小聖誕樹頭蛋糕

聖誕節就快到喇，今日同嘉嘉試整左一個"小蛋糕"!!!

小朋友都可以親手做到"蛋糕"架 !! 佢地會覺得好好玩好開心，而且"蛋糕"細細舊...最o岩就係一家小口子一人一啖。

材料 : 無邊麵包.....即食朱古力醬.....即食忌廉.....花生醬 (室溫放軟).....

無味粟米片 (不過原來我屋企淨係得蜜糖星星，算啦，頂住先!!)

~~~~唧Cream~~~~

~~~~加埋朱古力醬~~~~

~~~~將朱古力醬+忌廉拌勻~~~~



~~~~加到變成淡啡色就可以(忍唔住偷食)~~~~

~~~~搞勻雪凍 (記得要保持冷凍哦)~~~~

~~~~塗上花生醬....正點~~~~

~~~~加埋朱古力醬~~~~

~~~~嘉嘉塗的好可愛~~~~

之後卷起來，將麵包卷起成瑞士卷狀，輕壓一下 (小朋友通常都係將麵包壓到變形的~~哈)

~~~~抹上cream ~~~~

呢個最o岩小朋友玩，抹到一岩一彿就最似

不過小樹幹整得好醜哦

( 讓我再研究一下...點樣可以再整靚啲先 )



其實應該是放上碎栗米片(唉.....)



~~~~製成品~~~~

嘉嘉好滿意呢~~~~



再來亂劃亂玩一下~~~~

哈哈哈~~小朋友很有天份...滿好哦!!!



哈哈哈~~嘉嘉玩得好開心呢 !!!

 

 

My sunshine

好鐘意聽到嘉嘉既笑聲

作為媽媽的我會認為 : 嘉嘉笑得如斯開心，是因為她真的很快樂，某程度~~~

大概是因為她有一個幸福的家庭吧 !!

嘉嘉越大，就笑得越多，也笑得越甜

作為媽媽的我又會認為 : 嘉嘉這種開懷的笑，是因為她有一個很愛她的爸爸和媽媽吧 !!

其實這些假設，都是沒有甚麼科學根據的，一切都是我一廂情願的想法；但縱然是一廂情願....我還是想繼續幻想下去，因為只有這樣，作為爸爸和媽媽的我們才更有動力為嘉嘉努力下去

但願嘉嘉這種天真的笑

是因為

她真的愉快

我們愛你...

女兒!!

元朗警區家庭同樂日

今天元朗警區舉辦了一個家庭同樂日，羊生就叫我收工帶埋嘉嘉一齊過去玩。同事還很好心地替我們拍了一些家庭照。

今天舉行的燒烤活動陣容鼎盛，嘉嘉更要堅持自已燒腸仔食 (自已燒了有30秒吧)???



最開心就係有ice-cream任食，yeah !!



這裡還有很多小朋友跟嘉嘉玩，嘉嘉說很開心呢 ! 因為她認識了新朋友呀，還送了balloon給她wor~~~~

不停有人爭住獻唱，非常熱鬧

還有表演嘉賓助興

同事們都說嘉嘉比上次遊船河長高了不少，還很掛念嘉嘉套三點式，個個都爭住跟嘉嘉玩耍及拍照呢，玩得好開心，不過因為嘉嘉沒有午睡，所以我們很早便回家了。

雪亮聖誕的日與夜(日間篇))

今日又是迪士尼...因為由下星期開始，我們的PASS暫不能入園，要到2010年才可以再去喇!! 上次都沒有欣賞飄雪及煙花就走了，所以我地今日要玩盡啲。而且今日文姨姨同哥哥都join埋我地，一齊去感受雪亮聖誕的日與夜啦......

黎到迪士尼，都仲未入得去玩，嘉嘉好無心機哦

已經踏入十二月，加上寒流襲港，令聖誕氣氛變得更加濃厚。今日嘉嘉穿了一件小""ming""仔，十足迷人""pink lady"" ，終於都像一點女孩子吧??

大街的聖誕精靈又出動了，不過嘉嘉好"cool"哦

呢頂Minnie豹紋帽係咪好可愛呢? 係我個客人喺東京迪士尼買返黎送俾嘉嘉既聖誕禮物，不過我"借"黎帶下影相啫.....點知原來羊生同哥哥帶得甘"悄"既，我就一張都無影過....下次要自已帶返黎影相，費是羊生搶晒我鏡....

