青衣城怪獸雪村

今年青衣城的聖誕佈置主題是怪獸公司，近近地，早些收工跟羊生帶嘉嘉去影相先。現在只要捐款，就可以入去影相喇！用作慈善用途，冇所謂啦~~

在青衣城的入口處，放置左一列反斗奇兵火車及一些海報。




現場有至受歡迎三眼仔




怪獸公司怎少得了Mike?




仲有一架怪獸小火車坐，嘉嘉對鏡頭的觸角很敏感呢!!!!!!




我們這一家也來個合照先~~~~~




然後我們在starbucks嘆咖啡同藍苺芝士蛋糕，嘉嘉都跟我們一起開動。

出疹記

前兩天的早上，嘉嘉突然無故的發起燒來，我第一時間先餵退燒藥。。。。然之後持績燒下停下，直到晚上也未曾退燒，BB第一次生病，我當然很擔心，婆婆知道後，都suggest我們去看醫生，經過醫生的判斷，懷疑嘉嘉是出玫瑰疹，醫生說病發燒72小時後便見疹，疹出燒就退，越多越好。




現在已經確實嘉嘉真的是患上玫瑰疹.....已蔓延全身，而且仲有少少肚瀉。

玫瑰疹，很好聽的名字 !!

我相信嘉嘉收到了這枝"玫瑰" 做聖誕禮物後，會變得更大孩子.. 抵抗力更強了 !!

滿身呢到一笪果到一笪紅印，文姨姨還要幫嘉嘉拍照，真過份！

不過嘉嘉的精神尚算不錯，會玩，會笑，仲有.....會擺 Pose ..........((很合作))

開開心心過聖誕@TODAI

期待己久的聖誕終於來臨……可以跟家人一起過聖誕，真是一件快樂事。

去年在美麗華酒店的 X-mas Buffet 有點失望，聽說在美麗華廣場地庫的 TODAI 也不錯，妹妹特意早一個月確認今年的聖誕大餐地點。




今晚是我第一次到TODAI，以壽司和海鮮作主打， 壽司的確很出色 (eg. 龍蝦卷 、梅子蝦板壓壽司、穴子卷、蘆薈軍艦等，散壽司飯亦整得十分好味 )，而且細細舊，可以多試幾款，不過我強烈recommand大家不要選一些連惠康百佳都有的三文魚、吞拿魚一般種類壽司，不如留肚試下其他特式的食物，這兒的剌身也很新鮮。

原本羊生說這天不能休假，忽然又申請到了！好開心！可以陪我和嘉嘉一起過第一個聖誕......

剛剛病愈的嘉嘉成晚好合作，無扭計。抵錫！！

甜品的一角是羊生的最愛，嘉嘉都有品嚐少少蛋糕添！而我就主攻生蠔，我大概吃了廿多隻吧，還有長腳蟹，都是源源不絕供應的！

熱盆款式都幾多選擇，熟食推介有芝士鐵板龍蝦，不過好多人排隊，排一個round起碼要排十分鐘，但味道不錯，都值得排隊等候的。燒羊腿真的很讚 !!!而且幫忙切片的廚師也十分有禮貌和耐性。

不可不題這兒的甜品，賣相很精緻，味道又好，款食又多，我認為最好味就係梳孚厘，仲有不同味道的 cookies、chese cake、還有不同味道的 ice cream.....每件分量細細，讓你可以多吃幾款。


仲有如果點飲品係可以不停 refill 架！汔水果汁咖啡都可以......


環境方面，如果坐出面天井位就麻麻地，坐入面就會好 D，起碼唔怕俾人係樓上吐口水，但 D位就比較迫而且稱唔上舒服，如果可以隔番開 D多番 D privacy就會好 D。




大致上都值回票價，我們還準備了交換禮物。




好滿足！

超級飽  ^3^

Last, 我們一嘉祝大家 Merry Christmas

CASA 葵樹坊(已結業)

最近元朗千色店旁開了數間食店，今天無所事事，下午便跟羊生 & 妹妹入去試了幾個 Tea。 下午茶$38 (+1收費)，係貴咗小小，不過食物水準一流！真的有酒店級水準，值得推介！ 惠顧滿$1000 (可累積) 便可做會員享有9折優惠!


