My D & G sweetie~~

2012年1月20日星期五

咱嘉和Auntie的一週年

原來Auntie已經黎左我地屋企一年喇，呢一年我地大家相處融洽，Auntie好有禮貌，起身Good morning 我放工打返屋企又會講Good eveining 訓覺前Good Night一句都唔會少........而且因為Auntie有潔辟，所以我唔駛吩咐佢做家務就巳經搞點晒，從來都無令我勞氣過........買餸又唔會打符頭，最緊要係佢愛我既嘉。渟......所以唔係全部工人都係衰既，其實都仲有好工人既存在....

Chick Here-------Auntie的生日

話咁快Auntie就黎左我家工作一週年，辛苦佢這一年的工作，婆婆特意買了一個蛋糕回家跟Auntie慶祝。

Auntie話 : 做咩呀?? 唔駛啦~~~ 唔駛慶祝啦~~~

好多人都說 : 賓妹好串，揀工做，有兩個靚仔就唔湊.........不過Auntie好鐘意小朋友，成日都叫我再生多個，佢可以take care到；雖然又有人說：啲賓賓好識扮野，我只係覺得.....就算我真的給Auntie的""假面具""騙到了，我都只可以說，起碼她肯""扮""，當然.....從這一年的相處，我感覺到她的真心、細心、耐心，每次過馬路，車從那邊來，她一定刻意走到我的那邊""保護我""，又左又右好好笑，她又不是我的保鏢，你叫我點樣唔俾個""Like""佢???? (love struck)

我好希望Auntie可以繼續Keep落去.......

2012年1月15日星期日

YAHOO BLOG 的近況

想不到一寫就寫了Yahoo Blog 7年多了。

沒想過自己真的會寫了那麼久，當中曾經想過放棄，因為實在沒空去寫。

渟渟出世過後更是忙上加忙，加上隨手拿著電話，拿著DC仔或是大機都會拍下一大堆照片，事後要整理的工作實在很費時。

落後了的 blog 真的不願去追，但又習慣了按時序去寫，不捨得生命中的一段時間空白了，很想作個記錄，於是還是在百忙中盡量抽時間去補寫，為的是不想錯過每一段回憶。

自己&羊生都愛閒時重看又重看過往的 blog，不過意料之外是多年以來也得到很多朋友Blog友的瀏覽和留言，謝謝各位支持!!!!

慢世"麼"王會繼續不定時update咱們一嘉四口的嘉。渟軼事。

跟細姨閒遊沙田

這天跟細姨一家閒遊沙田，姨丈順道駕車到荃灣，接了留在家中照顧渟渟的羊生一同前往。

Auntie放假的日子，羊生就替渟渟著到街童一樣，連襪也沒有穿上 (waiting)

。

還有一星期農曆新年就到了，到處已經充滿了節日的氣氛，不管在電視上...街上...或是商場怖置，彷彿提醒著人們:農曆新年快到了! 農曆新年快到了!!

兩姊妹經常都好好好好好sweet!!! 每次睇相都為她們的健康和快樂感恩無限!!!!

2012-01-12 08.28.52

新年買新衫，最近愛上去Cotton Candy Kids，原來想買兩件同一款的姊妹裝，不過我覺得渟渟著得無咁靚，所以只係揀左另一件新年戰衣，好令丫~~

2012-01-12 08.29.16

而家多左過Baby，就要慳啲駛，無得件件都Burberry.......隔離間Cotton Candy有好多親子衫，而且又唔貴，不過佢而家搬左去電梯底，細左好多~~~~十次有九次想入去買野，雖然只係得幾個客，就已經好迫!!!!

2012-01-15 22.17.45

有時佢啲on sales item........又真係好抵.......

2012-01-16 08.23.52

而家買滿$100 就送 10 包利是封!!! 多買多送啊~~~~

2012年1月11日星期三

西日餐廳@緣聚Together

收到傳單見到有午市放題，就和羊生妹妹走了進來。餐廳裝潢都算見心思，元朗的情侶拍拖食飯又可以多一個選擇。

2012-01-12 12.58.02

二小時任食放題($68)，嘉嘉一陣要返學，所以唔駛收費。

2012-01-12 13.05.31

自選食物由三部分組成，包括拉麵／烏冬，壽司／手卷和前菜／沙律。

2012-01-12 13.05.46

這個三文魚胡麻沙律味道不錯。

2012-01-12 13.06.01

八爪魚也很大隻。

其實手卷也壽司也頗多選擇，內容都幾豐富，俾大家睇睇我地大食三人組今日既Lunch....

豐富的什錦壽司併盤送上，賣相非常好﹗另食材很新鮮，而且壽司飯也不大舊。

有紫菜包住的壽司好脆好好吃，三文魚也很肥美。

IMG-20120128-WA0002

嘉嘉無俾錢仲狂吞十件先返學，超抵~~~~~

IMG-20120128-WA0005

另加$8就upgrade有餐飲任食，不過作為西﹑日餐廳，荼質數就較遜色；而且侍應服務麻麻…唔會主動拎碟比你，要踢一腳先識郁~~~~~

2011年12月31日星期六

Happy 2012

2011~~~~妹妹的來臨，是咱嘉最開心的一件事情，雖然呢一年裡，我們都為渟渟出出入入醫院，不過我知道，天父會扶過我們一把的，亦多謝身邊的親友朋友FB友Blog友不斷的鼓勵和扶持，2012年我們一家會變得更堅強 ~~~~呢一年無論開心定唔開心，都即將成為過去....相信2012會係精彩又幸福的一年!!

About Family :

我覺得自已雖然要返工，但仍然可以半職湊女，I'm happy with what am I doing :) ，湊渟渟去玩再湊嘉嘉放學，放工又再陪渟渟玩過又要打理嘉嘉功課，每日啲時間都好唔見駛.....我已經cut左自已睇電視既時間，好彩有My TV睇返 (love struck)

....

好多謝羊生呢一年對我的愛護和無限的包容，多謝你好積極的為我分擔嘉嘉既功課和照顧渟渟，不過希望你雖然習慣左有幫手，都唔好成個皇帝甘款口吻吩咐 /要求 / 命令我xxxxxxx，因為其實我係唔鐘意睇人面色既，所以你今年既評分係遜於去年，我只係俾你 90分，評級降由A+降至A-；希望你新一年勤力啲去鋪頭做Facial，等你塊面唔駛甘Black。2012 -> 其實我真係好想添多個小龍女架!! 如果係仔我都願意啦....

About Work :

毫無事業心的我11年多左個小寶貝後更甚啦，不過都要交租和食飯。2012都係嗰句 --> 唔做唔得啦!!

About Others :

今年無去過旅行，本來想聖誕去個短Trip但又怕左渟渟......2012 ---> 有無得外遊 all depends on 渟渟既表現喇!!!

願大家快樂和正面的迎接新一年，新一年有好多新計劃，無論如何....

祝我的家人和朋友個個都身體健康，幸福快樂 :D