Outback Steakhouse

可能已經踏入懷孕蜜月期，近日胃口大增，好想大食一餐!! 羊生一諗就諗起愉景新城o個間"outback steakhouse"~~ ( 因為仲可以俾佢個愛女行陣玩具反斗城嘛!! )

因為我地即興無訂檯，所以到達是需要等候的，服務生對我們說大概要等15mins，由於餐廳內有小朋友玩具供應，見嘉嘉玩得好開心，所以我都唔介意等.......

一直都好欣賞外國餐廳好識得招呼小朋友。一來就送上顏色筆加一本有得玩既兒童餐menu。

呢本menu好正~~可以俾小朋友填顏色，有迷宮，有捉錯處，仲有好多魚魚sticker哦!!

等候期間可以陪嘉嘉畫畫畫~~

首先送上呢個熱辣辣既黑糖麥包俾我地食，我就覺得個包甜左o的，不過羊生就肯定好肚餓，因為佢吞左大半件。

周打硯湯

雖然細細碗，但伴上忌廉，所以好creamy，而且好多料，除了有硯，還有薯仔和一些瓜，飲完之後都有少少頂住頂住甘。

雞肉寬條麵配黑醋槳

o的雞肉麻麻地，不過個sauce就好好味

燒蝦併安格斯牛扒

因為好怕中間太粉紅，所以沒有點medium，換了點7成熟。肉質鮮嫩，7成熟也不會太柴，而且店家時間控制得很不錯，還帶一點點粉紅，保留其新鮮之餘也特顯出安格斯牛扒肉質的鮮嫩；配上磨姑汁，相當美味。 燒蝦同樣是夠香口彈牙，不過伴碟既薯蓉就沒有甚麼特別。

呢個雪糕就係羊生專登order俾佢心肝既!!

上面果一個係cream黎，下面先係ice-cream，最底係熱既chocolate漿，好好味~~不過因為兩父女食得太飽，所以由我KO左佢!!

Outback Ade

因為有左細B，所以無order red wine，呢杯outback ade有好香既熱情果味，有氣而且好重果汁味，又唔太甜，勁好味~~