還記得.....
嘉嘉自動自覺說"對唔住"，是她在20個月大時.......
第一次聽到女兒對自已say sorry，實在很震撼 !!
然後，這幾個月來，每當嘉嘉做錯事，都會送上一句"對唔住"
有時，是我要求的；有時，是自發性說的；
曾經有一段時間，嘉嘉更拒絕"對唔住"
任由我如何強硬，她還是不瞅，不睬，不聽，不理......
硬頭性格，跟自已實在有過之而無不及~~~
最近，每當嘉嘉惹我生氣時，
她就會嘟起小嘴去親吻我，
細聲問我 : 媽媽...Happy啦....你Happy返未?
......唔好以為你個Kiss好大 (雖然我很窩心
我忍住笑容 : 未呀 ! 你甘曳曳....
"嘉嘉都錫左你啦....."然後再錫....錫完又錫......
Oh........心肝.............
今年的聖誕節，我們一家去了深圳的大飽口福食自助餐，那兒的人真的非常多，幾乎是全院滿座，
出面成個bar都係魚貝海鮮檔。除了自助Bar，這兒還可以將選好的食物，連同印有埋檯號的調酒棒交給侍應生，大約十零分鐘之後，整好就有人送過黎俾你食，超便!!
餐廳更附送每位客人一粒「紅寶石」，用作換領貴價美食一客，而且這裏是採用開放式廚房，食客可以金睛火眼牢看，確保衛生有保證。
我地就換左呢份燒羊扒........Yummy Yummy.......
~~~~~~中式點心~~~~~
羊生同嘉嘉的浮誇食相，因為我地坐o係Live band前，兩父女不時走上台玩。
仲有好多精緻甜品、糖水
嘉嘉仲自隊紅酒添 (真係飲左添)
仲可以自已捲棉花糖，好好玩 ^^
真係超級多野食，不過掛住食所以有好多野都無影到，而且食物係不准拍攝，只可以偷偷地影咋 !!
非常非常滿意呢間bufftet，除了食物種類多，環境好，玩樂的設置也很俱備，有will玩，有PS2打，仲有小丑扭波波，翻版米老鼠，最正係有自製雪糕同棉花糖機俾小朋友玩，都係百零蚊，高度推薦。
一年一度的聖誕節又到了，在這個普天同慶的日子
感謝天父今年給予了健康給我及家人
嘉嘉都祝大家有一個快樂健康的聖誕哦~~
今年的聖誕節，我們選擇了留在家裡，因為羊生今日放假，佢話要做大廚wow~~~要為我準備一頓窩心Homemade的聖誕大餐呢 !! 所以我邀請埋文姨姨同哥哥上黎，睇下羊生幾認真，一疊疊Notes架 !!!
嘩 !! 嘩 !! 嘩 !!
~~ 真係好豐富呀 ~~
我家夫君為我煮既"小小"聖誕餐
有我至愛既三文魚同希靈魚剌身、肉醬意粉、T骨扒、煎羊扒
仲有炸雞軟骨
同埋豆腐胡麻沙律
仲有仲有..開定左支紅酒等我放工返黎飲添
Hon Hon你好勁呀
ThAnKs
我地就係甘渡過左一個幸福快樂的聖誕
看見好多朋友封Blog，又再次想想自己寫Blog是為了什麼呢?
開Blog之初，是因為結婚之後搬開左，羊生成日要返shift，我一個人喺屋企好唔習慣，好無聊，加上我地又成日周圍玩四圍食，咪得閒寫D得閒寫D囉，所以我的Y!Blog生涯便展開了~~
有左嘉嘉之後，就記低左懷孕時候的一些事情與心情；當嘉嘉出生後，此Blog更成了嘉嘉的成長記錄，讓不常見"我們這一嘉"的親朋好友們，都可以跟我一起陪著嘉嘉長大!!
我還沒有給呢個Blog做私有化的決定，因為不是人人都有Y!Blog ID吧 ?! 雖然曾經給人偷相....給人copy過內容....但我問過羊生，要不要封Blog? 連甘敏感的羊生都說不用了，我就沒有再想。天下文章..都是一大抄吧? 我倒沒有那麼介意。偷相的惡作劇，我現在都加左link，而且，偷來也沒甚麼用吧? 自已女兒又不是明星相。我們家又不是甚麼富户人家，更不用擔心被人綁架吧? 好多Blog友都說保護子女而封Blog，其實我都唔明白，係咪我太過無危機意式呢? 那些網上罵戰和評論，我都置身事外，應該沒有甚麼敵人或給人中傷吧? 因為自已用手寫板(比你地知道左添
不過，再順提一次，那些九唔搭八的留言，我是一見即刪的 !!
其實...寫Blog已經成為我生活的一部份，好像寫日記一樣，而且結識了幾位(太少吧?!!)網上朋友(Blog友)，雖然我地都無見過面，但每當看到你們的留言就好興奮，有點像小時候識pen friend的感覺呢~~
而每當在其他人的網誌看到有趣有用的資料想在這裡跟人分享時，我總會用「引用」或在網誌內註明(如果偶有忘記了, 請留言提醒)，這是最小應有的禮貌。
Blog~~我還是會繼續寫的，為了自己，為了親朋，為了網上有緣人，更重要是為了我的嘉嘉 !!
Y!Blog~~希望你爭氣D，唔好再成日Down喇 !!
我地今日約左琴琴青老師學整薑餅人呀!!!! 真係好開心，其實我從來都無食過薑餅人架，每年聖誕我都好想食....又無得食，wow ~~ 終於有機會一試薑餅係咩味道 ~~
另外牛油放室溫回軟後，加入糖漿用打蛋器打發至淡白色，再分3次把蛋及砂糖加入混合打至軟滑
將麵糰用保鮮紙包好，放入雪櫃雪半小時
取出麵糰來搓搓
曲奇模都沾上麵粉 ^^
印出形狀
另外我買左排A-Z的模，轆好左麵團，就被嘉嘉將手中既英文字餅模吸落去
嘉嘉真係好鐘意整野食架，成個過程都好enjoy
放入已預熱 180度焗爐焗 15-20分鐘
~~~~出爐喇~~~~~
第一盤出爐失敗，背面變晒做薑餅黑人 !!
媽媽...要送佢地返非洲喇!!!!!
之後兩盤識得調返低至 150-160左右，靚仔好多
嘉嘉取出自已的作品
~~~~試下味先~~~~
然後將蛋白及糖霜拌勻，直至糖霜成白色稠身忌廉狀，加入各種食用色素，放進唧唧袋
原來最花時間的是裝飾那部份，可能我沒有甚麼藝術天份，所以都弄得不太好.......希望吃的朋友見諒
當中既公仔裝飾，一筆一劃都是時間 & 心機..............
嘉嘉耐心同我一齊「玩左」4.5小時........
雖然今次整得樣衰衰咁，但係都幾好玩，多謝琴琴青耐心教導，我諗下一年我都會再接再厲既
