又係親子勞作時間，復活節梗係要應下節做復活蛋啦 !!
首先我預備左幾隻真蛋，咁先算有誠意嘛 !! 做法係：在雞蛋兩端篤上小窿，之後就大力搖、係咁搖.....甘D蛋黃同蛋白就會從小窿滴出黎 !!! 淨係整呢個過程，就用左我大半個鐘 !! 仲要整瀾左一隻蛋添...另一隻就穿左個大窿。
搞到我手忙腳亂，好彩羊生唔o係屋企，咪又要俾佢眼超超
嘉嘉好認真的 Cut
上次用剩左D星星貼紙，攞埋出黎玩先
在復活蛋上貼星星
跟住就到 "上色" 喇，睇下嘉嘉好比心機畫架 (雖然我唔知佢畫緊咩!!)
得左....呢隻就係嘉嘉整既第一隻復活蛋喇
係咪好有畢加索Feel呢?
梗係.....
係出自"不嘉思索"大師手筆嘛
完成後就當然要拍下大作啦
今日一共做了三隻復活蛋，你又喜歡邊隻呢?
去完濕地公園玩，我就Join返剛收工的羊生
一齊去Queenie姨姨屋企"痴餐"
Queenie姨姨既廚藝真係好勁呀 !! 五餸一湯.....白飯任裝....是日晚餐有 : 冬菇瑤柱炆五花腩、苟菜花炒蝦乾、粟子蚊雞翼、豉汁蒸倉魚，還有for嘉嘉和Matthew的肉碎蒸水蛋，真係細心 !!
雖然話晒黎"痴餐"，我地都唔可以兩手空空上去既，行過吉之島見到有啲日本果酒做緊Promotion，就買左兩支黎試下.....
推銷員力薦的日向夏柚子酒 ，每年只有一造，酒精含量只有8%，加上上乘的sake釀製，所以在眾多款柚子酒中，只有它能帶有獨特的sake甜味，跟柚子的香味配合得完美，香滑且易入口 !!
另一枝梅酒.....青梅+白蘭地，酒精度14。味較濃質地比較厚身，都算容易入口，不過如果加埋冰飲會更加好飲。
食飽飽之後，嘉嘉同Matthew兩個自已玩
大人就繼續吹水
Queenie姨姨一家剛從上海旅行回來
買了一些酒釀丸子
這晚特意"炮製"了這道飯後甜品
羊生說很喜歡它那淡淡的酒香，喝下去還有暖胃的感覺
Queenie姨姨更說酒釀有養顏及促進血液循環的功效呢
今日同埋媽媽一齊去左昂坪360玩
係我地初次乘坐360 Cable Car
梗係要張番張相~~
可能係平日關係，人流也比較少，不用排長龍便能登上纜車
好明顯嘉嘉係唔怕高既，睇下嘉嘉幾享受
「嘩 ~~ 呢度好高呀」
嘉嘉真係一D都唔驚架，沿途係咁望風景
雖然話是日污染指數高企，但都唔算濛查查
如果唔係就大煞風景囉......GOOD LUCK~~
涼涼地....坐360都幾舒服吖
大概20mins就到達左昂坪纜車站
呢個QQ水晶車好cute呀
呢度就係昂坪市集
呢個市集，真係完全唔掂呀，都無嘢睇既
只係得D賣紀念品既shop..同食肆....
其實呢度仲有個纜車展，展出數架從外國搜羅返黎既纜車，不過嘉嘉只係揀左呢架CHINA纜車影相，話晒係七.一出世既Baby嘛~~
我地跟住就去上左天壇大佛
(( 半途休息一下 ))
原本我地仲打算過去寶蓮寺食齋，仲有好想嘆碗山水豆腐花，可惜四週圍都正在修葺中，沙塵滾滾，見到都無胃口，搞到我一點兒興趣也沒有了。
唯有行返去市集嘆杯星巴克
跟住我地搭巴士入左大澳，落車就見到有間檔口，招牌寫著睇白海豚.....每位先俾$20，便可以立即上船出海，全程30分鐘，都幾抵吖~~隻艇仲開得好快添，好刺激，好好玩呀!!
我們的船家叔叔很努力地為我們搜尋白海豚的蹤影，最後我們真的很幸運能見到白海豚出現，而且數量還很多。嘉嘉見到時十分興奮和雀躍呢!! 除此以外，船家叔叔還很用心地向我們介紹大澳既特色。
到黃昏的時侯，嘉嘉己經頂唔順，超眼訓ZZzzzz
連影相也沒有心情望鏡頭了
本來打算在大澳食埋飯，但間間飯店都正在"拍烏蠅"，我們都無心水食邊間好，嘉嘉眼訓又食唔落既，所以呢......我地又坐番巴士出東涌市中心，去左諾富特食buffet。
點知竟然撞到紅姨姨同聰聰姨丈 !!
叉完電既嘉嘉精神返少少
不過呢度得好少野食咋，刺身得4款，三文魚，吞拿魚，劍魚，八爪魚。
一心以為有生蠔食，點知呢度係得螺+青口囉 !! 兩款only...無啦...
甘多野食之中甜品就最好味......所以呢......
.....
