紅雨下的海洋公園

話說這天早上忽然好大雨，天文台發出了紅色暴雨警告，宣佈所有幼稚園下午停課，今天剛好是我的休假呢！！Yeah！！

其實這天上午，渟渟是要返醫院見醫生的，不過當我和嘉嘉睡醒的時候，渟渟已經覆完診了，此時天色又開始放晴，羊生提議不如到海洋公園，因為前兩天，嫲嫲剛好送了幾張票給嘉嘉做生日禮物 ，而且而且，今天正正是Auntie的生日！！！Auntie可以免費入場一起去，好划算！！Yeah Yeah！！！




真不敢相信紅雨下有如此一個即興節目，Sunnie表姐剛好放暑假，羊生批准我接返我既大大女回家玩，所以Sunnie最近經常在我家留宿，今天，她開心到瘋了！！




Sunnie細細個已經成日跟住我，好多人都以為佢係我個女，睇見佢而家已經高過我，出街成日俾人話我地係兩姊妹 ，呢個感覺都幾好，難怪人地成日講有仔趁嫩生真係無錯！而且Sunnie都係小龍女添......哈哈，我好恨儲既龍。兔。豬呀.......其實我一早儲齊啦 ！！




海洋公園給予的生日優惠真不錯，除了免費進場，還送上一堆優惠券，多謝Auntie的帶契，使我們節省了不少 ！！




渟渟第一次到海洋公園，佢勁興奮，估唔到佢甘大反應，而家成日叫去Ocean Park！！




除了呢個假公仔係嘉。渟自願走埋去影之外。。。。。




嘉。渟見到呢條Shark話好驚，嘉嘉仲走到老遠唔肯影！！跟住渟渟又話驚埋一份 ，然後俾Sunnie捉住左陪佢影，睇下渟渟個衰樣，千萬個唔願意。。。。




見到呢條鱷魚，嘉。渟又話驚驚 ，想點呀?? 我叫佢地下次淨係去返迪迪尼好了。。。。。




當年嘉嘉兩歲的時候。。。。




同一個影點，抱著兩歲的渟渟，感觸良多。。。。




好搞笑。。。。


 

坐纜車的時候，嘉姐仔說好想挑選一架紫色的纜車，給生日的Auntie坐((佢知Auntie鐘意紫色))，這個女兒......真的好體貼。




Sunnie自已一個去玩左呢個，好變態。。。




嘉嘉在扮野。。。。




新的北極館，都無咩睇，都無北極熊既。。。。


 

同Auntie一齊出街就係甘，成日搶左我個渟渟 。。。。




南極館睇企鵝超級凍。。。。




睇海洋劇場。。。。




Sunnie自已一個玩埋呢個翻天覆地，佢話一o的都唔驚，原來佢係癲既 。。。。




同嘉。渟去左兒童天地。。。。




嘉嘉話個跳樓機好無聊。。。。

 

 

 

 

 

 

 

 

 

 

Auntie生日飯@海龍王餐廳

到了7:00pm左右，大家都有點餓有點累了，不過我們還未參觀過海洋奇觀水族館，而且又想Auntie同Sunnie可以欣賞埋8:00pm個雙龍show，所以我就決定豪o的入左去海龍王餐廳食Dinner。




因為我地係walk-in，魚缸旁邊的位置早已Full了，餐廳只能安排我地坐普通位((好失望....話哂甘貴))。

跟住我地見到有一張已經被人Book左檯既客人仲未黎，即刻好厚面皮坐低影返兩張相先 。。。。。




其實好耐之前已經好想黎呢度試下感受下同魚食飯既滋味。。。。((不過上次天氣太熱渟渟太細無黎到))




首先侍應送上的麵包表面已經有少少乾身了，不過諗住""送""湯，無所謂啦！！

但那個升級了的龍蝦湯，除了好胜、仲好咸、而且苦澀難飲！！




Auntie 和 Sunnie 看到了價錢之後，只是Order了最平的Set Dinner，那個肉醬意粉亳無味道，比連鎖快餐店出品的還要差！！




嘉嘉的兒童餐，蛋和肉炒作一堆加在飯面，半隻蛋再加少許雜菜，賣相極差，不過小朋友見到啫哩就開心，最好吃的就是它。




妹妹share左嘉嘉半碟飯，再左食右食。。。。




我和羊生的二人套餐也不好，三文魚扒唔夠味、牛扒有十成熟，連那隻燒春雞味道都好一般。




Sunnie竟然手震




到了8:00pm，Auntie 和 Sunnie 落左樓下欣賞個激光Show。。。。




待她們回來食埋下半場的甜品。。。。




胃食渟渟




我話今日當同嘉嘉慶祝埋生日，所以我再 Order 左杯雙球雪糕送俾嘉姐仔，好滋味。。。。




仲有朱古力火煱，我地超低能，將火煱個蠟燭當生日蠟燭吹 。。。。

爭吹蠟燭好搞笑。。。。Auntie 交足晒戲 。。。。




論情調講氣氛，一邊用膳一邊欣賞「魚樂無窮」，海龍王餐廳真是合格有餘；


論食物，真是令人好失望，雖然是樂園餐廳，不能有太高的期望，但呢個 Dinner 價錢，我寧願上山頂食！


論服務，這兒真是一點質素也沒有！！成班侍應 ((連同個經理)) 工作態度散慢。點菜時個 waitress 好似發緊夢咁，羊生重覆了六、七次，但佢依然落錯單、漏單。。。吃完主菜，竟然仲有兩個湯都未上，仲問返我地 order 左幾多個餐。餐飲都一樣，等左好耐，摧左好多次先黎！！連 order 多杯雪糕都錯單，好懷疑這裡的侍應，究竟是否全是暑假工？？點解佢地好似咩都唔識？？


我覺得一間甘靚既餐廳，既然收得呢個價錢，食物質素和服務態度卻比快餐店、甚至連街坊小店都不如，實在拖跨了整體評分，我真係唔明那些 Bloggers 竟然可以寫到佢甘天花龍鳳，就是要給公關們一些交待？？Sorry........我真係寫唔出.........


仲有，我地食完個晚飯之後，打算同Sunnie、嘉渟買一些紀念品，可是所有店打垟了都算 (( 孩子已經夠失望 ))，有職員反問我們為甚麼還會留在樂園？？所有燈關了九成，四周黑媽媽，真的好危險好恐怖，還有還有......沒有駕車的話，千萬別到海龍王餐廳用晚飯，因為海洋公園是沒有接駁車子讓你離開的，附近想找架的士也很難，可憐我地一家六口行左幾段暗路才見到公路的曙光。。。。真夠爛的結尾。。。。