2013年1月3日 星期四

親子新年吊飾比賽




嘉嘉的幼稚園舉行了一個親子新年吊飾比賽,對於已考到小學無心戀戰的我,本來根本無打算參加。

可是昨天嘉姐仔放學回到家後,說班上有好多同學仔都有交,所以佢都好想做。羊生說如果每個同學仔都有自己的作品,唯獨心肝沒有的話,這實在是很可憐....




於是,羊生吩咐我做""構圖"",然後我們用了一個晚上,合力製作。




話明係親子勞作,所以我都好希望嘉姐仔真係有份參與,幫下手整少少,於是我叫嘉嘉拿起剪刀,把從前收集到的舊利是封找找找,剪剪剪,剪出一些合心水的圖畫,最後把這些紙碎貼在吊飾上。




我們通宵完成這份勞作,製成品終於都出現啦,只欠點燈~~~~~


 
後面


 
正面完成圖




嘉嘉有得交功課,不知幾開心~~嘉嘉仲話呢個新年作品一定可以獲獎添!!




親子新年吊飾比賽(私人網誌)


本篇網誌設定為私人網誌,只限我的朋友及親人,各位好友請先用自己戶口login,然後按以下連結瀏覽全文。


親子新年吊飾比賽

如登入後按以上連結,仍未能看到網誌全文,可能是我未將你加入成為好友,請留言通知我加回你成為朋友,不過暫時不接受空白Blog。






本來今年無打算參加學校舉行的新年吊飾比賽,可是昨天嘉姐仔放學回到家後,說班上有好多同學仔都有交功課,所以佢都好想做。。。羊生心軟了,於是萬能爸爸又再出動......羊生或是不做,一做就是要做出拎獎的作品,最後當然不負心肝所望,我們的新年吊飾拿獎喇。。。。想看我們的精彩作品嗎??請加入我們的連結。


2013年1月2日 星期三

娘家的太平清蘸





又是娘家村每六年才舉辦一次的太平清蘸,村民都希望以「打醮」酬謝神恩、保持地方平安清寧。

今日就帶了嘉。渟兩姊妹返娘家見識一下,佢地都係第一次睇昨~~~下次就要再等六年先有得睇,嘩!那時候嘉嘉已經十一歲,渟渟都有七歲了。




每次太平清醮都會搭戲棚,做大戲,場面非常之熱鬧。




肥爸誠邀我地明早9:00am返黎睇舞麒麟,不過羊生明天要上班,所以我就拒絕左。




呢個星期成條村都要齋戎,俾人知道食肉要罰錢架!所以今晚我地都係在戲棚食齋宴!!下星期就在這裡做大戲,到時要再帶嘉。渟來!!



2013年1月1日 星期二

Happy New Year 2013

地球仍然不停地轉動,世界並沒有末日,節日還是一個接一個地到來。轉眼間,新的一年又來了。


剛剛過去的一年,
我好像經歷了很多事情,心情猶如在乘過山車一般的,高高低低!!本來以為2012是個很好的開始,可惜惡耗連連,大失方寸,祈求天父保佑我們一家2013能平安快樂。




妹妹一月中要再返醫院見醫生,無論2013年條路有幾辛苦有幾難行,我們一家都會咬緊牙關繼續fighting!!!!

多謝身邊的親友朋友FB友Blog友不斷的鼓勵和扶持,衷心的感謝扶過我們一把的,展望2013,願大家快樂和正面的迎接新一年,共勉之 ~~~~


 















 

2012年12月30日 星期日

聖誕2012最終篇@圓方Elements





雖然已經過了聖誕節,但其實圓方那個似森林般的聖誕佈置,開始時已經很有興趣,趁商場還沒有拆下裝飾,在2012年的最後一天,我們決定一到!!




在金區,這棵用毛冷包裹高7米、長達8米的巨型聖誕魔豆樹,現場看其實很美,只是人真的很多,到達的時候真的很想吐血,想找個好位置拍些合照,根本沒有可能。因為周圍都是人,前前後後左左右右全都是路人.....




圓方今年以童話故事「拇指姑娘」為聖誕的創作主題,打造一個童話花園的仙境世界。




在水區人流就比較少,起碼我們可以等路人甲乙丙離開才埋位影相;而且大家互相幫忙,有人拍照的時候大家都走開一點,在這兒拍照比在金區輕鬆得多,不要痴心妄想在金區可以等路人離開,我相信要等到關門前才能拍到。




其實這個小小的磨菇花園也不差




還有兩隻趣緻的小松鼠也很可愛,不過
最開心就是拍到幾張滿意的嘉。渟照,難得我的心肝寶貝都肯同時望著鏡頭......就只有這一刻。




聖誕篇終於來到尾聲了,採訪聖誕景點都完結了,
今年我們只是去了5個室內商場欣賞聖誕佈置和景點拍照,希望來年可以多去幾個地方啦。XD











2012年12月28日 星期五

文姨姨B.Day@濠餐廳



YEAH~~繼續開心!!今日係文姨姨生日,我地又去左沙田食 Buffet 慶祝文姨姨生日大快樂!!


 

每年聖誕都會去食Buffet慶祝阿娘同肥爸既結婚紀念日,不過今年聖誕肥爸帶左阿娘去個小旅行,所以呢餐就當補食埋^^


 

我們四千金


 

希望不久的將來,有更多我們的第二代 。


 

這裡的食物不停補充,永無冷場。而且用中銀信用卡更享有六五折優惠,折後每位只是300元左右連加一,好抵食呢!!




小朋友食buffet最開心,成晚不停走來走去,雪糕甜品任食,我地就食飽,小朋友就玩飽。


 

好開心,逼文姨姨同我地影左好多嘉。渟照,好靚  ~~~~




上次Auntie黎唔到,肥爸同阿娘有少少失望......就知Auntie幾得佢地心,佢地直頭當左Auntie係妹妹,仲商量要跟Auntie返菲律賓。


 

今次我地無再掛住食,仲有時間影左好多相添....


 

因為10個大人再加幾個BB((Sunnie表姐算唔算??)),酒店安排了一張長檯,我們自成一角,小朋友有足夠空間走動,又不怕騷擾到人。


 

臨走再影.......((不過原來有個人唔見左我地都唔知 ......))


 

唔制呀~~~~Auntie手震呀~~~~




食完Buffet都仲未夠,成班人上左黎我屋企飲酒慶祝下半場~~~Happy Birthday文姨姨~~~