水車屋慶祝 Mother's Day

是日和家人一同去了尖沙咀水車屋，享受任點任食自助晚餐，算是提早慶祝 Mother's Day....價錢大眾化 ( 只須 $198 / 人 ) 另加一，都好抵!!!

我們一行10人book了一間廂房，桌子超大，牆上掛有一部大電視，超喜歡~~




店員先送每人一客勁新鮮的吞拿魚腩手卷 ( 價 值 $100 )，之後就自由點食了 。

先說說刺身吧 !! 成10多款選擇，當然唔少得三文魚啦~~~還有油甘魚，北寄貝，八爪魚，劍魚腩etc.......全部都很新鮮肥美!! 上菜還很快，絕無任何搵笨情況，值得一讚先~~!!!!!


 

又有很多小食，熱食，及名種好味天婦羅... 豆腐...雞腎...燒牛肉... 雞軟骨... 豬頸肉...炒雜菜...迷你多士... 黃瓜...炸帶子...三文魚排........總之就有好多款食物不停供應，有些小吃加了少少清酒，味道很香好夠酒味!!! 正正正~~~!!!!!!

想飽肚的話，可以食清湯烏冬、喬麥麵、炒飯、各式手卷、壽司，不過我們都沒有Order，反而點了些熟湯，有麵豉湯、東洋濃湯、白酒煮蜆湯等等，不過味道就普普通通。

甜品的選擇很少，只有炸香蕉，烤波蘿，綠茶布丁 & cream汁拌紅豆 ，烤波蘿好香，撈朱古力食一流，cream汁紅豆好好味，我吃了3個...... 好滿足。

如要order飲品則另計，但刺身已經值回票價， 我們每個人都勁飽回家

服務員加茶都好密，適當時候又換下碟，不 錯 ~~~~~

地址 ：	漆咸道9號地下
電話  :	2722-5001