單拖迪士尼無難度

雖然今日放假羊生陪唔到我，但不甘寂寞的我早一晚已經做足準備，執好晒啲裝備，單拖帶嘉嘉入迪士尼玩。同行仲有單拖帶Matthew仔的Queenie姨姨。

第一站係去藝術教室，今日係學畫 Donald Duck 呀!!!
又係我同嘉嘉合作既作品......

平日無咩人唔駛排隊，要把握同公仔影相的機會

今日難得的四人合照



嘉嘉仲係有少少抗拒同大公仔影相，不停"批"呀 Pooh 錚......同勉強的笑容



因為嘉嘉非常心急想玩旋轉木馬，同我講 : 不如我地去坐"horse"啦....所以我地行左去玩灰姑娘旋轉木馬，今日真係好，唔係好多人咋 !! 我地即刻排就可以即刻玩喇 !! 



上馬之後兩位即刻打量高度

互相 "扶持"

之後又去玩小飛象旋轉世界

再玩埋太空飛船

呢個時候竟然俾我發現...嘉嘉....掛住玩連要疴臭臭都唔同我講.....

賴左就算~~~~~激死我 ......n 年無賴過"A"架啦!!!!! 懶玩到......

清理完之後再去玩轉轉杯，以前同羊生玩嗰陣，不停轉轉轉想隻杯轉快d，但今日坐在杯上的是嘉嘉，就淨係想控制隻杯轉慢d，但求唔好嚇親個女.....

餐廳門口有些小遊戲.......輸左都有"貼紙"做獎勵

到四五點左右，坐低食左個兒童餐......順便坐下抖下

嘉嘉最愛小小世界......一齊唱 "世界真係小小小"

跟住坐小火車返正門走人

今日我一拎起相機，嘉嘉就耍手擰頭叫唔好影......到而家走先肯坐定定俾我影一兩張

今日真係好辛苦呀!!!!  嘉嘉成日扭我抱.....搭巴士又無位坐....抱到返元朗.......我隻手就跛喇

迪士尼已經轉了聖誕怖置，下次等埋羊生放假，我地要再黎感受聖誕氣氛......話晒買左年票嘛.....

 

單拖下半場~姨丈生日

話說去完迪士尼，我同嘉嘉就過左去恩姨姨屋企.....

同表弟再玩下半場，順便沖埋個涼......

食埋個飯

重頭戲係 "姨丈生日" 呀
!!!! 因為妹夫年紀太大關係.....

為免狂插數十支+++蠟燭
， 所以都係甘樣插好睇啲

Happy Birthday




全家幅

為食既小朋友開始唔耐煩
 ........"" 影飽未呢? ""



為食的嘉嘉
........食到個口.......

都無問我想唔想食

有妳在身邊

很多朋友都跟我說，常常帶著一個這麼小的小朋友四處走，真的很辛苦呢 ! 說實話，揹著一大袋，再帶著小朋友外出及旅行當然不會是一件輕鬆的事，但不較鬆並不等如不快樂，最主要是自己覺得這是值得的。

其實父母的關心與愛心是孩子大腦最渴求的東西，把孩子帶在自已的身邊，讓他聽到你每天所說的話，讓他看到你每天所接觸的事，就是最好的腦力開發。   因為他以後要生活在同樣的環境中，他眼睛所見看到的就是他以後生存所必需的技巧，他耳朵所聽到的就是他以後所必須說的語音，還有什麼比這些未來必用的知識更能開發他的大腦呢 ?

更何況把孩子帶在身邊時，會給他很大的安全感，一個倒在媽媽懷中的孩子是最天不怕，地不怕的，他的眼睛溜溜轉，就是在放膽的探索每一個新東西，而實驗顯示有早期情緒依附的經驗，對孩子後來的發展有很大的關係。也就是說，再昂貴的益智玩具，再好的才藝班，都比不上親子共處的時間和親子共讀的效果........

