終於和羊生去了 "DINING ROOM"，其實我們每次經過都好想試 !!!
入面都算幾靚，燈光都配合得好好，最緊要有梳化卡位，嘉嘉坐得( 玩得 )舒服。
我們又開了一支 red wine，用中銀信用咭結賬還送一客價值 $58的雞絲沙律。
這個田園沙律，其實只得薯仔，不過味道 ok 。
蒜茸包 : 好香蒜茸味，而且有D脆脆地，我覺得幾好食。
雜菜湯 : 好淡既一個湯
忌廉湯
跟住有"蝸牛"食
我和羊生都是order 這份帶子配牛柳 : 驚喜，很美味的主菜。 個薯蓉嘉嘉一個人吃清。
椰子味 pan cake
全晚有結他手彈奏及演唱，座位好闊落，坐得好舒服。
食物水準都唔錯，只是杯茶有少少失望，但環境、氣氛、服務都幾好搭夠，都 ok 架 ~~~
飯廳 Dining Room
荃灣青山公路388號中國染廠大廈地下G
2628 0636
嘉嘉妹妹，妳就好喇，成日去食好嘢，羨慕死我
回覆刪除[版主回覆10/08/2008 00:47:00]無辦法啦，我哋一家三口都甘胃食，好唔好食都要試下食
好似幾好坐wor~^^~
回覆刪除[版主回覆10/08/2008 00:44:00]都 ok 架
很喜歡看你的 blog, 看見嘉嘉的濕疹好返真好, 我小b女11個月啦, 濕疹很嚴重.blood test & skin test 都做了,很心痛. 想問嘉嘉一歲時打mmr 針前是否己試 egg white, 嘉嘉的濕疹是否隨長大好轉?還是用了什麼方法? 除了保濕和類固醇, 還有沒有其他方法? 有沒有介口 ? 現在你用什麼cream? 嘉嘉以前晚上會不會痕醒?
回覆刪除[版主回覆10/08/2008 16:30:00]其實嘉嘉的濕疹都未完全好番晒，不過醫生話有九成BB都會在6歲前自動康服。
我都好明白眼見自已BB訓訓下覺都會痕醒嘅心痛，但我就無做任何 blood test or skin test，但人哋話一歲前就盡量避免吃蛋白，其實嘉嘉都有吃過.....我就覺得唔關食嘢問題，因為嘉嘉出世＋幾日就巳經有濕疹，嗰陣佢仲係飲緊全人奶，我又戎晒口嘅，最嚴重嘅時侯全身都係濕疹，紅色一撻撻損晒。不過蝦蟹牛我都唔敢俾佢食，其他就咩都食。
你應該都知道，類固醇是不能長期使用，即使1%都會有副作用，嘉嘉的醫生方法是，頭三天我用( Polytar )藥水浸完浴，再用全類固醇塗全身，他的理念是，寧願一次過，都不要長期少少用，類固醇真的很有效，苐四天已經好番七七八八了，不過出汗的摺位都會紅同出粒粒，我就會用一些非類固醇的濕疹藥膏( 膚樂得 )塗患處，好番好多了。
現在，我每晚都 keep住同嘉嘉用愛麗他淋浴油浸浴，這樣沖完涼就好滋潤，然後一定要即刻跟BB塗上cream，不停搽不停搽，如果你是有開冷氣的，就要同BB穿上長袖衫褲，冷氣就唔會直接抽乾皮膚水份，而且你可以塗好厚好厚甘才穿上衫褲，任他吸收，我是塗幾層覩啲嘅cream打底 (甘實呢隻 Cream係 for 大人用)，再塗上 Aqueuos Cream ( 好平，可以粗搽，不過好夠潤 )，係要當 Mask甘敷甘多.....然後唔好怕污糟穿上長袖衫褲。
嗰隻Polytar藥水你可以看門口，轉差時可以用番佢。
濕疹BB，千祈唔好熱親佢，樽領唔好着，即使凍只可用領巾圍頸，只可穿純綿衫，有咩多多指教同交流，希望幫到你，祝BB早日康復.......
補濕補濕再補濕......你個袋要長期放支cream喺度
而好正咁,我都要試下先~~~~
回覆刪除