雖然羊生離港成個星期，但係我地每日都會通幾個電話，夜晚食飽飯就返宿舍陪我傾住電話睇電視，再夜啲等嘉嘉訓左覺，我地又會再傾多一陣先訓。
難得離開屋企甘自在，唔駛招呼我同個女，同事們又誠意 "日日邀請" 羊生週圍逛下、食下、飲下，但係羊生都無睬佢地，自已一個人安份地返宿舍，要我掉返轉頭叫佢出去行下街啦，買下野呀.........
羊生都唔肯去，我知......我每日返工放工自已湊女做家務，佢怕我辛苦，一個人又悶會唔開心，知道我個人無安全感，唔想令我亂諗野.....
老公，你真係好好，嫁左俾你真係我既福氣
雖然我地分隔兩地，飽受相思之苦，但正所謂「小別勝新婚」，有一陣的距離，才可以令我們更掛住對方。
其實嘉嘉都成28個月大，根本唔應該仲用奶樽飲奶，我發現左好耐佢用奶樽飲奶個原因係口感，晚晚訓覺前飲完支6oz奶，都要再飲最少4oz水，有時仲勁到飲8oz添，咬住個樽黎訓，唸唸下都唔係辦法，甘大個女仲訓係床飲奶飲到訓左，無刷牙之餘，含住奶訓又容易蛀牙，就決定同佢介左用奶樽飲奶既習慣，開始進行介奶樽行動了。
上星期就去左千色買左呢隻杯喇
貪佢有標纖住幾多oz
睡前係廳...用新杯開奶比嘉嘉，嘉嘉好似飲得好慢，飲左3oz就唔飲喇 !! 之後佢不停話要水水，我就比個飲管杯佢，飲左幾啖，我地就入去廁所刷牙，然後就返房訓覺，我同嘉嘉講 : 我地大個女，唔用奶樽架喇....
其實嗰晚我都擔心嘉嘉半夜起身扭夜奶，唔通我用杯叫佢坐起身飲咩? 好彩佢一覺訓天光啫。
第二晚都係咁啦，點知嘉嘉同我講 : 我唔飲奶奶呀 !! 下? 好開心呀 !! 反正健康院姑娘都叫我地.....訓覺前其實唔駛俾奶小朋友飲架，俾個胃休息下，而且我地8點幾先食晚飯，根本可以到天光，就係甘.....
原本我只係打算要同嘉嘉介奶樽既，點知佢就連"睡前奶"都順便介埋，夜晚無飲咁多水都唔駛半夜再同佢換片片了。
所以羊生不在家呢個星期，我都不用洗奶樽喇......Yeah!!
睇定啲過一輪，啲奶樽就可以榮休喇，別了…奶奶樽!!!!
估唔到，嘉嘉可以咁順利同奶奶樽 say goodbye，真係要俾個叻佢!!
「傷風嗎？急急補充維他命 C 再說。」
每次見到嘉嘉開始流鼻水，我便意識到傷風快要發作了，趕得及的話，我會買定幾支YOU.C1000，每日一支兩支俾嘉嘉飲。
我不是賣廣告喇，只是覺得這瓶小小的維他命C健康飲品真的很好，我看過YOU.C1000的成份，除了含有1000毫克的Vitamin C外，還有Vitamin B1，E...low calorie，low sugar.......
初病時，只是鼻水的話，通常不會立即帶嘉嘉去看醫生，我會替她補充多些維他命Ｃ，讓她強化自已的免疫能力，一般三四天就可痊癒了.....今次又省回幾百蚊 
當然，發燒發炎就例外。
天氣又轉涼了，各位Blog友要保重身體呀 !!
