慶祝爺爺生日

齊齊慶祝爺爺生日




餵食既表哥




想食既表妹




掛住食，唔想俾人影相既表姐

去公園

今天嘉嘉早上9點就起身了，要等文姨姨起身才一同去街 ( 恐怕是下午兩三點了  )，所以就帶咗嘉嘉去樓下公園玩......

Lunch@板前壽司(荃灣)

雖然板前壽司貴為人氣食店，但當每次見到店前的長龍，根本就提不起興緻去光顧，今日同嘉嘉去公園玩完，行過門口見到唔使等位喎！

咪講小，快d入去坐先！呢間板前自從開張之後，每次經過，閒閒地有三四十人o係度等，今次一去到就有位....

唔客氣喇 .........

看我們吃了些什麼  





Lunch 有 set 食，係冷麵，沙律加五件壽司，不過羊生就話唔鍾意食冷麵噃！ 但就鐘意飲呢度嘅面鼓湯，佢話好好飲wor~~~~




呢度o的食材都幾新鮮好食~ ^^




呢個係三文魚親子杯飯，魚籽同飯係嘉嘉既......塊三文魚就係我既..




燒鵝肝: 都係嘉嘉既，很香口，就是少了點入口即溶.....

壽司刺身都比別府出色，但我個人要我排成粒鐘先有飯食，就咪攪我...如果唔使排隊，都算係 good choice，不過lee度無咩飯同麵嘅選擇，For Dinner 的話羊生會唔飽......

weekend即興BBQ

一堆垃圾，咩事呀 ???



WeekEnd@我家的車房




突然搞即興 BBQ function




好熱呀!!!!!   超後悔 BBQ.....




嘉嘉第一次BBQ...... 對呢堆 " 火 "超級好奇.......

牙痛慘過大病

同嘉嘉影相之前兩日，因為牙痛左好耐，杜埋牙根都無用，羊生極力推薦我 "剝大牙"，於是我就走咗去剝左隻大牙，打左三支麻醉針，離開房間時，我依依不捨的回頭望了我隻牙......(其實都好健康丫，幾隻牙腳又肥又齊全，話晒都跟左我廿幾年了...好唔捨得)，於是，有點後悔了，醫生仲話連左4針。

但麻醉藥都未散，已經超痛~~~~~痛到講唔到嘢，日喊夜喊，痛得很利害，整邊頭都痛...未停過...未停過...未停過...要食止痛藥，唉，而家做咩都冇心機，這幾天牙痛的折磨真的使我好累好累了.......(而家都仲痛緊...好無奈)

那牙醫一啲都唔 pro，完全唔理會病人的感受，原來我牙痛發炎是不可能做手術的，所以我剝牙之後就會勁痛！！開頭以為剝完牙就一了百了，點知過後都仲甘痛，現在傷口還要等拆線，但我的下唇和下巴仍然有點麻痺.......

到今日有些客人竟然仲發現我半邊臉都腫腫地，話我塊面好似邊大邊細呀，返屋企食飯嘅時侯細佬仲話我唔牙痛塊面都係甘腫......真衰！

痛左幾日，耳仔同個頭都仲痛........傷口又隱隱作痛，心情很差，唔知係咪因為甘，所以覺得嘉嘉這幾天都特別唔聽話，唉，仲要痛多幾多日呀?人都癲呀！！

Hon Hon，你幾時返完夜呀？我同嘉嘉都好掛住你呀.......

嘉嘉第一次去影樓影相@My Babyface

今日我同羊生約左同嘉嘉去STUDIO影相 !!

影樓在山林道，當我一上到去，發現間鋪好細（得 200-300呎），我們選了幾個造型之後，便開始影相。初時我對嘉嘉都滿懷信心，因為平時羊生幫嘉嘉影相的時侯，她的表現都不錯，都會經常笑。但不知道當時是否太多工作人員，加上在陌生地方，嘉嘉在頭數個造型大部份的時候......



不是哭



便是目無表情

而且個攝影師好無耐性，像在趕時間收工!!! 我刻意買了一個Dior奶樽都無用過，想在嘉嘉的肚兜Look時，紮條辮仔的時間都無.........

他趕得很，我們6:00pm開始揀造型加埋連換4套衫，影百多張相都不過係35mins!!!!!

影完後唔夠5mins個攝影師就揹袋走人！！！可能他有下場啦，真黑仔.......

想不到第一次帶嘉嘉去影樓影相......效果實在是差強人意.......



嘉嘉你今天的笑容好貴呀！！




就算是和我們一起拍的時侯，心肝個樣都好懞呀!!

