我家中是"好的一個" ，所以我會好好善待Auntie，同一屋簷下，She is a part of my family !!!




☆ﾟ+｡★｡+ﾟ☆ 因為唔想Auntie生日要做餐死，所以我地order左 PIZZA HUT ★｡+ﾟ☆ﾟ+｡★




Auntie好surprise!!!

因為我尋晚專登唔send msg俾佢，扮唔記得左佢生日~♡




跟住今晚一個一個走入佢房送生日禮物俾佢~~~~~

Auntie勁興奮  \(＠∩∀∩＠)/~♪†゜


婆婆上星期去旅行，仲買左一條一模一樣既手鍊俾Auntie........佢當左Auntie係佢姊妹~~



我全家人都好Like佢

晚上，我收到Auntie個短訊.......

跟住我同佢講.......

其實你已經做得好好........