男女真有別??!!!
如登入後按以上連結，仍未能看到網誌全文，可能是我未將你加入成為好友，請留言通知我加回你成為朋友，不過暫時不接受空白Blog。
我相信．．． 這個男人，絕對不會是重男輕女的人!
若干年後，你會慶幸身邊有兩個很愛, 很孝順你的女兒!!!
2011年3月8日 星期二
男女真有別?(私人網誌)
本篇網誌設定為私人網誌，只限親人及朋友瀏覽，各位好友請先用自己戶口login，然後按以下連結瀏覽全文。
男女真有別?
五個月前，打了一篇..... 生仔好? 生女好?!
過去的半年....
實在令我感受良多.....
遺憾的是，在"弟弟" vs "妹妹"的分享上....
原來仍有大部份人，是存在著"性別歧視"的!
.
有一次聚會上，有個朋友問我... 是囝囝還是囡囡....
我細細聲的答: 『係囡囡黎架!』
然後，知道我有一個大女兒的朋友，面帶尷尬跟我說: 『哦.... 唔好唔開心啦!』
我有說我我唔開心嗎?!
.
有一次，育有一子一女的客人，連番追問我是囝囝還是囡囡....
我又告訴她: 『係女黎架!』
然後，她臉立即變了，還很認真的跟我說: 『喂! 講真架! 真係追多個，搏返個仔啦!』
然後，她又說: 『邊個男人唔想要個仔丫~!』
無言....... 以對.......
.
有一次，在嫲嫲家吃過晚飯，嫲嫲問羊生，到底知道是男是女未...
羊生答: 『女黎架!』
然後，嫲嫲就話: 『唔緊要啦！生多個囉...』
坐在一旁的我，都聽得一清二楚!
生兩個女兒有問題嗎?
難道生個仔，就可以多分一份身家??!!!
.
上一次，當大家知道嘉嘉是個女兒，都表現得很興奮很高興....
這一次，大家都失望了.........
還記得....
公公只是看過小Bie兩眼.... 爺爺就連抱都沒有抱過......
有時，我會想....
如果這個是小男孩，情況會變得不一樣嗎?
.
生男仔.... 生女仔.....
真的這麼大分別?
面前的羊生，目前為止，仍然是『兩個就夠晒數，仔女都無所謂』....
儘管我都說願意為他""博多一個"" ，儲夠龍、兔、豬.....
然後再恐嚇他：我唔介意三個都係女....
羊生有Say：Stop！Stop！Stop！還說安排我去做絕育手術呢！
我相信．．． 這個男人，絕對不會是重男輕女的人!!!
若干年後，
你會慶幸身邊有兩個很愛, 很孝順你的女兒!!!
2011年3月4日 星期五
2011年3月3日 星期四
12Days B.Day
小Bie十二朝喇 !! 今日好多親朋戚友黎左食薑醋呀 !!
而夜晚......羊生就買左個蛋糕仔返黎同小Bie慶祝
小Bie話你有你地切
我就愛理不理.......要繼續訓 ~~~
我地就食蛋糕
小Bie妳就要加油努力食奶奶，長多o的肉
身體健康、快高長大呀
2011年3月1日 星期二
羊奶牌VS無敵奶粉
上一次，嘉嘉出世之後，我就積極的餵哺母乳....
曾幾何時，我為自己可以將母乳餵哺給嘉嘉，而感到無限自豪.....
當年，斷斷續續的，餵了6個多月......
記得埋身餵的痛苦..... 女兒吃得好少，5 mins就吃著去睡....
走到健康院，每次給女兒磅體重，都無限緊張....
出世後的嘉嘉，體重一直向上升...
是合格中的合格...
只是身旁的人，總會說: 『你俾奶粉佢食，佢重得仲多啦!』
日餵夜餵，卻完全得不到半分支持.....
.
再懷第2個小寶寶.....
懷孕6個月，已經跟羊生說: 『我今胎唔餵人奶，好嗎?』
羊生卻很大的反應: 『點解呀?..... 做咩唔餵呀?』『唔得! 一定要餵!』
我並不知道原因，但那句『唔得』倒給我一個動力.... 這一胎，再嘗試一次!
.
在醫院裡，很鼓吹媽媽們餵人奶，但眼見身旁的媽媽都持很極端的想法...
有些... 『我奶粉都唔會買，只許成功，不許失敗!』
有些... 『其實奶粉都唔錯，無謂辛苦自己啦，我坐月要休息架!』
有些.... 『到時睇下點先啦，餵到咪餵囉.... 或者餵一個月 / 兩個月 / 三個月』
而我，因為小Bie的腎有粒mass，落左樓下兒科觀察，當我身體稍為好點，我就會過去餵餔，我坐下的時侯，姑娘竟然跟我說BB要吃50ml奶 (唔係嘛....甘多??)，我抱入房餵餔了20mins，姑娘就叫我走了，然之後，我就見到姑娘補左支奶俾小Bie，我知道.......頭一兩天上奶是不足夠BB吃的...........
出院的時候，護士長見我母乳+奶粉混合就問我，你打算餵人奶定奶粉架?? 我打算餵人奶.......唔夠再補奶粉 (很慚愧)........因為BB飲得多，驚餓親佢........護士長:其實只要你肯餵，就一定夠!!!
.
沒錯，從這十天中，我感受到，吃得多，上奶更多，小Bie越狠勁吮，我上奶更快。
前幾天，夜闌人靜，我又再問羊生: 『你覺得小Bie夠唔夠飽呢?』
羊生: 『你閑閑地都漏到50ml奶出黎，我連魚湯都唔駛煲俾你!!』
他都知道， 上一次，我幾乎將羊奶牌視為自己生命......奶量.....嘉嘉體重......看得比甚麼都重要......其實今次，是真的沒有信心，做得比上次好.......縱使，我都有經驗了........
不過，貓BB喝貓奶，豬BB喝豬奶，羊BB喝羊奶，為甚麼人類BB就要喝次一等的牛奶粉?? 而且，眼見嘉嘉這幾年的身體.............我都會儘量堅持...........希望能再次成功............
訂閱：
文章 (Atom)