K3上學期的頒獎禮(私人網誌)

本篇網誌設定為私人網誌，只限關注了我的Blog友及親人，各位好友請先用自己戶口login，然後按以下連結瀏覽全文。


K3上學期的頒獎禮

如登入後按以上連結，仍未能看到網誌全文，可能是我未將你加入成為好友，請留言通知我加回你成為朋友，不過暫時不接受空白Blog。




想不到這個學期，懶惰如豬的嘉嘉竟然還有機會踏上這個頒獎台上，而且她考試卷裡的答案，竟然令我......

K3上學期的頒獎禮

因為已經有小學收嘉嘉，所以K3上學期的考試，我完全係由嘉嘉""自由發揮""，至於心肝會考到甚麼名次，我也是完全沒有任何期望，皆因整個上學期我們都是Hea住過 。




知道嗎?? 當我收到學校的得獎通知信及頒獎禮請柬時，我第一個反應是唔開心！！有無搞錯呀?? 影完畢業相翌日是學校假期，我們原來打算去郊遊架，而家竟然要返學校拎獎.......




想不到這個學期，嘉嘉竟然還有機會踏上這個頒獎台上。




雖然嘉嘉今次唔係拎成績優異獎，羊生是有點唔開心((其實佢一直有責怪我們太hea))，一分耕耘一分收穫，沒有付出又想得到多少的回報??


然後當我看到嘉嘉的考試卷時，英文、數學、常識都是滿分，我已經好安慰，再看看中文卷，看看心肝犯錯的地方，我笑了....

是非題：

哥哥的年紀比弟弟小，嘉嘉竟然填(+)，我問嘉嘉，甘即係你覺得你細過妹妹啦 ！！

貓是冬眠的動物，嘉嘉又填了(+)，我笑說不只貓是冬眠的動物，豬也是冬眠的動物，因為你呢隻豬考試既時候o係度冬眠緊！！




班主任 Miss Liu 要求好嚴，嘉嘉今次只得獎狀及獎章，叫嘉嘉下學期要多多加油~~




下學期開始，我們要keep返溫習了。。。。。

嘉嘉的迪士尼畢業慶典

又去迪士尼?? 話說今日我們是去迪士尼參加嘉姐仔的畢業典禮!! 時間過得真快，嘉姐仔今年九月就升讀小學了，學校就在迪士尼為畢業生舉行了一個畢業慶典。




晨早8:30am就要自行到樂園門口集合，爭扎左好耐，究竟帶唔帶埋渟渟去好呢? ((平時小姐要訓到11:00am先捨得起床)) 不過話晒都係嘉姐仔的第一個畢業禮，都係應該要全家總動員出動既！！


 

第一次見到嘉嘉著畢業袍，好可愛呢~~今天樂園會特地為小小畢業生提早開放，現今的小朋友真係好幸福， 幼稚園畢業是他們人生的第一次畢業，家長們都好緊張；眼見自已的小朋友可以在米奇的見証下影畢業相，又真係別具意義。




