科學館之糖果嘉年華

今日帶左嘉嘉去科學館，原來"糖果嘉年華"現正於科學館舉行展覽。

Welcome to Candy Unwrapped !! 入場費只需 $35@(成人)，$70便打發了整個下午，let's have fun !!

一進門就見到好多不同款式既糖糖呀，不過有得睇無得食呢。

裡面有一座巨大的糖晶山，嘉嘉好小心甘一步一步沿住山邊走。

呢個係巨型舌頭，外面白色部份係牙齒，小朋友都跳上鬆軟既巨型舌頭上，認識有關各種既味蕾 !! 不過嘉嘉唔敢玩，入左去又出返黎，淨係喺旁邊制。

另外單位提供左不同氣味噴射器，讓小朋友聞下不同的氣味，嘉嘉聞到其中一個就皺晒眉頭叫唔好，Why? 我咪好奇去聞下囉，頂.......原來係臭"屎"味 ，好低能呀 ! 嘉嘉都話唔好，我仲走去聞，真係白痴，聞到我想嘔.............

呢度仲有"滋味美食"快餐order，嘉嘉左右選了一份蜘蛛手打烏冬.......實在不敢想像點樣放落口。

 

跟住見到有扭糖機，終於有糖糖食，即刻去排隊先，是椰子味的軟糖，Good。

咦 ! 前面又有糖糖，哈 ! 原來今次係一粒酸糖，嘉嘉梗係唔知啦 ! 佢攞到之後仲即刻想食，於是一放入口後即刻.............

 

俾羊生執手尾囉 ............

"從可可到巧克力"，介紹了朱古力的原材料是可可，仲有一棵可可豆樹，可以打開看可可豆，其實去馬來西亞參觀朱古力廠都有介紹過，因為當地盛產朱古力，週圍都是可可樹。

"浪漫巧克力" 一直以來巧克力被視為催情劑，這到底是科學實證還是迷人的神話就不知道了，但係呢盒朱古力真係好鬼靚 !!!

 

  

 

主辦單位用了很多很多糖果來佈置場館，說美觀程度，我覺得很不錯 ，見到好多一家大細黎玩，不過當中有很多一排又一排的文字 ，都無心機去細看。

可能因為這個展覽是專為兒童而設的，當中提供了很多讓人參與玩樂的設施，都算係一個幾好既親子活動，例如吃軟糖及酸糖感受味道的變化，了解味覺和嗅覺；還有不同的氣味噴射器讓小朋友嗅一嗅猜猜是什麼，相當有趣！(只是有些味道真的不好聞 ......)

想知詳請，可瀏覽科學館的網頁:

http://hk.science.museum/se/se.php