本身都打算等嘉嘉一歲生日才去影樓影相留念，下次唯有再物色過另一間影樓再影過啦！ 呢輯相就當係 Rehearsal.......

$420 ---30張，我和羊生好勉強才揀夠數走人!!! 幸好不是好貴，如果唔係實肉痛死我喇 ！!

別府駅前料理@荃灣綠楊坊(已結業)

「別府」是我們最常到的餐廳，可以說是我們的飯堂了，通常侍應見我們熟客都會給大廂房，那裡的卡位最好坐，傾計唔怕搔擾人亦唔怕被人搔擾，不過略嫌房內燈光暗了些，都係獨立房夠私穩，識我嘅人都知啦，我的食相真係.........

「別府」每季都有特選食物，定期更新餐牌，細細碟，可以試多幾款。


壽司盛(松)


蟹籽炸蝦卷～～～～～文姨姨最愛


火焰牛油牛柳粒陶板燒，d牛油好香呀，牛油燒牛柳粒.....正.......


杯特飲叫做「蜜糖笨兔」，其實是草莓 + 香蕉汁，沙冰超凍啦，味道不錯！星期一至五去飲品做買一送一，真的很划算！

請大家伸出援手，支持四川地震捐款

地震過後，四川省變成死城，電視新聞中，只看到四川屍橫遍野，雖然黃金七十二小時已過了，但那些救援人員仍不眠不休盡力救出地震生還者，我心裏都好無奈，唯一可以做的便是捐款。

我們一家都有捐錢救災，雖然只是區區一千幾百元......

國家有難，請大家盡一點綿力

相信要重建災區需要一定的金錢，希望大家能捐錢救災，救救受地震影響的人，使災民能夠早日過回安頓的生活。

我們的總理－－溫家寶 ~~~~~ 一個父輩一樣年紀的老人家，地震後趕到災場，踏上瓨礫，拉覑地震孤兒的手說：「別哭！你放心，政府會管你們的，管你們生活，管你們學習，你們一定會像在自己家裏一樣！」幾天以來馬不停蹄地走訪不同的縣城鄉鎮，著實令人動容。

這是全世界最溫情的總理。

我們生在香港這個福地，幾乎沒有天災可言，是何其幸福。

捐了錢協助振災，雖然這些錢，可能只是微不足道；但只要每個人也作出小小捐獻，就能積少成多，幫助很多有需要的人。

就當是為了家中的小寶貝積一點福，請大家也踴躍幫助災民吧。

多多益善，小小無拘。

也希望搜救隊能夠救出更多等待救援的同胞。

法國餐廳@Gold Coast((Happy Anniversary))

羊生，我知道你原本打算plan去旅行慶祝，但我實在太唔捨得放下嘉嘉，一家三口去大家又辛苦，還是待嘉嘉再長大一點........我們才去吧!!!!!

其實只要一家人平平安安在一起 ( 四川地震有感 )，懶理是澳洲的 Gold Coast，還是香港的 Gold Coast，有你們在我身邊，我都一樣很快樂。




原來黃金海岸也改變了很多，我已經好幾年沒來過了...... 我們去了附近的法國餐廳食法國菜慶祝我們的結婚三週年紀念   。




餐廳的情調不錯，可能是閒日的關係 (( 唔似半島，成兩個禮拜前預約都只是Waiting List，還要說明不招待兒童，即係唔歡迎我嘉嘉啦...... ))




生蠔海鮮拼盤 :  新鮮生蠔、翡翠螺、玫瑰蝦




香煎法國鵝肝 : 香噴噴，面頭煎得好香， 正




前菜的鴨胸沙律 : 都擺放得幾精緻




茄汁蝦天使面 : 幾好味，意粉整得好食唔難，但個chief 會加上甜甜地既carrot 風乾絲，pulm 既風乾絲等配料，好味!!!!

主菜是 " 炭燒牛仔柳伴青胡椒汁 "，牛柳好多肉汁，伴菜都好好味，值得一讚係將上面既 carrot 絲炸後再連個chief 一同吃， interesting!!!!!




室內佈置典雅，環境好舒服，樓底高，侍應服務好，長期都係親切笑容，成日暸嘉嘉玩，service 一流，食物逐一上，可以慢慢享用。

其實佢D main dish 都幾好，因為有嘉嘉喺度唔想出咁遠，又想食得好少少，Romantic 少少...... this is the one，我自已覺得咁既價錢，都算ok 有餘。



法國飯店  Le Bristol

電話: 24309929

傳真: 24415525

地址: 屯門 黃金海岸青山公路1號黃金海岸購物中心R5, F7及F8號舖地下