今年我地第一次參加愉景灣搞既沙灘獵蛋奇兵，其實上年我已經知道有呢個"沙灘掘蛋遊戲"，已經好想好想帶嘉嘉黎玩，奈何嘉嘉當時未夠歲數參與，足3歲有多既嘉姐仔，今年一定要試下報名先!!! 點解係試下?? 皆因係因為要"攪珠"先知有無機會參加架!!
前幾日睇天氣報告，天文台預測星期五有驟雨，仲有雷暴，攪到我鬼咁擔心添!!! 好好彩當日太陽伯伯無休息o者，只係間中有雲，加上有o的海風，所以都幾舒服。
去拎返套掘蛋工具先!!! 大會仲送左隻Kinder出奇蛋補充體力!!!!!
未開始之前，已經見到好多人o係場外等候喇
o係人山人海中發現到心肝
3-5歲既細仔組可以有一位家長陪同一齊掘蛋
現場簡直係沙塵滾滾，不過大家都好似無被受影響，專心掘呀掘呀
我就覺得羊生同嘉嘉好似入左地盤"返工"
大家睇返嘉嘉未掘之前係幾甘有"heart"
不過經過10mins狂掘之後......
~~謝晒~~
索性玩下沙就算....
嘩~~~其實嘉姐仔收穫都唔錯吖~~~
原來羊生同嘉姐仔總共掘左14隻蛋蛋呀!!! 雖然就掘唔到大會指定既顏色蛋，不過每掘到一隻都可以換一份小禮物架!!! 好過無啦!!!
因為活動係由Tempo贊助，所以就由人氣水滴仔出黎頒獎
如果你有買Tempo士多啤梨味既紙巾Pad，你就知道水滴仔係邊個架喇~~~
我地都同水滴仔影返張相留念先
Click to GO >>> 復活節的獵蛋奇兵(下)
沒有留言:
張貼留言