元朗的車仔麵

如果Blog友是元朗之友，就會知道永年的魅力，就連Facebook都有會員過千人添 (我都是其中之一員)，每天都勁多人排隊，我覺得最好味就係個辣汁，食完之後真係辣到頂瓜瓜！

因為成日排長龍，起碼都排半個小時，人多我就寧願吃其他囉。

另有一間車仔麵也是我至愛！就是在元朗廣場後面的「許祥昌」，雖然始終比唔上永年車仔麵好食，但係呢度就好抵食!!!




這一碗就是我以前中學時代常常去吃的車仔麵，雖然這裡無永年甘紅甘多人排隊，但我間中都有捧場，分細碗13元、大碗15元及加大碗17元，懶惰選擇的我通常就叫一碗大什麵，甚麼也都有，不用慢慢揀，都幾足料，不過鍾意食邊樣餸、多唔多、就要看閣是否好運了.......




除此之外，我每次都會叫咖啡紅豆冰 / 咖啡涼粉冰，雖然只係$10 一杯，但非常足料！

當然地方只是一般，這些街坊小店，都唔好要求有咩服務，快餐式搭檯，食物來到，各自修行，食完就走人，讓位給其他在門外等位既人。

不過野食就係好普通~~~但我就食開有感情

姐妹情深

剛轉天氣，嘉嘉都多穿了一些衣服睡覺

為甚麼嘉嘉一早起床就如此開心??

原來是表姐來了寄宿呀

......感情好好的表姐妹...........................唔鬧交嗰陣 ......

開飯喇

酗酒的我們

酗竹庶茅根的嘉嘉

成包飲晒

收到喇！收到喇！

嘉嘉收到的第一封信

急不及待想立即拆信

是誰寄給嘉嘉的????

嘉嘉收到的第一封信

是她自已前幾天在playgroup畫的

今天終於收到了

數字咭

前兩堂嘉嘉在 playgroup 學了數 1-9 

這是在書局買的數字卡，始終嘉嘉都不肯開口說話，要她數1-10應該很難.........

所以由我每天教她數數，讓她有點數的概念.........

但嘉嘉每次都只會手指指



我已經成日對嘉嘉說：你唔講野，我唔明你想點喎...媽咪想同你傾計呀！佢都唔理我.......

雖然有人話：" 唔需要擔心啲仔囡唔講嘢，唔行路，唔分房瞓.......始終有一日，佢總會做到。" 

有道理！ 但話雖如此，做父母總唔想自己的BB一歲有多，還不肯開始說話吧。

愛太痛.......

最近好無心機，所以已經好久沒有update個 blog......

我的細細佬失戀了，我不知道如何去安慰他 ( 因為我比細細佬大十年，有幾個溝 )，我只知道他好難過好難過好難過，好唔開心......
細佬從來沒有在我們面前哭過，但那天.......他就好傷心的哭了出來，我個心好痛.....然後我就一路喊住叫細佬唔好喊。

可以講咩?唔好諗?點唔好諗?有咩可能唔諗?

嗰幾日我成日都喊，見到細佬眼紅紅我又想喊，見到佢唔食飯我又喊，見到佢一聽到電話響....然後好失落個樣仲想喊，跟住羊生見到我甘就鬧我，我就喪喊！.....喊到收唔到聲，仲嬲埋羊生做咩鬧我?夜晚掛住細佬，唔知佢訓得好唔好?諗到訓唔着，就靜靜訓喺張床到喊.........

失戀會令人迷失了自己，那種灰暗，真的沒有人可以幫到，儘管身邊的人一而再的鼓勵，還是沒法振作，是太過投入?太過依賴?

或者時間.......時間真的可以沖淡一切，
而家我地唯有成日陪住佢( 其實係文姨姨除咗返工就日陪夜陪住細佬，仲搬咗番屋企陪佢 )，收工就陪佢食飯返屋企，我哋都想多啲陪佢，等佢知道有咩事都有我哋喺身邊，仲有我哋錫佢.....

細佬，你大個仔喇，有啲嘢你要學習面對，我哋唔可以成日保護你，而且感情事又喺我哋控制範圍以外，雖然我哋嗰日真係好想走去鬧佢，但我地唔想你更唔開心。

就當你人生入面累積一些經驗吧！最怕你個人越嚟越消極，希望你快d可以振作返！