Auntie生日飯@海龍王餐廳

到了7:00pm左右，大家都有點餓有點累了，不過我們還未參觀過海洋奇觀水族館，而且又想Auntie同Sunnie可以欣賞埋8:00pm個雙龍show，所以我就決定豪o的入左去海龍王餐廳食Dinner。




因為我地係walk-in，魚缸旁邊的位置早已Full了，餐廳只能安排我地坐普通位((好失望....話哂甘貴))。

跟住我地見到有一張已經被人Book左檯既客人仲未黎，即刻好厚面皮坐低影返兩張相先 。。。。。




其實好耐之前已經好想黎呢度試下感受下同魚食飯既滋味。。。。((不過上次天氣太熱渟渟太細無黎到))




首先侍應送上的麵包表面已經有少少乾身了，不過諗住""送""湯，無所謂啦！！

但那個升級了的龍蝦湯，除了好胜、仲好咸、而且苦澀難飲！！




Auntie 和 Sunnie 看到了價錢之後，只是Order了最平的Set Dinner，那個肉醬意粉亳無味道，比連鎖快餐店出品的還要差！！




嘉嘉的兒童餐，蛋和肉炒作一堆加在飯面，半隻蛋再加少許雜菜，賣相極差，不過小朋友見到啫哩就開心，最好吃的就是它。




妹妹share左嘉嘉半碟飯，再左食右食。。。。




我和羊生的二人套餐也不好，三文魚扒唔夠味、牛扒有十成熟，連那隻燒春雞味道都好一般。




Sunnie竟然手震




到了8:00pm，Auntie 和 Sunnie 落左樓下欣賞個激光Show。。。。




待她們回來食埋下半場的甜品。。。。




胃食渟渟




我話今日當同嘉嘉慶祝埋生日，所以我再 Order 左杯雙球雪糕送俾嘉姐仔，好滋味。。。。




仲有朱古力火煱，我地超低能，將火煱個蠟燭當生日蠟燭吹 。。。。

爭吹蠟燭好搞笑。。。。Auntie 交足晒戲 。。。。




論情調講氣氛，一邊用膳一邊欣賞「魚樂無窮」，海龍王餐廳真是合格有餘；


論食物，真是令人好失望，雖然是樂園餐廳，不能有太高的期望，但呢個 Dinner 價錢，我寧願上山頂食！


論服務，這兒真是一點質素也沒有！！成班侍應 ((連同個經理)) 工作態度散慢。點菜時個 waitress 好似發緊夢咁，羊生重覆了六、七次，但佢依然落錯單、漏單。。。吃完主菜，竟然仲有兩個湯都未上，仲問返我地 order 左幾多個餐。餐飲都一樣，等左好耐，摧左好多次先黎！！連 order 多杯雪糕都錯單，好懷疑這裡的侍應，究竟是否全是暑假工？？點解佢地好似咩都唔識？？


我覺得一間甘靚既餐廳，既然收得呢個價錢，食物質素和服務態度卻比快餐店、甚至連街坊小店都不如，實在拖跨了整體評分，我真係唔明那些 Bloggers 竟然可以寫到佢甘天花龍鳳，就是要給公關們一些交待？？Sorry........我真係寫唔出.........


仲有，我地食完個晚飯之後，打算同Sunnie、嘉渟買一些紀念品，可是所有店打垟了都算 (( 孩子已經夠失望 ))，有職員反問我們為甚麼還會留在樂園？？所有燈關了九成，四周黑媽媽，真的好危險好恐怖，還有還有......沒有駕車的話，千萬別到海龍王餐廳用晚飯，因為海洋公園是沒有接駁車子讓你離開的，附近想找架的士也很難，可憐我地一家六口行左幾段暗路才見到公路的曙光。。。。真夠爛的結尾。。。。