香蕉芒果巴夫伴雪糕


煙三文魚雜菜三文治 + 南瓜忌廉湯


鮮果蝦沙津 pan-cake


蕃茄煙肉腸 Pizza


試埋呢個芝士煙肉焗青蠔 ( $42 )


香蕉船 ( $32 )




地方乾淨舒服，餐廳裝修簡約素白，椅間充滿空間感，播著懷舊o既英文歌，幾有情調！人唔算多，可以靜靜傾下計，感覺好舒服！


Casa 葵樹坊

地址：元朗大棠路48A-48K昌發大廈8-9號舖   

 

嘉嘉學坐有進步(5m3w)

嘉嘉已經5個月3星期大了，雖然仍然不太懂得自己坐起來，每次當我幫她坐定定的時候，身體都會向前趴，不過嘉嘉已經懂得用雙手再撐起上身，重新坐好了!!!




開始學坐的時候，因為BB條腰唔夠力，所以坐得幾分鐘就會向前傾，有時會向左或右跌，必須PG ((家長指引))才坐得正直。




嘩!!!! 嘉嘉難得正經呀........ (好少咁坐定，因為成日都無時停.... )

提早聖誕聚會@帝景酒店

因為羊生仲未肯定聖誕可否休假，所以嘉嘉就提早同爺爺嫲嫲慶祝聖誕。




上星期買左件Doir小外套俾嘉嘉，靚唔靚呢?????




我們選了汀九橋橋底新開張的帝景酒店食Buffet，酒店沒有我想像中那麼華麗，只是屬於很普通的那一種。當我們到達酒店餐廳的時候，我看見：嘩！咁細架??? 點解細得咁誇張????我們還一行十人呢~~!!!! 也沒有法子啦，唯有睇下有咩好食。




有新鮮的生蠔同扉翠螺.....




日式小吃




芝士焗蠔同大蝦




仲有朱古力噴泉同ＤＲＥＹＥＲ’Ｓ雪榚


還有，這裡每人是有一杯飲品供應的。總括而言，如果你唔大食，這間酒店是 Ok 的，但我就唔會再去多一次食buffet囉，Tea 就應該可以一去的。食物種類係少咗啲.......但服務一流......侍應生會不停咁換餐具.....


間餐廳好細，成間餐廳只得男女各一格廁所，都幾唔方便。食完都成十點，BB夜晚會扭計，所以無得週圍拍照，下次打算過去食 tea 再補拍....因為其實呢間酒店個景都幾靚架!!可以對住個海食...




帝景酒店
地址:香港荃灣青山公路353號
電話:37162888

Facebook

早前開左個 Facebook，我見甘多人用咪自己都開左個 a/c玩下囉。

最開始係 add左啲一直有聯絡開的朋友，慢慢地....有些好久不見的舊同學，都會喺Facebook裡面見返。

之但係，我好少用 facebook 來做日常通訊，因為我實在冇心機認真研究佢點玩…又實在唔明點解啲朋友咁鍾意玩，返工仲check得唔夠多 email 咩 ？成九萬幾個 applications，可能我呢啲師奶仔 out 啦....

大家將o的野 send 來 send 去，同一段笑話、同一條 video 收幾次 ，可能太多 features 又令呢個網頁 load 得好慢，成日死機，搞到我無心機。

不過，佢都不失為一個同朋友 keep in contact 既好工具。

BB使費

我是一個對生活有一定要求的人，生多個真是要先預備好充足的現金。生BB跟籌備結婚最相似的是，可以慳錢的餘地方很少，而且一定會超支。

 

我不是一個對金錢很敏感的人，或者應該說，我對小數目沒有概念，例如：$79.9兩包的尿片，與$42一包，對我來說沒有分別。我有印象的價錢是最少過千，甚至過萬的，例如是私家醫生、私家醫院的費用。我亦不是那種很享受慳錢的人，如果要花幾小時逛兩三間鋪格價選最便宜的那一間，我一定不會做，太煩了。

 

現在當了媽媽，經常去很多「BB用品減價展」。看報紙雜誌見到有BB用品優惠coupon的，我會剪下來。每逢永安大減價、Sogo感謝週、荷花，我也趁墟去了掃貨。信用咭逄星期五有回贈優惠的，我便等星期五才去買; 同一件貨品，如在某店用某信用咭有折扣，會留待去該店才買。看中某些貨品，但沒有減價，我會留低電話，叫sales一減價便通知我── 這是一件我以前一定不會做的事。

 

生完BB之後也令我對物價有了新的認識。原來奶樽最少要五、六十元一個，便宜的不行，因為可能有有害物質; 而且就算買了貴價貨，同樣要每隔數月便更換，因為又是怕有有害物質 !  BB要用專用的沐浴露、洗頭水、body cream、洗衣粉...等等，因為大人用的可能對BB有害。一瓶BB專用的洗衣液，售價是一般成人用的兩倍以上!  BB還要用專用的洗潔精洗奶樽，而同樣地價錢比成人用的高出幾倍!

