大西瓜

今晚返娘家食飯前買了一個大西瓜，有22 lbs 重......
成舊水一個 @ 馬來西亞，真係貴......

早知在馬來西亞托一箱返黎啦!!!!!! 哈哈哈......

正~~~~超級甜~~~~

 

 

 

嘉嘉唱ABC

近排嘉嘉好鐘意唱 abc song，不過只限頭半 part 咋....  之後都唔係幾識，但其他佢都可以哼岩到個 key....我已經好開心喇!!

對於未到兩歲既嘉嘉，我對於佢既成長進度非常滿意!!

因為擁有一個健康活潑的寶寶並唔係必然，我會更加珍惜我個寶貝!!!!!


 

自從嘉嘉學識唱歌  ，每晚我就多左一個免費而且非常開心既娛樂

20個月大的嘉嘉數數

今日雖然係 MONDAY，但因為羊生有少少唔舒服，所以我決定今日留家休息，順便陪下嘉嘉玩Home Playgroup啦!!!!




弄了一個窩蛋牛肉飯做Dinner。




飯後甜品~~~食得幾滋味^^

雖然嘉嘉放珠仔同數既數唔一樣，明明得16粒珠竟然可以數到18

不過我都覺得佢好叻叻呀 ^^

我患重病：病態網民

經晴晴媽媽一提，我發覺原來我的病況也越來越嚴重：我也是病態網民一族！每日嘉嘉入睡之後，就是我的上綱時間，羊生都放棄了我，不管我了，除了收工陪嘉嘉一陣之外，成晚都喜歡坐在電腦前，由一兩點到三四點，由三四點玩到天光.......


我的網上活動：

1)　寫Blog / 睇Blog

2)　facebook / youtube

3)　Online 劇集

4)　瀏覽 Forum

5)　執相

6)　總之，就是上網 or 用電腦.....

 

嘉嘉也開始不喜歡我坐在電腦前，經常拉走我，要我陪她玩。我也許應該都要下定決心快快戒除這惡習喇！

晚餐@北上春滿園

今日舅父出糧請食飯，我一家三口，肥爸阿娘，Sunnie表姐，又再北上春滿園。

【紅燒乳鴿四隻】（￥11.8 / per）--＞ 抵食

【叉燒餐包】--＞雖然我唔明點解 Dinner 要食餐包仔，仲要 order 一打甘多，不過嘉嘉都食左兩個，你就估到點解>>>>>




【水晶雞】￥88~~~~好細隻..不過好好味




嘉嘉又表演食雞脾




【炭燒生蠔】10隻 ( ￥10 / per )~~~~今次無上次嗰啲甘飽滿，熟得滯.....少少失望，枉我甘掛住你........




【蒜蓉白菜仔】




【花膠煲】




【羅漢齋】





【鹵水豬腳】~~~ 啲鹵水真係超香，豬皮爽口，不會食得滿嘴油，肉質亦夠軟腍，而且吸盡滷水的精華，十分惹味。




【秋刀魚】




【榣柱蛋白炒飯】~~~~ 好靚呀




【排骨陳村粉】~~~~ Good，不過可以多幾舊排骨就更加好啦!!!!




【生果盆】

Wedding Party@Holiday Inn" Hotel

今日係羊生表弟的結婚大日子，新人即場做埋註冊儀式，而家有律師証婚都幾方便 ( 對新人 ).....

但就要賓客再等多陣先有得食......




播片的時候，嘉嘉話驚驚，其實嘉嘉又唔係第一次參加婚宴，我都唔明點解佢話驚，可能燈光太暗吧，加上音響嘈掛！

幸好後來佢都肯坐低自已食，無阻住我食嘢！呵呵！




各位小朋友的食相




其實我好少同我老爺奶奶一齊影相，就算有，都只係嘉嘉同佢地影，羊生就話佢地唔係甘鐘意影相，就算平時出街食飯，都好少影全家幅，我就更加唔好意思提議。

有時佢地同嘉嘉影完就算了，但係我知道其實羊生好想同佢爸爸媽媽影多啲相，想 close 啲，因為佢係男仔，唔會主動講，無好似我甘煩成日逼我自已爸爸媽媽同我地影相甘。




所以趁住呢啲場合，我都會 "鼓勵" 羊生影多兩張。

 

 

我的Barbie

細路女的時候，我巳經好鐘意玩換衫紙公仔，而且好恨要一個 Barbie~~~~




自從有左嘉嘉，我就可以完完全全將我鐘意既靚衫仔放喺嘉嘉身.......

