嘉嘉換季篇 @ Sogo
好一段時間無去 shopping，今日趁羊生返左工，就想同嘉嘉買返對新鞋仔，"順便"去 shop 一 shop 啦 !
行過polo童裝，入去睇下有冇減價貨啦!!!! 點知polo做緊CRAZY SALE，真係好Crazy呀 !
鐘情 pink colour
背心外套
長褸
唔知有無機會帶，但係又好鐘意呢頂帽....
買到心水鞋
呢對超抵 ( $1xx )
2009年9月30日 星期三
2009年9月26日 星期六
『你叫咩名?』
嘉嘉: 『我咪叫羊x嘉囉 !!』
嘉嘉的語言能力，絕對是我最放心的一環....
經常"語出驚人"的她......總是為『我們這一家』帶來不少歡笑....
.
一直以來，我們都只教嘉嘉叫自己做 「嘉嘉」
一是因為發音問題，二是因為3個不同的字，似乎有點難，不想為嘉嘉添加壓力 !!
不知是否經常"過關".......
國內關、澳門關、機場關....
每次過關，職員總是會問 :『小朋友叫咩名?』 (都是父母作答的嘛!)
然後..... 嘉嘉卻無意間記下來....
最近的幾次"過關"，當嘉嘉走到櫃位，已經會主動說出自己的全名 
.
這天晚上...
嘉嘉又無聊地玩著.....
我多口的問了一句: 『您係邊個?!』
嘉嘉竟然..... 『羊X嘉囉!』然後, 就走左去....
答得乾脆利落，還帶點囂張.....
嘉嘉.... 點解要加個"囉"字呢?!
2009年9月25日 星期五
街市學習法
在我工作的附近有一個街市，我和嘉嘉每天必定經過。不記得從那天開始，我每天都會帶嘉嘉進去行個圈，介紹一下各樣"海產"和"蔬果"的生字。
真真正正帶小朋友到街市去學習，是不是比用字咭和圖咭學習apple，fish更好呢?? 讓幼兒親身看一看世界的各樣東西和景物。
幼兒學習包括visible learning 及invisible learning，現代的家長似乎太在乎visible learning，認字，計數.... 這似乎有所不足。自問自己也重視visible learning，個人覺得visible learning 其實很容易實行，因為只要付款參加一些課程，就可以短時間收到認到字、計到數的效果。
相反，invisible learning~~表面看似容易，實際要家長花時間，花心機帶小朋友四處走，四處遊歷，在體驗中學習，所花的可能更多，但得到的亦是更大。
除了打開動物百科全書，看看書中的生物，能讀出牠們的名字外，有甚麼比他們見到活活生的生物更有體驗? 我會在家中提供visible learning 後，再加上親身體驗的invisible learning，才是早教中最重要的。
這天帶著嘉嘉到西貢遊，雖然只是碼頭旁的海鮮酒家，己經令嘉嘉駐足欣賞了許久，用著五官去認識，去理解，去感受這些"海洋生物"，憑著好奇心，或許 learning 正在腦袋發生。
大家齊來試試街市學習法呢 !!
2009年9月22日 星期二
元朗~井一日本料理(已結業)
今日我地去左試井一日本料理，東瀛「壽司 + 和食任食放題」，黃金時段$88一位，有火鍋 + 壽司、天婦羅、爐端燒等，如果想 + 刺身就要 $128一位 ( 仲要+10% )。
熟食是要自已行出去攞的
因為係放題關係，有壽司食之餘仲有邊爐打，地方唔算好大，不過當日竟然一啲冷氣都無，每檯都有一個火爐，熱到呢......
所有刺身、壽司、碢物、小食、飯、拉麵都是由自已mark紙落order的。
叫左四款冷盤
我地order的刺身，選擇真係好少
就只有以上幾款
炸蝦天婦羅好普通
網燒牛扒同豬頸肉 - 牛扒好嫩，但個醬汁就麻麻地
手卷 - 飯就大大舊，魚生就薄一薄
連壽司的種類亦都無咩款
最抵咪係汽水任飲囉
無下次了
2009年9月21日 星期一
西貢~Pepperonis
Click to GO >>> 半月灣 Sun & Beach
去完半月灣，又唔想食海鮮，行下行下，就由碼頭行左黎呢度~~Pepperonis Pizza & Cafe，因為嘉嘉話好想食Pizza，所以我地就決定走入去試試喇 !!
一坐底就發現呢度都有啲crayons，可以比啲小朋友用黎畫畫玩下開心下。自從生左嘉嘉之後，我自已就好 Buy 呢啲 kids welcome 既 restaurant。
就算同嘉嘉食長少少時間都唔怕悶親佢呢 !!!讓嘉嘉可以隨心畫~~~
蒜茸蜆肉意粉~~~~估唔到佢咁好食架，本身打算隨便叫個意粉，俾嘉嘉食飽個肚，點之佢夠味之餘仲幾足料，雖然蜆肉唔算大，但係都ok多架 !! 好欣賞 !!