我們這一"嘉"在城堡前拍攝的照片

今日同嘉嘉著靚dd再跟Mickey & Minnie影多次聖誕合照

少不了的大合照

嘉嘉終於接受了跟大公仔合照，沒有再怕，沒有再抗拒....同Minnie影完相仲肯俾Minnie黎個goodbye kiss添~~

然後滿心歡喜過去同高飛佢地影相啦，點知........嘉嘉都係驚驚架 !!

原來嘉嘉係甘鐘意 Minnie.....

再要排成粒鐘隊先可以同唐老鴨影相，雖然我都幾想....可惜我放棄了，其實都幾浪費時間，嘉嘉等甘耐又悶，都係同佢入去玩機動遊戲開心啲。

我同嘉嘉強推 !!! Disney既爆谷真係好好食呀，又香又多焦糖又熱又唔貴!!!!!

係我食過既爆谷中最好食既 (比百X好多多聲)。聖誕仲推出左聖誕特別版Popcorn。



睇唔睇到嘉嘉有幾鐘意食Popcorn?

充滿聖誕氣氛既巡遊~~可愛的薑餅人，扁扁的身型好得意

入去玩 Buzz Light Year

嘉嘉一度被Buzz隊長的廣播及室內黑漆漆的環境嚇阻，不停驚驚遮住面，後來經過我不停鼓勵，半迫地上了遊戲車。之後，嘉嘉都玩埋一份，大玩打怪獸。

呢個馳車天地，所有駕駛者都要達81cm以上。嘉嘉有好幾次都被拒絕了，失望返轉頭，我就同嘉嘉講 : 要食多啲飯先夠高玩揸車車架 !! 所以嘉嘉既口頭禪係 : 要食多啲飯先會快高長大 。

今日佢終於夠高喇 (其實可能係嘉嘉今日著左對Boot仔)~~不過佢真係好開心呀

玩完一輪之後，已經5:55pm，所以我地匆匆忙忙去左火箭餐廳食個火箭快餐醫肚，繼續我地既下半場.....因為亮燈儀式會準時6:30pm就開始喇 !!

 

Click to Go >>>>雪亮聖誕的日與夜(夜間篇)

雪亮聖誕的日與夜(夜間篇)

Click to Back ----- 雪亮聖誕的日與夜(日間篇)

開心完上半場，話甘快就黎到晚間篇。嘉嘉手上的3D立體眼鏡，每個入場的人也會得到一副，用來稍後看燈飾的，今日終於有用了。

呢個時候巳經天黑，大街小鎮都亮起了燈飾，眾人擠滿在大街上，期待一會的聖誕樹亮燈儀式。

一眾演藝人員在聖誕歌聲中持著手中的雪花，一個又一個地出場，然後像骨牌般列陣完成後，第一次置身在沒有燈火的大街，演藝人員由街頭開始逐一將高舉的雪花點亮，「閃耀冬日」正式上演 !! 之後連城堡也亮起璀琛光芒，還點起煙花，氣氛最為高漲。

 

為整個「閃耀冬日」推到最終極既高潮

睡公主城堡亮燈後，感覺最浪漫動人

距離煙花匯演仲有一段時間，我地又走左去飛船，今日有文姨姨招呼我地，羊生就同哥哥去左玩space mountain...

灰姑娘旋轉木馬已經變成例牌的必玩節目

然後又去玩咖啡杯 ~~~ 有D擔心嘉嘉會轉到頭暈暈，不過都OK既

嘉嘉最愛的小小世界，亦係入樂園的必玩項目，我地坐住船仔欣賞X'mas下的Small World ~~~ 小小世界過聖誕啲裝飾當然同平日有DD唔同啦!

Jingle Bell 係甘唱...係甘唱...係甘唱...音樂唔同左又多左好多雪花和燈飾，都算係好有新鮮感呀 ~~~~

夜乘探險船去探險森林河流之旅更為有氣氛，真是另有一番風味，比日頭更加似在冒險，"黑媽媽"~~~好剌激 !!

放煙花時間到喇 ... 雪亮聖誕中O既城堡果然夠雪亮

~~臨走又係買紀念品時間~~

其中一間店佈有巨型米奇，大家記得來一個合照呢

My Minnie Apron

我地要離開樂園喇，今日玩到9:00pm人地收工....夠晒皮啦 !!


Disneyland....2010見