復活節整復活蛋

又係親子勞作時間，復活節梗係要應下節做復活蛋啦 !!

首先我預備左幾隻真蛋，咁先算有誠意嘛 !! 做法係：在雞蛋兩端篤上小窿，之後就大力搖、係咁搖.....甘D蛋黃同蛋白就會從小窿滴出黎 !!! 淨係整呢個過程，就用左我大半個鐘 !! 仲要整瀾左一隻蛋添...另一隻就穿左個大窿。

搞到我手忙腳亂，好彩羊生唔o係屋企，咪又要俾佢眼超超.....跟住我就叫嘉嘉剪下紙，搽膠水，貼貼紙。

嘉嘉好認真的 Cut

上次用剩左D星星貼紙，攞埋出黎玩先

在復活蛋上貼星星

跟住就到 "上色" 喇，睇下嘉嘉好比心機畫架 (雖然我唔知佢畫緊咩!!)

得左....呢隻就係嘉嘉整既第一隻復活蛋喇

係咪好有畢加索Feel呢?

梗係.....

係出自"不嘉思索"大師手筆嘛

完成後就當然要拍下大作啦

今日一共做了三隻復活蛋，你又喜歡邊隻呢?