當天每位畢業生都附送一頂米奇畢業帽及畢業袍，穿上後就可以準備進場等候拍照。




Auntie好好心機為嘉姐仔紮了兩條小辮子，整整齊齊繫上兩條黃色的小絲帶。




見到同樣身穿畢業袍和戴上四方帽的米奇老鼠，與眾小小畢業生在火車站前的階梯上拍攝大合照，相信一定能為嘉嘉留下一份畢生難忘的回憶。




原本以為拍攝大合照後會有段時間，畢業米奇會遂一為小朋友影相留念，但迪士尼好保護畢業米奇的廬山真面目，只是安排其他朋友招呼我地，真係有點可惜。




唯有排隊同返「普遍版」既米奇米妮影「畢業合相」。




我地個嘉姐仔大個女喇，我地一家人齊齊見証左你在學生生涯中，第一個畢業的重要時刻，我真係好珍惜你在幼稚園裡，無憂無慮無壓的校園生活。

我知道，小學生涯不易過，希望你的快樂童年，並不會隨住小學生活的展開而消逝，我希望我自已可以Keep到每日唔會發晒癲甘鬧你做功課同溫默書。




影完畢業相，大家就可以自由活動喇~~~今日天氣都幾熱，好彩有同嘉嘉執多套衫黎替換。




妹妹要好好保重身體，仲未敢同佢換夏季。




可能因為時間尚早，夢想花園的卡通朋友都好「空閒」，Pooh Pooh 同嘉。渟玩左好耐，渟渟好開心。




估唔到仲可以同「新年版」穿中國服的唐老鴨影番張相。。。。。

輪到嘉嘉摘士多啤梨

尋日嘉嘉放學知道我同妹妹自已去左摘士多啤梨，個嘴仔嘟到長到不得了，所以我就應承佢，今日返學之前，我地再到一次士多啤梨園。




羊生今日放假，可以陪愛女黎玩，不過佢話早出晚歸，就唔肯帶埋妹妹出黎。




嘉嘉今年第一摘，佢見到塊士多啤梨田鬼咁興奮，即刻話要落田去摘。




佢話要摘返去學校做茶點




其實o的士多啤梨已經去到水尾階段，睇下......好多已經枯萎左，而且士多啤既數目，真係少之又少，就算有都係生既或者爛既，同上年去摘既時候真係差好遠......

不過醉翁之意不在乎大粒細粒，但求享受""自摘""既過程~~~




我地好辛苦先摘夠一盒，下年一定要揀最多最大粒既時間黎摘，不過雖然o的士多啤梨較細粒，但其實都尚算香甜既~~~

渟渟第一次摘士多啤梨

每年春天，我地都會去摘士多啤梨，但渟渟一直沒有機會親身體驗，今年，終於可以帶渟渟落田了!!!




這天羊生要返工，嘉姐仔早上也要上興趣班，落堂後再趕去元朗返學，但我還是堅持自已一個拖埋渟渟跑去接嘉嘉，待嘉姐仔上學後，我就帶渟渟入左去元朗白沙士多啤梨園摘士多啤梨。

((雖然其實我可以帶埋Auntie去，甘我就無甘辛苦，不過我覺得如果我帶埋Auntie，渟渟就會依賴左Auntie唔理我，我地就無得親子，而且，有時候我也想給Auntie偷下懶))




已經是三月份了，不過當天的士多啤梨依然又紅又甜又大又多汁。妹妹第一次摘士多啤梨，我先發覺原來渟渟的小肌肉也不錯，究竟佢係幾時開始識得用剪刀呢?? 妹妹邊摘邊叫cut, cut, cut，好搞笑.......我教渟渟要挑紅色的，她都做到了，沒有選錯顏色剪錯的情況。


剪剪下，忽然爬出一條青綠色的小蛇，渟渟話snake....驚驚....我先見到，好彩只係好細條，真係有驚無險。




今年自摘士多啤梨的收費是每磅六十元，我們摘了百多元((大概兩磅多少少))，付款後，我洗左少少士多啤梨俾渟渟即場食，妹妹一口氣吃了十粒八粒。


今日妹妹好開心好開心，摘士多啤梨真係一個好開心既親子活動~~下次要帶埋嘉嘉黎~~

阿娘的娘家飯局

 

今日我地一齊返左阿娘既娘家食盆菜，阿娘都係住圍村，以前我地細細個成日都會返黎婆婆屋企玩，不過自從我的公公婆婆相繼去世後，我阿娘就已經好少返佢自已既娘家。


今日阿娘的娘家有一個大型的盆菜宴，宴請全村人((包括外嫁女))，我知道阿娘甘耐無返過去，都好想返去行下，所以我地就陪左阿娘一齊入村食飯，我地呢o的外嫁女既外嫁女，好厚面皮甘掹晒車邊去食飯!!! 村公所外面的大空地，都放滿了桌子。




大風吹到支旗飄下飄下，渟渟就玩呢枝旗玩左成晚。




今晚個飯局仲有得抽獎添，我舅父仔好lucky，抽到$500現金獎。




準備開動。。。。




是日白飯任裝，汽水啤酒任飲




我地邊食邊欣賞表演，中段忽然有個女人著哂低胸衫o係度唱江南style，勁歌加熱舞，搞到全場人都好鬼high，呢期嘉。渟o係屋企成日跳馬舞，佢地好似痴左線甘，勁興奮跟住一齊跳，估唔到呢o的表演，都可以令小朋友high爆。。。。。