與別府久別重逢的 Sunnie
茄汁味 Pizza
海鲜烏冬
Sunnie 千叮萬囑要我影瘦 d 佢
羊生今日好開心終於可以叫到佢最想食嗰個「北海道鹽焗薯仔」喇
佢睇電視介紹話好似好好味
不過唔係成日有
北海道焗薯
即係用好多好多鹽包住個薯仔焗，要砸碎 d 鹽先食，切開後，再抺上牛油就可以吃喇。薯仔經焗過之後，非常之香，由於是鹽焗的，所以已經好有味，啱囇 d 鍾意食薯仔嘅人。不過我就話唔夠軟身，但羊生就認為幾好。
三文魚刺身，真係唔錯架....又肥美...又新鮮...
我最 love 嘅蜜糖笨兔，飲了會變笨 ?
嘉嘉的新歡，富士蘋果蜜....真係好正...
好好飲...又好好食...
今晚我哋行過見到開左間新舖食日本野，門面好 grand，於是貪新鮮的我們就入咗去試試~~
落 Order 既時候，環顧四周，發現呢間新開既日本料理都幾大投資，唔係集團式o既日本料理比較少見咁豪裝。
而家晚市做緊每枱送一客三文魚壽司做推廣。
文姨姨超唔滿意呢個飯，分量又細，味道又差！佢要加咗成半支鼓油嚟撈飯呀
而且個侍應生竟然怕個鍋熱，叫我哋自已捧返住個鍋放落枱添
我嘅海鲜烏冬都唔係好，湯底唔甜又無味，我都加咗半支七味粉呀
個侍應生手震震甘上，羊生怕鬼咗佢，自已黎.......
跟住羊生嘅燒牛肉定食仲慘，啲牛肉都唔知去哂邊? 佢淨係用d 洋葱嚟餸飯咋
就算揾到嘅都只係肥牛.......
之後o黎既劍魚腩刺身，睇下佢插晒花擺埋 d 石仔甘，整到靚一靚，仲有一舊 wasabi 襯托住，點知又係嗰個侍應生上菜，一 " sir " 舊 wasabi 就跌咗落枱......唔好意思都無句.......
d 刺身望落好厚，點知一咬 d 刺身......雪到硬晒嘅，食落口仲有啲酸酸地，躁底嘅文姨姨就即刻叫咗個侍應嚟，然後個侍應又叫咗個經理嚟，點知個經理只係敷衍我哋，話 : " 係甘嘅味.......係新鮮.......無問題......" 我哋就話未曾食過啲咁嘅 "新鮮刺身" 囉......
其實我覺得呢度 d 裝修都幾正，坐得又夠舒服，但係 d 食物真係唔夠水準，可惜！可惜！......一次夠喇........好失望的一餐晚餐........
因為喺瀧野川食得好唔開心，所以我地再去食B仔
文姨姨叫左黑糯米湯丸
我就飲西瓜汁
羊生就叫左腸粉魚蛋同鮮雜果黑米
B仔既腸粉已經唔滑喇
嘉嘉有咳，我就叫左個川貝燉雪梨俾佢
點知佢飲咗兩啖就唔飲
每個 Monday，嘉嘉例牌的午餐
必order~~燒三文魚腩
烏冬 Set Lunch 其實淨係烏冬先係嘉嘉嘅，其他壽司我哋平分^^
呢度啲烏冬好滑好好味
要埋呢幾粒小丸子都係加 $10 暏!!
食飽就起程去 Shopping喇
仲幫手堆表弟，幾咁乖 !! 抵媽媽咁錫你 !!
同細妹佢哋行完街，佢哋嗱嗱林飛的返屋企，我哋就去左綠楊坊間越棧度食越南野，佢開咗甘耐我地都未去過，去試下先！
嘉嘉下晝喺別府嘆完個豐富 Lunch，我地就去左 Shopping，一行就幾粒鐘，睇下嘉嘉餓到個樣，幾陰公..........
羊生試咗咖哩雞紅米飯
我同嘉嘉既雞絲湯河
我們的胃口大，還要再加豬頸肉
原來呢間野好抵食！不過基本上係食 d 好 standard 既越南粉麵，又唔算太多選擇囉！
呢度仲有好多其他食肆，我見對面南翔饅頭店有好多人等位，好好食嘅咩?下次試下先，唔駛成日別府甘悶。仲有Euro go go啦，板前壽司、品味人生中國廚房、滇家菜、特色甜品店熱戀滋味生活館等等.......你地去開荃灣都可次去試吓啦~~