New Orleans pizza~~~只係要左個細批，怕太大個會食唔晒。
pizza真係好多料架 ! 仲熱辣辣添 ~ 正呀 !
佢個汁好搞笑，喜愛它的 chill sauce 及 sour cream，食落都幾特別。
Dinosaur Ribs (Half) ~~~雖然只是半份，其實份量並不少，都有七、八條骨的。肉好嫩，只是輕輕一切便可把肉和骨分開。另外，肉有燒烤汁的味，吃起來一點都不寡。如果還想濃味一點，就蘸上附上的秘製醬汁，十分惹味。還有伴碟的炸薯角，炸得脆又香口，食到停不了口。
order之前都估唔到有甘大份，最後要靠羊生清晒佢。
羊生 order 左杯 Coffee Toffee~~~~
我的 Strawberry & Vanilla milk shake 同嘉嘉 share~~~~
再來嘉嘉見到兩個大球雪糕，未食都已經先興奮.........
Chocolate Brownie ~~~ 呢個brownie真係大失所望，唔夠熱，只可以用微暖來形容，好似係超市買一舊冰鮮現成的朱古力蛋糕焗熱就算.........而且得條幼幼的朱古力醬係面，完全失去左好rich的感覺。
SUN & BEACH~半月灣
快將立秋了，我們這一"嘉"需抓緊summer落水的時間，想來想去，左想右想，今次既目的地就係"馬爾代夫" .com.hk----萬里長征，還是半月灣最理想 !!
上船後的心情頓然令人輕鬆起來，平日去的船費會比較貴，要收$50(來回)；假日去的話就只是$25-30(來回)。
而且這天人比較少， 比我想像中的更少.....，一個字 "正"
半月灣的沙子超細、超幼，不用擔心弄損腳，就好似地氈一樣咁滑、咁軟
.......所以我相當放心俾Baby KaKa赤腳行......我還在打點，嘉嘉已經急不及待，玩沙去咯!!!!....
炎炎夏日的環境下，無野好得過跳落水hea。嘉嘉同羊生率先落水降溫......
嘩 !! 真係好清好涼呀 !! 睇下嘉嘉個樣....幾爽 !!
好舒服呀。。。。。。。。
經過過往的訓練，嘉嘉對沙和水，已經不再陌生。
這一個 Hello Kitty 水泡是新買架，我見水淺，嘉嘉可以點到地，就讓她自己浮下浮下，游下游下，( 點知嘉嘉個身越浸越落，搞到羊生好鬼驚，不停大叫 )，嚇到嘉嘉以為自已好危險，搞到佢想喊想喊甘。
其實真係點到地架
!! 駛咩甘緊張wor...
幸好我隨身攜帶嘉嘉的"至愛珍寶珠"，LOOK ---->當堂成個人生猛返晒啦!!!
食食下仲係度跳舞，超人迪"嘉" ? "真騎呢"
YEAH!!!!! 媽媽氹氹即刻開心返晒
不過嘉嘉已經唔係好敢行近水喇，嚷住要返埋"位"堆沙，間唔中都肯出下去攞水水既，仲有擺下 pose 俾羊生影相囉~~交足貨架 !!
水清沙幼，陽光普照 !! 在水中載浮載沉，曬下日光浴，感覺好 RELEX !! 簡正係人生一大樂事 !! 就算幾山長水遠黎呢度都值得既。
今日嘉嘉仲係全沙灘最索既一個添!! ((因為無咩人的關係.......
))
SEXY GIRL!!!! Baby........You are so HOT !!!!!!
羊生同嘉嘉玩緊咩呀?係扮沖涼遊戲....擦埋背吖~~唔該........
清水在於半月灣而言，是非常珍貴的，因為呢度連沖身都係...咸水 > < 羊生怕海水會令嘉嘉澀眼，"乸" 親佢個寶貝女，咪用清水沖下嘉嘉對眼水囉 ! 不過嘉嘉似乎唔係甘鐘意呢個方式wor.....
今日租太陽傘好抵，只需$50
雖然今日無酷熱警告，但紫外線超高，即使有用太陽傘都曬黑了不少，難得白返DD既嘉嘉又再黑左，再次變成一隻小燒豬喇....鳴鳴
上一堂 Playgroup 老師教的~~Frisbee~~
今日特意買一隻來教嘉嘉玩 $20 ~~
當然少不了 Bubbles........有小朋友的爸爸媽媽，Outing必備呀!!!!!!
陽光 + 藍天 + 海水...還有 + 埋 ++ 的歡笑聲
才能感受到真真正正的夏天，welcome my hot hot summer ^^
開心的時刻過得特別快
夕陽無限好
是時候返歸喇
最後睇埋嘉嘉呢個滿足樣，就知道今日我地玩得幾開心啦
訂閱：
文章 (Atom)