婆婆開始煲薑醋

時間都差唔多，係時候要開始煲薑醋喇

薑先要用水清潔及除去表面的泥土，然後用小刀刮去皮

呢個重要既任務當然係全權交晒俾婆婆負責啦，婆婆o係上兩個星期開始已經密密手刨薑，一個人刨左成二十斤薑，唔知婆婆刨左幾耐呢?? 佢仲話遲o的會再買多廿斤，驚羊生唔夠攞返去俾o的同事食 ((感動))。

婆婆又要返工仲要招呼我地，真係辛苦晒佢老人家呀~~~世上只有媽媽好~~~第日我一定要兩個女更加孝順婆婆先得喇~~~

刨左出黎既薑皮吹乾之後，婆婆話留返俾我產後用來煲水沖澡洗頭

.

而薑吹乾後，就用鑊爆至金黃及抽乾水份

煲滾醋之後，放下巳處理好的薑，煲約2小時，然後每隔一個星期煲一次，每次半小時.........原來呢個階段只係煲薑，到後期要派薑醋前，才加埋豬腳&蛋落去.......

我就企埋一邊偷師，逐部問婆婆要點點點，話晒自己都有兩個女，都唔知第日駛唔駛招呼佢地，都係學定好o的既......

呢份完全係心意!!! o岩o岩煲起既薑醋好香呀，成間屋都係薑醋味，正!!!!!