蛇口海上世界

今天我們和公公婆婆去了蛇口的海上世界，身後海上世界明華號，原來是一間酒店。




一早就由娘家出發，一程車就可以去到深圳灣口岸，單程只是 $10，比去皇崗的更平了一大截，而且只是需時 15mins。

然後在西部通道乘31號巴士 (人仔$2.00)，就可以在海上世界站落車。




海上世界只是一個細細的優閒廣場，有幾間餐廳食肆：大漁鐵板燒、亞馬遜巴西燒烤、泰國菜、同麥記、家鄉雞、Starbucks等...

明華郵輪上就有一間德國餐廳，周圍都比較多外國人，坐在 Cafe 嘆咖啡，都幾有外國 feel 架。




廣場還有些小精品車仔檔，嘉嘉就幫襯買左支電動吹泡泡。




在海景廣場的路邊，有一啲 for小朋友玩既公仔車，還有很多"動物"出租，有長頸鹿，馬，老虎...仲有小朋友人力車。

另外，亦有很多大人小朋友在踩 roller。

 

我們到處觀光拍照留念，這兒也算是一個優閒舒適，環境清優的地方........有點兒像香港的黃埔 + 黃金海岸 + 赤柱。閒時隨便散下步，去間 cafe 享受番杯咖啡真係好寫意。

我們在海上世界行了一圈之後，就搭車去了水圍春滿園食晚飯。




爸爸媽咪已經去試過 N 次，話食物水準很好，所以今晚一定要去試！




紅燒乳鴿



片皮鴨~~~啲粉皮真係超薄，唔似得香港果啲咁厚



生菜片鴨鬆




炭燒生蠔~~~超正...真係超正!!!

啲蠔仲要好大隻超肥超飽滿，XO醬香口得嚟，又唔會搶咗蠔嘅鮮味!!!!呵呵....真係正到爆!!!!




西蘭花




鍋仔魚肚蝦乾浸魚雲




還有生果盆




是日我們六個人￥282 埋單，真底食-----ENJOY!!!!


本來都係一心陪下阿娘肥爸行街食飯，因為肥爸好少休 Monday，想佢開心下。估唔到真係甘好食呀！

我話第日屋企無飯開就上黎，但羊生就話.......當地的交通 /文化實在不習慣，討厭他們說話大大聲，又唔識得過當地的馬路，有紅綠燈都無用一樣，所以返上大陸，係羊生避得就避既地方。

哈哈，所以我下次打算"背夫偷食"，等 Hon Hon 返工先上嚟！哈哈........

春滿園(時代廣場店)

地址: 福田區金田南路1008號時代廣場3樓

電話: 0755-83863888