在文具店發現了這些小汔球
買了一袋回家跟嘉嘉玩
夏日炎炎玩玩水~~~
一玩愛上~~~
之後有幾天，這些水球就成了嘉嘉最愛的洗澡玩具
不過仍有幾顆水球不幸陣亡
之後，我們試著晾乾這些水球
想要再玩點不一樣的遊戲
我先在一顆粉紅色的水球上畫了個cute cute的表情
接著嘉嘉便開始一筆一劃地為每個"頭"譜上不同的神情
2011年5月28日 星期六
2011年5月24日 星期二
2011年5月21日 星期六
小Bie三個月的成長紀錄
小Bie踏入第2個月的時候.......明顯""清醒""的時間長了，而且還會做出很多不同的表情!!!!
自滿月起，每天我都會跟小Bie玩耍一番『渟渟，錫錫吖!!!』，然後我就誇張地張開口錫錫她，忽然有一天，『渟渟，錫錫吖!!!』......渟渟竟然張開口，然後很多次，我伸臉過去「錫錫媽媽吖!!!』，她都是有意識的錫我的!!!
我加以讚賞 : 渟渟好叻呀!!!! 她就會報上合不攏嘴的笑容!!!!!
這個月，小Bie的雙腿也變得十分渾勁!!!! 她已經能撐著搖椅旁，而且還一下一下的撐著，鬆腳，撐著，鬆腳....似是在跟自己做運動!!!!
這幾天，小Bie更開始主動的拉著，或嘗試觸摸身邊的東西，我見過小Bie看著BB床的小玩具，看兩看，就嘗試用手找著。
當小Bie第二個月大，我已經聽到小Bie能重複某些母音（啊、哦、係、吔、故），而且很喜歡同人傾計，婆婆經常笑她是一個"八婆仔"。
這個床鈴是我最近才掛上的，小Bie出奇地喜愛。我一掛上扭開音樂，小Bie一直凝視，當音樂停止時，小Bie就 : "呀!""呀!"地叫，一次兩次三次如是，似"吩咐"我們要再扭開音樂，讓她看看公仔再轉動。
現時小Bie最令我們頭痛的....就是睡覺問題!! 這個女兒，每晚起碼有三個小時是精神的，要抱!! 要玩!! 要傾計!!! 所以我跟羊生都....嚴重睡眠不足.....以致脾氣暴躁........每晚凌晨時份，屋內都充滿濃烈的火藥味。我又唔想將小Bie跟Auntie訓，同小Bie見面的時間已經少，仲要訓覺都唔一齊......我唔想.......
不過我很感恩，因為我有兩個都很愛笑的女兒
2011年5月16日 星期一
聰明的嘉姐仔
這天，Auntie忙著煮飯，而我又在房間中換衫...
就拜託嘉姐仔幫幫忙!!!先照顧一下小Bie
當我換衫完畢，就發現.....
小Bie被嘉姐仔推至書檯旁
腳仔套上一件會發聲的小玩具
(( 把小Bie推至到書檯旁，因為小Bie腳撐撐書檯邊的時候，就會自動令搖椅搖動；腳仔套上一件會發聲的小玩具，就是當搖椅搖動的時候，會噹噹作響!!! ))
不得不讚嘆一下嘉姐仔的小聰明.....
為的就是不要被妹妹騷擾自已看電視....
應該好嬲定好笑??
然後又一天，嘉姐仔忽然說『我想抱渟渟』.... 於是，我就將渟渟送到她的懷中......顯然有點論盡.....
知道自己可以抱妹妹，嘉姐仔笑了，似是很滿足的.....
渟渟都不知發生什麼事，被人家弄來弄去，當然一臉不快......
長輩常說的 : 三斤抱兩斤
大概就是這樣子了
2011年5月14日 星期六
親子圖書創作比賽
學校呢期舉行左"親子圖書創作比賽"，唉....只有兩個星期既時間交功課，而且嘉嘉已經選定左題材，又正好貼切我們這一嘉~~~
既然嘉嘉甘難得有提意，我呢個廿四孝媽媽唯有"遵命"啦.....(其實我初初不打算參加的
親子圖書製作中
~~我的工作檯~~
話明係親子
梗係要個小幫手啦
其實我最初都唔知點寫好
太深又驚小朋友會唔明，太淺又好似好無"內容"甘
最後版本應該都過得去啦
(haha...係我自己個人覺得過得去先啱!!)
睇黎呢兩個星期又要挨夜喇...
Click to GO >>> 親子圖書完成!!
Click to GO >>> 親子圖書創作比賽得獎呀
妹妹病，嘉姐仔病，連我都病...
妹妹大大話話都病左成個禮拜
點解成日唔出街都會病???
因為我地屋企有個流動細菌機走黎走去
又成日偷偷地錫妹妹、俾o野佢食
唉..... 嘉姐仔始終都係小朋友
都好難要佢完全懂性
而家就連我都病埋
可能妹妹太細
頂唔住我地o的惡菌
希望小Bie快o的好返啦
我唔想再訓廳喇!!!!!
2011年5月13日 星期五
六週年結婚紀念
Click Here----->> 去年今日
我地o係沙巴渡過左我地既甜蜜五週年，仲帶左呢個沙巴Baby返黎屋企，組成左<<我的嘉。渟>>嘉嘉，渟渟....你倆的來臨，都令我們的每個結婚紀念日，變得份外更有價值!!!!!
結婚6周年，我地就多左呢個肥o都o都既渟渟
因為渟渟太細，我唔想出街慶祝~~
今日，無浪漫既晚餐…無名貴既禮物…
不過......我有一個Good Helper~~~
同埋有我最愛既人~~~
想不到你忙成甘，都肯花心思為我安排了驚喜
多謝你每日既照顧，呢份係甚麼禮物也代替不了的愛
雖然我一日比一日肥，多謝你仍然甘愛我~~
仲有....我每日最喜歡見到既笑容
其實我人生最想要既野~~我都已經擁有~~
感謝天父比我既一切
訂閱：
文章 (Atom)