紅姨姨的生日

今天是紅姨姨的生日，文姨姨親手做了一個咖啡芝士蛋糕給她。。。。。




同時，慶祝埋父親節。。。。。




So Happy。。。。。




但是，當吹蠟燭之際。。。。。




場面變得十分搞笑。。。。。

仲有餘慶節目，Sunnie表姐話特訓左嘉嘉表演跳舞。。。。。好可愛。。。。。

再到濠餐廳@父親節

正當我們煩惱父親節去邊度慶祝的時候，濠餐廳就打電話來說有自助晚餐優惠，正！！唔駛""R"爆頭！！




嘉。渟的爸爸，父親節快樂！！




我的肥爸好忙呢！！成晚出出入入拎野食！！搞到我地連一張合照也沒有！！

還有戶外的池畔BBQ，環境優美！！




冷盤~~~




還有必吃的長腳蟹~~~~

終於去睇Duck

嘉嘉知道「鴨仔」就走了，所以要求好想去影相！！所以我今天就冒住被老細鬧爆的危險，又再蛇王偷偷懶，帶了嘉渟去看Rubber Duck。




Auntie都話好想去，正，諗住有人揸機幫我地影相......點解Auntie可以影到甘....勁無奈 ！！！




然後羊生同Auntie渟渟影到好靚，佢地仲擺埋一樣Pose，我勁想""中""佢地兩個 ！！！




其實從 Rubber Duck 第一天登場後，由0900 到 2300 不停在facebook上都被瘋狂式洗版，離開手機，電視的報導也離不開 Rubber Duck，結果明明很有期望，最後卻因為看別人的「鴨相」，都看飽了~~~




只是不懂上網的嘉嘉，聽到同學們的討論，就對這隻鴨仔十分憧憬，加上通街都是鴨仔的產品， 已經不下十次要求羊生帶她看鴨仔.....

可是平日要上班上學，沒時間！！ 週末週日又碰不上羊生假期！！

以為與鴨無緣，誰不知忽然羊生有多一天小假期，既然嘉嘉多次要求，就決定冒著會中暑的危險，帶兩姐妹出去探探鴨仔！！

「請勿攀爬」!!!!

加上初展覽時網上出現大量被人唾罵的「爬鴨照」、「踩鴨照」，這天嘉嘉嚷著要坐在小鴨子上拍照，其實真的感到有點為難.....

已經有心理準備，週日的尖沙咀例牌人山人海，加上天氣酷熱，睇下嘉嘉，佢已經熱到無晒心機！！




總算趕得切同Rubber Duck say goodbye，不過今日真係好熱好多人，嘉渟已經頂唔順，好彩臨尾Auntie都幫我地影到一張尚算滿意既全家福((我已經好無要求亦無得再要求重拍))，跟住拿拿林同嘉渟食雪糕！！去反斗城！！佢地條氣先順返！！

嘉嘉愛森林家族

自後嘉嘉的姑姐送了一些森林家族玩具給嘉嘉之後，嘉嘉就愛上森林家族，最近姑姐又送了這幾盒小玩具給嘉嘉。




返到屋企嘉嘉忍唔住即刻拆左黎玩，跟住我好頭痛點砌呀((我是模型白痴))，連嘉嘉都嫌棄：媽媽，你唔識點砌喇，等爸爸黎啦!!

佢地砌完見到成間屋仔好精緻，而且o的擺件造得真係好細緻，難怪甘多人中哂毒。




而家嘉嘉每次經過玩具反斗城見到佢地都流哂口水，不過佢都知道森林家族既野好貴，我根本唔會買俾佢，所以嘉嘉每次都係望下滿足下就算~~~


從小到大，嘉嘉都無扭過我買一件玩具，就算好鐘意都不過係要求影張相，其實我見到佢甘""生性""真係覺得好感恩，媽媽有你一個女兒真係好自豪！！

((UP)) 我出書了！(私人網誌)

忙了個多星期，終於都收到點點印寄來的書了！！


我習慣將每一段旅行都製作成一本小冊子，我之所以覺得這樣的相片保存方式值得推薦，是因為這本小冊子真的比較好收藏，也比較環保，最重要是，整本書都可以隨自已喜歡插入相片及文字，遇上當時氣氛的相片 (( 像是一道菜，或是一個小角落 ))，從前在曬相時期，往往會猶豫到底要不要沖洗這一張非人像的照片，現在通通都可以安插在這本小冊子裡。


自已每一次細看都可以回味，重遊那次旅行的感覺.......更期待有一天，嘉。渟可以把這些小冊子當作是故事書讀。


可以Click Here 看看我們的作品~~


延伸資訊：點點印，Link！


其實我們家已經做過四本點點印了~~


本篇網誌設定為私人網誌，只限關注了我的Blog友及親人，各位好友請先用自己戶口login，然後按以下連結瀏覽全文。


我出書了！！

如登入後按以上連結，仍未能看到網誌全文，可能是我未將你加入成為好友，請留言通知我加回你成為朋友，不過暫時不接受空白Blog。