就好似細個玩換衫公仔一樣.........Buy @ Burberry




D&G 也出了不錯的童裝鞋

大胃王食得開心

每當看到嘉嘉既"為食"食相時，就馬上想起朋友們怎樣形容我~~~食完不需一陣，又可以再食~~~~~




其實我覺得嘉嘉除了外貌不像我，但佢既身型 、食量 、同食相  

就完完全全似足我......

亦開始明白點解朋友們話睇到我食野好開心

因為我看見嘉嘉食野個衰樣......我自己都好開心呢




今日Sunnie表姐過左嚟陪嘉嘉，我收得夜，所以叫左 pizza hut 外賣，今晚食左個新既咩咩波爾多海港鬆厚批套餐，麻麻地.......都係超級至尊最好味...........




嘉嘉比較欣賞呢個吞拿魚煙肉腸螺絲粉




Sunnie 表姐都係大胃王一族!!!

嘉嘉愛閱讀-亮亮的成長

呢一系列 "亮亮的成長"

聽聞是套很好的德育書

買下來是希望讓書中的亮亮來引導嘉嘉

陪她一起成長

簡介

亮亮是個無憂無慮的小女孩，她有時候很頑皮，而且經常做錯事，就像許多小朋友一樣，但因為有爸爸媽媽的教導，亮亮總是能學到好的行為，改掉壞毛病。在《亮亮的成長》中，每一本書都有一個孩子在日常生活中可能會面臨的問題。父母可以藉著閱讀的方式，將自己的想法、價值觀念傳達給孩子。

嘉嘉的閱讀角




其實在嘉嘉18個月大開始，我已經把大部份玩具全部收起，每天都花一點親子共讀時間！

希望可以改善她的專注力，同時慢慢培養對閱讀的一點點興趣。

亮亮成長系列

字體大，句子簡潔

是將來可以用來做學習中文字的好書啊


雖是較長的故事，可是因為很生活化

嘉嘉很快就喜歡上這一個系列的書

其實各類型的書本我也會嘗試給嘉嘉看

不過最重要的就是..親子閱讀

長洲為食的一天

今日我們去了長洲遊，上船前先跟嘉嘉拍了幾張相，搭2:45pm班快船，3:15pm就到。


落船第一站即去吃長洲有名的特式小食 。


其實這兒出名的是龍捲風薯串，不過我和羊生都熱氣生痱滋，所以就試了呢個冰果葫蘆，原來是雪冰了的生果串，串野都幾長同幾重......

冰果葫蘆，冰到牙也僵了，要待冰溶才能吃。睇就好，食就 No No No，生果不甜，還要售$13一串，真係賺死佢！

不過天氣熱，透心涼的一個選擇。


天氣太熱，我們索性脫剩嘉嘉一件內衣去行街，幸好我們帶了風扇仔~~~~

包山的初形出左黎喇!!!!
 

然後我們就去吃跟乒乓波差不多大的巨型魚蛋， $7 兩粒也值得一試。


一心想去食長洲人氣榜首的甜品屋-----師妹甜品，竟然休息幾天，好 Down.........


四圍行，週圍影，悠悠閒的過了一個舒服的下午。


途經東堤沙灘，不過嘉嘉唔肯落車去沙灘玩。


又到附近公園仔玩下


我們還去了長洲市政的Playroom，其實係我想嘆冷氣，哈哈!!!!!!


入夜之後當然係要再搵食啦

，我地選擇左係碼頭附近食海鮮，話曬都係長洲吖，唔通食McDonald 咩。點都要品嚐下地道海鮮，見檔檔都差不多，潮發又是第一檔，佔了地利，出面既人Sale到咩都送，話又有汽水啦，又有湯甘。


這間的Menu係有A4咁大，前後兩頁，前頁選小菜，後頁選海鮮，兩頁同樣都係廿至三十個款菜式。咁我地Order兩款海鮮 $158，三個小菜 $118，加多支啤酒，嘉嘉一罐汽水，同例牌味精湯。


第一道先上的海鮮就係辣酒煮花螺。超級難食！從來沒期望過螺要帶有鮮味，因為我suppose通常海撈完上來係搵盤水養住，所以螺就算煮熟了都好，仍帶有那盤水的味道。其次就係個酒煮得超差，個酒又唔靚，聞落唔香又食落帶苦！ 啲螺又細隻得誇張。

第二道海鮮係蒜茸蒸開邊蝦，啲蝦細隻，又唔爽唔新鮮。

另外三個小菜都係好普通的菜式，一般餐廳仔都煮到，唔需要特別咩技巧，但我睇怕無咩酒樓餐館可以煮得再差過佢。

不知所謂的一餐，嘉嘉都唔吼！

原本想像的美食之旅，從見到師妹甜品休息一刻就開始幻滅了，下次要努力做資料搜集再戰長洲！