第一次睇牙醫

今日係嘉嘉第一次睇牙醫，其實我過年前已經發現佢有三隻牙仔蛀左，o係三隻牙齒表面上分別有個窿仔，其實過年前只得芝麻咁細，但係發現幾個窿仔越蛀越大，所以我就"的"起心肝同嘉嘉booking牙醫睇牙。

可能我自已都怕睇牙醫，所以希望事先給嘉嘉有充足的描述，這星期都在看"亮亮的成長"一本關於看牙醫的書，讓嘉嘉有個心理準備。

~~看她在檢查前多風騷~~

當嘉嘉入到診所內，佢好聽話甘遵循牙醫醫生吩咐，自己坐上整牙椅上，夾好圍巾，醫生降低椅子較好位置後，就開始幫她細心檢查。牙醫話:"都未生齊哂o的牙仔，就已經有蛀牙? 甘蛀法應該係含住奶訓覺啦~~" 

我就同醫生講補左佢.....盛惠$260/per !!

我在旁邊睇住嘉嘉，佢真係好勁，個口一路張開，姑娘用管幫佢吸口水，醫生就幫佢補牙，整個過程15分鐘左右，嘉嘉都好合作，我覺得嘉嘉好勇敢，叻過我細個既時候，而且佢整牙歲數比我細好多，我真係要俾十個叻佢 !!!