My D & G sweetie~~

2009年12月11日星期五

士多啤梨朱古力

11。12。09 @ Home Made Dessert

今日Sunnie過黎我屋企，見無乜野好做，就買左啲材料，返屋企同佢地兩個小鬼試下整士多啤梨朱古力，行過百佳順便買多一包棉花糖。

好易整，又好味，小朋友實鐘意 ^^

其實羊生鐘意食dark chocolate
，不過因為要就返小朋友，所以只係買左65%

首先係溶左啲朱古力，不過因為朱古力係唔可以直接加熱，所以就要準備一碗滾水，然後就將朱古力放喺上面，慢慢"座"熔佢。

睇下嘉嘉同Sunnie攪朱古力攪得幾開心

再將啲棉花糖同士多啤梨點左朱古力
( 睇住Sunnie捉住嘉嘉隻手，教嘉嘉整朱古力棉花糖既情景，就幻想有日嘉嘉做左家姐，捉住妹妹隻手教妹妹整朱古力 ...... 唉 !! 都係想下好喇.....)

大功告成 !!!

大家覺得佢地整既作品外貌如何呢 ?

我再要求佢地影多張相留念先 !!

不過嘉嘉好心急等開餐呀 !!

話晒都係親手製作既咱"嘉"朱古力，梗係食得特別滋味啦
!!!!

嘉嘉 : 真係好好味呀
!!!!!

好好彩....嘉嘉掛住食之餘，都不忘走入房叫羊生出黎一齊食，仲記得老豆姓咩，都算安慰 .....
不過個衰女就無吩咐叫我食囉，完全當我係閒人一個 !!

睇下嘉嘉望住佢老豆個樣幾咁冧!!
真係羨慕死我

就算幾好食....都唔駛食到美人生鬚都唔知架
~~~
囡呀~~真係失禮死人 !!

等我整埋剩下的士多啤梨朱古力先

點知...... (( 翌日 ))

失敗左呀!! 原來啲朱古力係唔可以直接放喺碟面
，如果唔係就會黏住左....好似甘囉......

不過第一次做都算係咁啦，下次準備好啲再黎過!!

窩心的嘉嘉

這幾晚嘉嘉一反常態，睡前都非常曳曳，每晚都不停扭計不停哭，到她真正能入睡時，望望大鐘已是夜半一點鐘了。

昨夜嘉嘉又遲遲未肯入睡，成晚在床上悲嗚...."媽媽...媽媽...."然後又在哭，我已經不停叫她：訓啦 !! 訓啦 !! 唔好再喊喇 !! 但她仍是喋喋不休 (差不多1hrs，我就快瘋了)，嘰哩咕嚕，指天篤地，喊個不停。

不知道是否真的睏了，突然她用頭跟我的嘴唇撞上了 !! 嘩 !! 這一下真的痛到不得了，痛痛痛痛，加上我的憤怒，我的眼淚就不受控制的流了出來。

迷迷糊糊的嘉嘉見到我哭，她就用她的小手摸摸我流著眼淚的眼睛，輕輕的叫著 : "sorry...媽媽...唔好喊啦...我下次唔敢喇" ~~ 繼而吻著我的眼睛，再吻向我的咀。我真的很touch，感動到眼淚不停的溢出，嘉嘉一定以為我很痛，因為她不停再三吻著我的咀咀，不肯停止，直到我對嘉嘉說句ok喇，她才停了下來，口中仍說著 : 媽媽...我下次唔敢喇......跟著就伏在我心口上睡著了。

雖然只是小小的一件傻事，但我仍是很想寫下我的心情。小小的一個Baby ~~是那麼溫柔和體貼，不管她真的知道悔改與否，我都覺得很溫暖，很窩心。

今天早上，我對嘉嘉說: 夜晚訓覺唔好再扭計再喊好無? 嘉嘉答 : 好啦.....我地就勾過手指尾說定了。晚上，嘉嘉真的沒有再哭再扭了，一切都回復正常，謝天謝地 !! 雨過天青 !! Thanks God !!

分享好味

這個凡事都以小孩為中心的年代，要教小孩子他們並不是世界的中心，實在是不容易的事。眼見不少家庭背景出身較好的人，很多時候處事都很自我中心，就明白原來太順意的成長環境，容易令人覺得自己變得優越，想必什麼都是自己，也眼見我們的新一代也有這個通病。

自問出身寒微，但慶幸有一個知足及幸福的家庭，疼愛子女的父母。從小到大，都學習著在不足夠資源的環境下，怎樣跟別人分享。在結婚之前，也是跟妹妹分享著一間房，一張床，一部電腦，一個電話......

當自己有多一點能力時，就想給孩子多一點，但又怕多給了反而是害了他們。從小，就希望嘉嘉能真真正正學會分享。

嘉嘉，希望你明白，很多時候.....縱然東西是自己很喜歡的，但不一定要自己獨得；跟著別人分享，雖然有不捨的感覺，但那不捨的感覺，你就更懂得珍惜，亦可能令這東西更加甜蜜呢....

這晚看著兩小鬼共同分享棉花糖，就明白箇中的道理。