2010心滿意足

這一年，又是像風一樣過去了

不過，今年比往年特別，因為今年羊生再送多了我一份紀念品!! 簡直是我的驕傲。

 

截至2010年12月31日止，我生命中想有的，都有了。有家庭有健康有工作有嘉姐有Melody妹妹，很滿足了。雖然我們不是很有錢，但不窮。屋不是很大，但是我們建立的安樂窩，室雅何雖大??

 

甚麼都有了?? 聽起來很自大，實情是，比上不足，比下有餘，知足者常樂啫。

 

實在太god-blessed了，感謝天父過去一年來的眷顧和保守，感恩家中大小老幼都快快樂樂身體健康，最愛嘉姐仔百看不厭的笑容，期望 2011 Yeung's family 有更多的歡樂時光 ♥

 

祝大家新年快樂知福惜福

 

新年願望是，Melody妹妹健健康康出世，嘉姐仔成日都開開心心；一家四口齊齊整整，家人健健康康，快快樂樂。

 

羊生的電子防潮箱

呢個電子防潮箱，就係羊生今年的聖誕禮物喇

既然買得部甘貴既相機，保養真係一個好緊要既問題，香港的天氣比較潮濕，如果無做足防潮功夫，相機鏡頭不幸發霉就損失慘重了.....我一直都想買一個俾羊生，不過佢話我唔識唔好亂買，於是聖誕節我就迫佢揀左個，唔駛再用o個個防潮箱....仲有成日要加防潮包甘麻煩了!!!!

呢個就係羊生既第一個電子防潮箱喇!! 都係用黎放下鏡頭、外置閃燈和相機電池，最緊要梗係用黎放相機啦~~~~有左呢個電子防潮箱，以後就可以一勞永逸啦!!!!!!

黃金海岸聖誕buffet

今年我地揀左o係黃金海岸食我地既聖誕大餐，因為太full所以我地book唔到坐入面，只係book到outdoor，好在今日唔算凍，不過我覺得仲好過入面。

o的食物款式都ok，o的甜品仲好靚添，不過掛住食，都無咩影相添，haha!!



嘉嘉放肆了，不停食甜品雪糕....



邊食邊影左陣相



今年聖誕，黃金海岸酒店變身天神村



天神村的白色聖誕

 "靈 感 IQ 稱 得 上 十 分 之 高 超，創 作 力 量 同 幻 想 會 嚇 你 一 跳，小 雲 同 小 吉 好 重 要........"

 

 

因為有無線兒童台，我同嘉嘉都無代溝了，我地都好鐘意睇 IQ博士 ~~~

不過而家IQ博士的主角，己經不再是小雲小吉，也不是博士或山吹老師，而是""大便""



經典超人撩鼻屎look



巨型薑餅屋



走近這些糖果屋，可以聞到香噴噴餅乾糖果的味道

Merry X'Mas

學校又有活動

嘉嘉化身紅衣小女孩

預早

祝各位 Uncle, Auntie 聖誕快樂 !!

Happy Holidays ♥

Have fun tonight with all your beloved ones ~~~~

聖誕大餐@娘家

沒有羊生陪伴的平安夜

話咁快又到左2010的聖誕前夕，羊生今晚要通宵返工，不過我同嘉嘉都有節目，就係去左娘家陪公公婆婆囉~~~哈哈~~~係咪好溫馨呀??? 仲有文姨姨咱家煮的聖誕大餐呀!!!!!

跟親愛的Family聚首一堂enjoy今晚的平安夜聖誕大餐 ~~~

今日用刀叉食Dinner，嘉嘉好興奮

零舍開胃

咱嘉調的"雜果賓治"

聖誕卡得獎呀~~

好開心啊 !!

我們設計的親子聖誕卡得獎呀 !!

今日返到學校，見到我地既作品被掛上優異獎

話晒都係嘉嘉第一個獎狀

學校通知左我地14/1會有一個小型的頒獎儀式，頒發一張優異獎狀，

很緊張呢~~~這是嘉嘉人生第一次上台領獎呀 !!!

咱嘉怖置的聖誕飾物

從前未嫁的時候遇上聖誕節，我都總會在家中佈置，增加一些聖誕氣氛，每一年我都會增加一兩樣飾品，這樣的舉動從未婚到結婚、經過了懷孕生B，都從來未變。今年，我依慣例搬出這些小小的聖誕飾品，請羊生和嘉嘉幫忙佈置，那株聖誕樹全程由他們掌手，和以往不同的是，今年，我們的聖誕飾品是嘉嘉創作的作品。

在十蚊店發現有現成的紙條買，已經裁好的一些色紙條，我教嘉嘉黏圈圈，各種顏色一圈一圈地串起來，嘉嘉很熱衷剪與貼的遊戲，這圈圈製作很貼近她的興趣。

五顏六色的串串圈都被掛上了哦

再加一些聖誕彩帶襯托著

羊生和嘉嘉兩人合力佈置聖誕樹，不一會，他們就佈置完成了

搭上聖誕燈，就是咱們嘉最有氣氛的聖誕節了

ifc聖誕木偶城

一年一度的聖誕節還有個多星期就到了，又是我們一家出動拍聖誕燈飾的時候了

我地今日去左IFC

今年IFC以巨型木偶為聖誕主題，塑造出一個滿有童話氣氛的聖誕節

我地就好似變左小矮人一樣，置身於大人國



糖果屋入面有一樽樽色彩豐富的糖果



裡面的糖果都係堅野，所以小朋友們要忍住眼看口匆動呀!!



忍唔住就會甘....



紅衣小老人

古靈精怪的嘉嘉



樽鼻的小鹿很可愛呢~~牠們的頭部還會不停地搖搖擺擺哦



這邊也有"算小"的木偶



嘉嘉站在燈柱旁....



是因為看到法拉跳鋼管舞嗎??



不錯的怖置，快o的去IFC啦

2010聖誕燈飾大巡禮~尖沙咀海港城

我們一家再戰尖沙咀拍攝聖誕燈飾

每年聖誕前後海港城必定人山人海，吸引不少遊人走來拍照，一個個好美麗的大蛋糕哦，不過跟聖誕節有甚麼關係嗎??

原來今年的聖誕燈飾佈置是以『全城歡慶』做主題，所以佈置有蛋糕、香檳和糖果等節日美食。

突然會升高的聖誕蛋糕，嚇親嘉嘉添!!

遊人都爭位拍攝相片，嘉嘉揀到靚位，羊生就要快拍，影得不錯呢~~兩位都非常專業!!!

巨型香檳杯砌成有40呎高的杯塔

呢個好似係Wedding Cake.....?!!

好大粒鑽石哦

場地另辟一段作慈善景點攝影，為血癌患者籌募捐款，一個家庭最少付$20，便可擁有私人場地拍攝時段，跟薑餅人BB蛋糕影相。

不用迫，不用爭位，可以慢慢影

我覺得o的薑餅人BB著住條片片好可愛呀!!

小bie，期待你的來臨，明年輪到你著住條片片，一家四口齊齊來影聖誕燈飾哦