懷孕38週

不經不覺，小bie已經38週大了...

而我全身同個肚就不斷澎脹，差不多重了35磅喇...(好好...嘉嘉o個陣有60磅)

現在就好似電視廣告描述既一樣....

媽mei現在懶左...行路慢左...

真的..條腰骨起身既時候..真係好痛.....

夜晚兩隻小腿輪住抽筋，會痛到醒...羊生返早都唔敢叫佢起身幫我按....又急尿....所以只好腳+腰痛咁一步一步甘拖入toilet...真係幾辛苦...

雙腳開始腫了...

我o的動作越黎越慢....

上一胎陀嘉嘉的經驗，其實懷孕都唔係甘辛苦o者~~~~都行得，走得，食得，訓得吖~~~

呢一個小Bie，現眼報了~~~不辛苦??? 假的，我確實覺得很負荷呢!!!! 我終於覺得自已好像一個大肚婆了!!! 行得慢左，小bie亦大隻左好多(足月出世起碼有七磅幾，比嘉姐仔重兩磅呢~~~~成日都頂住我個胃，真係好唔舒服~~~~

亦因為肚子大了，有幾件事我都覺得特別辛苦，第一件事就係洗頭，每次洗頭都令我辛苦不堪，企係度洗就扯住個肚，坐係度洗又屈住好唔舒服.....第二件事就係剪腳趾甲，個肚頂住晒，都唔知點剪，o的腳趾仲長到....爆甲!!!! 流左好多血先知要剪喇~~~我細妹睇唔過眼幫我剪，好感動呀 ，羊生都無話過幫我剪。仲有就係要綁鞋帶囉，冬天又唔可以踢拖~~~~

街都唔想行了....行一陣，就腰酸背痛呢~~~

Months & Days

玩飛行棋

其實呢副飛行棋買左好耐，不過我地都無咩點同嘉嘉玩過

每次嘉嘉話想玩，我都佢話要四個人先玩得架

今日嘉嘉終於都等到"夠腳"玩家庭遊戲喇

就係教埋Auntie玩飛行棋

同場加影是日晚餐~~瑞士雞翼

小朋友至愛

沙蔘玉竹白合湯+有機生菜+Fish

嘉嘉好Buy Auntie既手勢呢

~~感恩~~

錦上路跳蚤市場

摘完士多啤梨時間尚早

我地近近地再去左就近既錦上路的 flea market

其實我都想黎好耐，不過呢度淨係開星期六/日架咋

趁呢個新春期間，去見識見識下先

小朋友一見到啲遊戲機就醒神

之後再見到啲大玩具車就更加醒神

女車手

嘉嘉都係第一次玩呢啲玩具車

$$ 10 for 5 mins

不過玩唔夠五分鐘就唔想玩

嘉嘉都係鐘意食野多啲

沒有爸B陪伴的假期

希望都唔會悶親嘉嘉啦

開開心心摘士多啤梨

雖然羊生要返工，但是呆在家裡又實在太對不起嘉嘉了

於是今日我同嘉嘉相約左姨婆一家去摘士多啤梨，而這個士多啤梨園是不用收取入場費，摘多少就算多少。

轉眼又是摘士多啤梨的季節，嘉嘉今年第一摘，零舍興奮~~

每人都分別拿著一個籃和剪刀....就開工Lu....

嘉嘉已經懂得選較大的和紅紅的士多啤梨來採，然後就自己親手剪，剪得不錯呢!!!

一邊剪的時候，嘉嘉又忍不住偷吃了，都不理有沒有洗淨呢~~~味道真的很鮮甜呀，清香又多汁，絕對不能拿街邊檔十蚊一盒來比較的!!!!!

前一天我就問Auntie想唔想go to strawberry farm together??

當時Auntie的樣子超興奮 : Strawberry Farm? Where? Yes....好呀!!!!

今天我看見Auntie不停剪呀剪，很快就把籃子差不多填滿了，我說夠了(因為是逐磅計$$的，而且怎樣吃得完呀??太紅的很快就會壞掉呀~~)

Auntie : I am very happy, I enjoy plucking......Auntie似乎真的很享受剪士多啤梨喎~~~~

 

摘完士多啤梨之後，我就叫Auntie再揀多兩棵生菜for dinner

今日姨婆佢地就摘左百幾蚊成交

而我地呢...

因為Auntie既努力

所以佢地係送左個紙盒俾我地既

好好彩即使帶回家後也沒有給壓壞

雖然羊生無份去

回到家中也可以一嘗新鮮的士多啤梨呢

兔年大年初一

 嘉嘉 & 泊錡 @ 兔年大年初一

老人家最開心有幾個開心果o係身邊團團轉，一年嘉嘉會繼續發功發放多D開心正能量

兔年，要有個開開心心的開始 ~~~