玩剪刀其實是一種很好的小肌肉訓練，可以增強小肌肉的靈活性。
原來小朋友要一邊握緊紙張，一邊握住剪刀，而且握住紙的那邊又要配合剪刀郁動的節奏向前移，是有點難度的哦！而且，同時又可以訓練小朋友的專注力
不過嘉嘉還未能靈活控制小手指，所以，她不懂得一邊剪一邊將剪刀推前。
而且個性又心急，剪刀常常甩手，很攪笑！真要好好的訓練一下
.......羊生也有份參與咱"嘉"的 Home Playgroup
咱"嘉"的作品
2009年7月31日 星期五
2009年7月27日 星期一
成長~~係每一次放手既經歷
『成長，係每一次放手既經歷』
正當普羅大眾既父母們都溺愛自己仔女時，回望自己...
不會為嘉嘉跌一跤感到心痛...
也不會介意嘉嘉吃得糊塗，弄得一面都是而感到尷尬....
更不會因嘉嘉頑皮受到批評責罰感到難過....
有時會想：這是放手，讓她成長的一個過程嗎?
抑或對嘉嘉的愛，比其他父母對自己孩子的愛，都少了一點?!
自己曾經也年小過... 總覺得，要深深跌一跤，先懂得驚，懂得怕，懂得長大... 任由父母如何說教，心裡也總是想： "如果這樣，我便可以那樣"....
或許，年少時的"童年陰影"，令我這個新手媽媽，對嘉嘉有著多麼的放任....
希望她能用自己的思想，行動，深深去跌一交.... (好殘忍啊!)
因為我知道，縱使如何放任她，我總會在她身旁，看著她；需要的時候，扶她一把....
可能會頭破血流，但至少，她感受過....
嘉嘉，不知道你究竟喜歡事事關心的做你媽媽，還是漠不關心的做你媽媽....
也許有一天，你可以告訴我.....
我期待著 .........
2009年7月21日 星期二
嘉嘉第二次的Macau Trip
去年羊生的生日是跟嘉嘉第一次外遊到澳門，沒有甚麼經驗，所以沒有帶她參觀過甚麼地方，現在大個了少少，起碼可以陪我們一起行行食食。
這個假期，我們跟肥爸肥媽細姨表妹一行九人到澳門走走。最初還擔心颱風過後仍有風雨，想不到陽光"過份"普照，真的感恩。
DAY 1﹕港澳碼頭 → (check-in) → 氹仔市中心, 官也街 / 地堡街 (大利來豬扒包) → 葡式大屋博物館 (龍環葡韻) → 威尼斯人 → 新口岸 (沙利文食 dinner) → 永利
DAY 2﹕食早餐 → 泳池游水→ (check-out) → 大三巴 → 手信街 → 擰檬車露雪糕 → 台客芋圓 → 木糠布甸 → 萄撻 → 漁人碼頭 (Dinner)
是表姐表姨最期待的節目
因為天氣太熱既關係，眾人都不願意行上去
拍張照到此一遊就算了
第一次吃芋圓，無想像中的芋頭味，略韌
這個假期，我們跟肥爸肥媽細姨表妹一行九人到澳門走走。最初還擔心颱風過後仍有風雨，想不到陽光"過份"普照，真的感恩。
DAY 1﹕港澳碼頭 → (check-in) → 氹仔市中心, 官也街 / 地堡街 (大利來豬扒包) → 葡式大屋博物館 (龍環葡韻) → 威尼斯人 → 新口岸 (沙利文食 dinner) → 永利
當我地去到澳門check-in完之後，見差唔多三點，便往傳說中的大利來記豬扒包進發，黎澳門甘多次，我都係第一次食到咋 !! 今日雖然係閒日，但呢度依然勁多人，怕熱既爸爸話：呢度做咩甘好生意都唔裝冷氣架?
因為新鮮出爐，麵包烘得好脆口，豬扒都幾大塊，真係幾好味呢 ! 其實我仲想去吃天娜的榴槤雪糕，新好利的葡撻，仲有沙度娜既木糠布甸，但係佢地個個都話已經吃到好飽了，有無搞錯呀? 一個包就飽 
食完野就去附近的景點，這裡的街道, 建築物都很有特式......
沿途經過嘉模聖母堂，這裡有一間氹仔婚姻登記處，內設婚禮堂，歡迎參觀拍照，爸爸叫我同羊生入去再辦多一次婚禮，我話其實佢想入去嘆冷氣先真啦 
依度就係住宅博物館『龍環葡韻』，呢個景點影相都唔錯架，對出仲有一個荷花池，但係澳門近呢幾年發展得好快，而家荷花池對岸就已經係威尼斯人酒店喇。
住宅博物館旁邊興建左個新的公園仔，澳門對旅遊業的積極真的值得人學習 !
由公園仔步行到威尼斯人都不過是10mins，當我們經過「浪漫貢多拉」時，船夫很"搞笑地"擺Pose給表妹拍照呢 !
