健康素菜@大力齋廚

今日又夜放工，我地左去大力齋廚那兒吃晚飯，上幾次都只是跟爸爸媽媽去嘆早茶，晚飯倒是第一次來吃，"掃食者"的我們間中都想轉轉口味，食食齋菜。

今次再次光顧這間齋菜館，果然都無令我地失望，樣樣都好好食呀~~~ ( 其實我地係預先問左老闆最暢銷齋菜名單 )，樣樣都好有驚喜，樣樣都做得好似，樣樣都用左好多心機去整，原來心機真係可以食得出黎架 ！




位於元朗交通廣場的大力齋廚，前身是滿淮庭上海菜館，地方寬落好好坐。




齋鹵味 - 酸齋~~~好入味，酸酸的口味頗開胃！！




蟹皇翅~~~原來都幾大窩，連埋嘉嘉5個人都可以有2碗仔飲！！




 西蘭花雞卷~~~個賣相好靚，顏色好鮮艷。雞卷其實係腐皮包住冬菇、齋火腿、西芹等。皮先炸了一下，外層幾香脆，內裡有「肉汁」。




欖角蜜糖烤叉燒

呢個好好食呀，感覺同食真既叉燒無咩分別，賣相都十分相似，咬落去第一啖真係以為自己食緊叉燒。其實都係用腐皮整成，不過用左蜜汁，而腐皮既黏度亦剛好，所以真係好似真叉燒。




蟹皇干燒伊麵~~~碟麵都好夠味呀




海鮮鳥巢~~~個芋頭鳥巢好香好脆， 食齋最有趣是，每食一口都會諗呢舊餸扮緊咩呀 ? 用咩黎整既呢???咁似既??? 好搞笑.........




同場加映嘉嘉第一日用筷子！！(留意照片中"胃食"嘉的樣子，有得食老豆喺邊都唔知 )




其實我覺得嘉嘉第一次用都算唔錯喇 ! 好多野都"夾"到，有時仲會夾埋比我同羊生食添 !!!  (留意被嘉嘉忽略的羊生，已變得一面無奈 ......)




不過擦鞋精嘉嘉唔駛一陣就氹番掂羊生啦

埋單免加一，平日仲有9折 (初一,十五除外) $365，都OK啦 ! 因為我地叫果幾樣全部都好好食，所以覺得都值，最重要係唔油，咁先叫做健康素食嘛 !! 而且服務又不俗 !! 啲阿姐好勤力加水，個個都笑容滿面，唔知係唔係大家都係食齋，所以清心啲 ? 你地得閒都黎試下......

首推都係呢度既公司三文治 ..........


地址：元朗鳳翔路2-6號交通廣場地下38號