同嘉嘉影相之前兩日，因為牙痛左好耐，杜埋牙根都無用，羊生極力推薦我 "剝大牙"，於是我就走咗去剝左隻大牙，打左三支麻醉針，離開房間時，我依依不捨的回頭望了我隻牙......(其實都好健康丫，幾隻牙腳又肥又齊全，話晒都跟左我廿幾年了...好唔捨得)，於是，有點後悔了，醫生仲話連左4針。
但麻醉藥都未散，已經超痛~~~~~痛到講唔到嘢，日喊夜喊，痛得很利害，整邊頭都痛...未停過...未停過...未停過...要食止痛藥，唉，而家做咩都冇心機，這幾天牙痛的折磨真的使我好累好累了.......(而家都仲痛緊...好無奈)
那牙醫一啲都唔 pro，完全唔理會病人的感受，原來我牙痛發炎是不可能做手術的，所以我剝牙之後就會勁痛！！開頭以為剝完牙就一了百了，點知過後都仲甘痛
，現在傷口還要等拆線，但我的下唇和下巴仍然有點麻痺.......到今日有些客人竟然仲發現我半邊臉都腫腫地，話我塊面好似邊大邊細呀，返屋企食飯嘅時侯細佬仲話我唔牙痛塊面都係甘腫......真衰！
痛左幾日，耳仔同個頭都仲痛........傷口又隱隱作痛，心情很差
，唔知係咪因為甘，所以覺得嘉嘉這幾天都特別唔聽話，唉，仲要痛多幾多日呀?人都癲呀！！Hon Hon，你幾時返完夜呀？我同嘉嘉都好掛住你呀.......
Aiya....點呀 ~~~陰功囉
回覆刪除[版主回覆05/23/2008 00:13:00]我好慘呀.....嘉嘉成日撞埋嚟我塊面，同我有仇甘.....真係想煎巴佢.....
錫番錫番
回覆刪除[版主回覆05/23/2008 00:10:00]thanks
乜個牙醫咁無醫德架 , May EE妳要好好休息呀!!
回覆刪除[版主回覆05/23/2008 00:09:00] 係啦....衰到死.....我會架喇.....有心喇.....ths
乜個牙醫唔係搵出牙痛原因先動手術架?
回覆刪除剝大牙係會有風險架.....
要blacklist呢個牙醫呀.....
話俾我哋知啦.....費事第日high嘢.....
斷估唔會睇政府牙醫嘛.....
其實如果係牙痛.....可以去政府牙科度睇急症架.....
反正Auntie May May你可以free吖嘛.....
我小軒軒都睇過街症架.....宜家睇梗政府兒科.....
因為早排成日咳排咗期睇吓會唔會有哮喘病.....
不過相信經過好返呢2個月嚟嘅觀察就應該無嘢.....
希望下次覆診唔駛再follow-up落去啦~
[版主回覆05/25/2008 01:47:00]其實我呢隻牙之前係喺 政府度睇....做過杜牙根，但因為每次約期實在隔太耐，而且我杜杜下又有咗BB唔做得，隻牙拖得太耐開始成日痛，去政府牙科度睇番急症又淨係俾抗生素+止痛藥我，打孖食都頂唔順.....味决定剝左佢。
呢個牙醫真係差，發炎都同我做手術，佢係元朗合益廣場地下方X健牙醫，我都會叫我d朋友唔好去 。
小軒軒點牙?Take Care ........變哮喘病會好麻煩....