嘉嘉試鞋

 

話說我最近買了一對新Boot，嘉嘉就成日摸住佢

然後從鞋櫃裡找出一對契媽送的水鞋仔，自已成日著住佢



水鞋當Boot 著，仲擺埋Pose，真係俾佢吹脹

峰壽司@新港中心店

今天去了新港中心的羽絨城，本來想買件羽絨背心送給羊生，又不合心水。然後見到樓下Food court 有峰壽司，就跟羊生說不如試下。


勁正！唔駛等位！所以我們就即刻入去坐。


一家三口即刻開餐

我們先吃手卷~~~紫菜好脆，又多料，正！


鵝肝三文魚壽司好好味，師傅在三文魚上面掃了一層醬油，可以不用再加鼓油，鵝肝同三文魚味道相當夾，不過是二十個大洋!!!


羊生最喜歡的三文魚剌身和三文魚子壽司


這五件彩虹壽司的顏色很漂亮，中間夾著的是青瓜呢！

炸芝士薯仔波也好好味！

不過個蝦天婦羅就唔得，個蝦炸過時，又細件！

蔥粒吞拿魚腩細卷就不過不失！


今餐埋單 $290，價錢都算中等啦！羊生都幾滿意........

初賞尖沙咀的聖誕燈飾

 

今晚我和嘉嘉母女裝上陣去左尖沙咀睇燈飾。


今年的主題是火車和"鐘"，還有一條火車軌，火車頭會定時開動！


聖誕火車不太漂亮，不過會噴煙和向前移


好多人呀！影合照真係幾困難，因為如果 set 腳架又真係好大風險

 

中招......母女齊齊病= =

已經一個星期沒有 update 到個 blog 了，這幾天因為天氣問題，傷風感冒了，因為病到九彩，由上個禮拜四晚開始包雲吞到今日，足足一個星期了，經常頭暈暈無精神，現在鼻還好塞，我想要完全康復還有一段時間。

悲哀~心痛~辛苦~

不幸我的病傳染了給嘉嘉，令她支氣管炎，於是我們兩個人一起去看醫生，結果無左 $680 * 2 ( 已經睇咗2次 )......現在病情仍在反反覆覆中，所以這幾天還是早早陪嘉嘉一同睡覺...... ，可能生病的關係，嘉嘉半夜會哭醒，我和羊生晚晚都睡不好，所以我倆有得訓就去訓........

見今日有少少精神，update返前幾天的Blog債先.....

孖辮女

嘉嘉的頭髮好像長了很多，左右兩邊的頭髮好多時候都會撓起，

今天晚飯後我就捉住了嘉嘉，

玩玩她的頭髮。



孖辮女造型 の首爆光



嘉嘉的頭髮終於夠長紮辮仔啦



你睇！！紮左兩條辮仔幾醒神！！

不過.....

好快就被嘉嘉扯鬆了

肥爸生日飯の泰菜

今天是肥爸的生日，他一早就來了鋪頭做Facial扮靚靚，本來很想開口祝他生日快樂，但最終我並沒有親口說，什麼什麼的.....
因為我真係有點開不了口。


唯有寫了幾隻字，祝他生日快樂、身體健康之類的說話send SMS比佢，其實"生日快樂"究竟有多難開口?? 為何總行不了前一步?
但....我仍然希望他能感受到我對他的愛。


曾經，我們的關係不太好，現在人大了想通了，肥爸的年紀都漸漸長了，他都是一個人，誰人無犯過錯? 只要看見他跟阿娘都很好，我們一班做仔女的就很高興！


我的肥爸，他是一個大大細路，脾氣又怪.....不過這都是我娘親寵出來的！所以呢.....他們兩個，真是床頭打架床尾和........大聲說話就是他們的相處方式！當別人以為我阿娘吃了火藥，但我肥爸 "  咔咔笑 " 又無事喇！真是一物治一物！


今晚我們再去上次父親節去食的那間泰菜，今晚點了的菜色，差不多是和上次一樣 ( 太喜歡 )

有一些是新款未試過的，總共點了十幾個菜，哈哈.....不過肥爸話好肚餓，

不淮我們逐碟影哦，又說我們甚麼都要影 ~~~~

而且今日我和嘉嘉兩個都帶病，所以我們都沒有影相~~~!!! 晚飯後肥爸還車我們返屋企添~~~