所以大家都明白了吧，無論到哪裏，無論多辛苦，我都會儘量帶著嘉嘉四處走，儘量讓她看多一點點，既然孩子是自己生的，就要自己承擔照顧的責任。

手掌印印水彩畫

先將不同顏色水彩掃上手掌，再隨意拍係畫紙上，不過嘉嘉印左幾隻就嫌整污漕對手而唔鐘意玩，仲要去洗手添。

乜嘉嘉有潔癖既咩? 點解我唔知既 ?

不俗的春田@元朗

今晚又夜左收工，同羊生黎左呢間新開既春田日本料理度試下，唔係好多人等位咋，等左一陣就有位了。

好多選擇，不過想吃的生蠔又沽清了

先叫左客鵝肝壽司、粟米壽司俾嘉嘉，再叫左份巨型肉鬆蟹子沙律手卷俾自已。鵝肝壽司件鵝肝好薄咋，細件左少少，味道就ok ，不過因為太肚餓，唔記得影相。粟米壽司就好大份，嘉嘉都係自在食d粟米啫!

我份巨型肉鬆蟹子沙律真係夠晒巨型，淨係食佢都夠飽

羊生叫左份三文魚軟殼蟹壽司，都幾好味，又熱又脆

雜錦刺身烏冬

刺身都唔錯，又新鮮又厚，手打烏冬好滑，湯夠甜，料都夠，幾好

最後叫左支波子汽水俾嘉嘉飲

第一次飲波子汽水既嘉嘉對粒波子好好奇

飲完仲想拎佢出黎添

服務大致都幾好，因為都幾多服務員走黎走去，唔難搵到人。加水都加得幾密，食完野好快黎收碟，員工態度都好好。

初秋輕鬆行~南丫島

天氣轉涼，係時候開始郊遊活動喇
!!!!! 今日我們這一"嘉"三口就去左南丫島!!!!!!



由於係快船，30分鐘就到榕樹灣，我們選擇了户外座位，吹吹自然風，讓嘉嘉看看海上風景
。

今日人唔算多，而且離開左繁華既市區，真係可以好悠悠咁過一個寫意既假期。

行過串燒店，看見櫃內沒有心儀的魷魚鬚，忍不住問了一下，店員說沒有了，顯得態度冷漠 ~~ 嘉嘉選了司華大腸，可惜卻不是新鮮燒起的，配合起濃香花生味的沙嗲醬，幸好，醬是暖的。

可憐我的牛肉串燒冰冰冷冷，就像店員的態度一樣。串燒裝在透明的小袋內，然後我們站到店前的"吃串燒專用區"。

我地經過市集，見到有個很可愛的小熊放大鏡

對嘉嘉來說，是個新奇的放大鏡吧 ?

到南丫島吃豆腐花，已經是個不成文的規矩，究竟是多少年前開始呢? 都不得而知了，或者在中途站歇一歇，覺得份外解渴清涼，這些已經成了我們的習慣。

由從前不是每天開放，到現在365days的10am-6pm都開放，兩個型男放棄都市生活，為實踐理想毅然跑到南丫島建立他們的香草原，由一片荒田變成現在的熱門郊遊地點!!!

我見到一個用舊浴缸做既魚缸，養左好多金魚....

嘉嘉與小兔子耍樂一番

遊過小圈之後，後方仲擺賣了一些小盤栽

本來係打算行去索古灣，但因為要行成個幾鐘，怕嘉嘉頂唔順 ( 其實係我驚要抱嘉嘉, 我頂唔順至真 )，都係隨便走走榕樹灣，繼而決定上風車山。往山的路幽暗，而且平日更乏了些遊人作伴.......

卻不減羊生和嘉嘉自娛的樂趣，唱下歌，拾下落葉.......行行行.......行到出汗，終於都見到喇 ~~~~

南丫島風車~~~嘉嘉未見過風車，你睇下佢幾開心？

其實只得一個風車，可以發到幾多電力呢?
不過咩風車發電呀，嘉嘉點會明......只係知道風車係轉 ~ 轉 ~ 轉既.......

去到風車當然要影張相留念啦!!!!

沒有人肉佈景的照片最好看

來到洪聖爺灣，嘆番支甜筒先!!!!

黃昏了，又是時候離開~~~

清新空氣、美麗沙灘、
海鮮料理及郊遊遠足

都令這小島格外迷人