在聖馬可廣場的 food court 休息一下先。
我地想食啲道地既晚餐，葡國菜就係我地既目標，選了正宗老式的葡國餐廳「沙利文」，炸馬介休球和葡國雞都係呢度既招牌菜。
我地仲好豪甘"包左場"食添 !! 無人騷擾我地用餐 
食飽飽之後我地就散步返酒店，不知就裡，我們來到了海邊，望到氹仔橋及旅遊塔的漂亮夜景，絕對是拍照的好景點，於是我們又忙著拍個不停。
DAY 2﹕食早餐 → 泳池游水→ (check-out) → 大三巴 → 手信街 → 擰檬車露雪糕 → 台客芋圓 → 木糠布甸 → 萄撻 → 漁人碼頭 (Dinner)
是表姐表姨最期待的節目
因為天氣太熱既關係，眾人都不願意行上去
拍張照到此一遊就算了
期待的雪糕店~~檸檬車露
旅遊書上混合味道的雪糕相片，深深吸引了小朋友吵著去
店鋪的員工很nice，很樂意讓我們自選口味去配搭試食
而且這裡的口味也非常多種和特別，非一般的口味都有
爸爸最終選了Ginger和蕃石榴mix
這兩種口味都是我第一次吃到，很清新，讚 !!
第一次吃芋圓，無想像中的芋頭味，略韌
然後當然唔少得高高興興買手信啦
我地喺店內瘋狂購物既同時，羊生同嘉嘉就喺鋪外瘋狂試食
你睇下嘉嘉個口~~塞到滿晒
但都不忘餵埋俾爸爸，羊生當然冧晒啦
我誓要吃的木糠布甸及葡撻
澳門週圍都有，但就不是間間好吃
最後一站係冷清清的漁人碼頭
起初還打算去埋路環同松山燈塔，但因為天氣太熱，取消了部份行程。至於食方面，我地揀既都係旅遊書介紹的，當中部分貴得黎味道一般，只有少數真的好味，又不適合小朋友口味。
今次無攞"喼"去，超後悔，我同羊生揹到死下死下，下次玩過夜，一定唔要甘辛苦。
這樣就離開澳門了。返到香港的港澳碼頭，因為嘉嘉這兩天同表姐表姨們玩得太過開心，臨走的時侯，嘉嘉大哭一場，話好鐘意姐姐，唔捨得佢地走，返到屋企仲講緊 : 好鐘意姐姐..........眼晴都哭到紅透了。
2009年7月17日 星期五
開心游船河
今天仲有一位大嘉嘉一歲既小女孩同行，真好 ! 嘉嘉當然唔會放過佢啦 ! 不停"迫"姐姐同佢玩。船很搖，但膽生毛的嘉嘉無野怕，在船內左穿右插，看得羊生一額汗
.......................
今天是我們這一"嘉"第一次去游船河，船停泊地點為南Y島的小灘，環境很美，當然要影返張全家幅先。
我們還準備了些"私伙"，過左對面嗰個唔知咩名既沙灘，我地就係度游水玩沙喇！
今日嘉嘉係全船焦點，個個都問嘉嘉件泳衣做咩著起出面甘"型"? 又問係咪我自已織既?
我邊有甘勁呀，係我行Seibu見到既戰利品，為左準備今次船河......我既 + 羊生既 + 嘉嘉既 = 我又敗左
。不過羊生今日好有"飛"，因為個個都讚佢個寶貝女 ，呢D咪係我駛錢既動力囉........
出海梗係唔少得套泳衣啦 ! 我細妹話我又買泳衣? 嘉嘉的泳衣夾夾埋埋都有十套八套，可以開泳衣show喇，無辦法啦.....自已著唔到，咪將啲幻想放喺個女身上面囉 ! 我未生之前既嗜好就係買泳衣，何況......BB款泳衣，抵買過大人好多。
嘉嘉一換上套Burberry三點式，啲 Uncle, Antie 就不停勁讚嘉嘉，嘉嘉沉醉於眾人中的讚賞，開心到飄飄然，不自覺喺船上表演轉圈跳舞 ( 真係頂佢唔順
)
呢度啲水都好清，不過沙就唔算幼
呢個沙灘就只有我們一船人，彷彿是我們的私人沙灘，小朋友自成一角，堆沙玩水，嘉嘉玩得好開心呀 !
睇下啲姐姐招呼幾週到，嘉嘉仲自出自入去"攞水"添
這個夏天，把原本已很"健康"的我再增添不少陽光氣色，現在才7月，恐怕今年我註定又要變成"賓妹"了，我們在沙灘玩左2粒鐘左右，就返上船食Lunch，跟住就同嘉嘉沖涼午睡，然後就是羊生的"自由活動"時間，佢走左玩wakeboard，佢都成兩三年無玩喇.....不過都仲起到水，仲滑左好耐添，好勁，woo~~~~~~
今個夏天，括出去啦 ! 繼續玩水~~~~~~~~~繼續曬~~~~~~~~~~
2009年7月13日 星期一
科學館之糖果嘉年華
今日帶左嘉嘉去科學館，原來"糖果嘉年華"現正於科學館舉行展覽。
Welcome to Candy Unwrapped !! 入場費只需 $35@(成人)，$70便打發了整個下午，let's have fun !!
一進門就見到好多不同款式既糖糖呀，不過有得睇無得食呢。
裡面有一座巨大的糖晶山，嘉嘉好小心甘一步一步沿住山邊走。
呢個係巨型舌頭，外面白色部份係牙齒，小朋友都跳上鬆軟既巨型舌頭上，認識有關各種既味蕾 !! 不過嘉嘉唔敢玩，入左去又出返黎，淨係喺旁邊制。
另外單位提供左不同氣味噴射器，讓小朋友聞下不同的氣味，嘉嘉聞到其中一個就皺晒眉頭叫唔好，Why? 我咪好奇去聞下囉，頂.......原來係臭"屎"味 
呢度仲有"滋味美食"快餐order，嘉嘉左右選了一份蜘蛛手打烏冬.......實在不敢想像點樣放落口。
訂閱：
文章 (Atom)