 

我自問不算是浮誇、要show off 一族。但你問我產品A與產品B之間會買哪一個，我會說，如果能力可應付的，我會給BB買最好、最漂亮的。 尤其嘉嘉皮膚差，有時俾錢都想買個安心，如果貴少少，但貨品寫到明防XX防XX，我一定會買，起碼自己叫盡左力去防止。

 

難怪做BB產品生意大有作為!

嘉嘉第一次生病

前兩天嘉嘉第一次生病了，我才感受到，原來BB生病，當父母的.....真係會好擔心......好緊張.....那天嘉嘉一起床就好多鼻水，又打hutchi，又勁咳，仲咳到嘔，於是我便帶嘉嘉去看醫生，醫生話嘉嘉只是傷風.....好彩無發燒咋!!!


不過見到嘉嘉咳到流晒眼淚好辛苦的樣子，真係非常心痛!!! 餵藥時她又極度掙扎，咬實到連牙肉都震晒，真係慘.......搞到我無哂心機..... 而且心肝經常鼻塞塞，她又不懂得噴鼻鼻，於是我.......


就用嘴替嘉嘉吸鼻鼻，哈哈哈。。。。係咪好核突，好嘔心呢？...... 我也不能想像自已原來甘偉大，甘嘔心，無辦法啦，心肝有事，更核突的東西我應該也做得出來....


話說這樣，幫嘉嘉啜左鼻鼻之後，她立即就能呼吸了，仲好爽的樣子......

今朝再餵心肝食多一次藥，希望心肝快些康服啦！

舊同學Wedding Party

我的中學時代 の 舊朋友




好特別的 Wedding cake (( Also from cake2 ))




兩位都是我的中學同學，一起走過那些年

祝你們永遠幸福快樂

濕疹寶寶

嘉嘉出世不久就有濕疹跟頭泥問題。

塊面仔成日紅到一撻撻，嚴重時更會成面結蕉，看見心都痛到哭了。





我已經每天都用金銀花 + 片糖替嘉嘉淋浴一個多月了。但眼見嘉嘉的濕疹越來越嚴重，於是我就試試帶嘉嘉去看醫生，元朗的謝醫生 (元朗的著名兒科)，光是輪候已經花了三、四個小時。


謝醫生一看見嘉嘉：嘩!!! 為甚麼這麽遲才看醫生?? BB很痕癢，脾氣很差呢~~!! 最糟糕的是，醫生說嘉嘉頭上的原來根本不是頭泥，而是"膳"，所以即使我每天都用檻攬油替嘉嘉清頭泥，第二天"頭泥"又會出來了，因為那些是細菌，要用藥對付。。。。可憐嘉嘉每天被我強行摔頭泥，抹到頭髮也摔甩不少，明明是女孩子嘛，頭髮就甩到只有M字額。


現在謝醫生開了一些全類固醇藥膏，教我要連續替嘉嘉塗2天，之後2天就改塗輕量(2%)的類固醇，再用藥水洗白白。明知塗類固醇不好，也只有這個方法，醫生說寧願一次過搽好了，也不要每次每天塗少少塗一世，醫生更說：嘉嘉一定可以扮靚靚過聖誕呢~~!! 是次診金 $9xx，雖然嚇了一跳，不過既然這麽多方法都試過了，也不妨再一試吧~~!!

濕疹BB要注意保濕，洗澡後抹乾身體要馬上塗保濕霜，希望嘉嘉可以快些康服啦。

黑超 "B"

羊生送給嘉嘉的chicco太陽眼鏡，前幾天威水戴著行街街。




戴上太陽眼鏡的嘉嘉有型有格，展現了超女本色。

串串串甘樣~~~~

嘉嘉成功轉身(四個半月大)

(( 嘉嘉前幾天終於成功轉身，仲好快添！))

其實由3個月大開始，我就一直都訓練嘉嘉反轉身，因為醫生說這樣可以幫助她的肌肉發展。


終於在前幾天，我跟嘉嘉在房間玩耍，然之後我行開了，再見到嘉嘉自己就已經轉了身，變了做四腳爬爬喇~~~~~~~她還好努力的把個頭仔抬起來，好開心的在大叫，或者連她自己都覺得自己好叻叻啦....


她現在常常轉來轉去，轉不了，就會不高興地發脾氣。


我覺得現在嘉嘉學曉轉身，就是我們有排驚的日子了.......因為這邊想放下她，那邊話咁快已經成個人轉晒身，之後就會嘈嘈叫，因為對手攰左支撐唔到上半身，塊面就會扒左係地下，真係睇少陣都唔得。

 

幸福的我...update近況

已經好多天沒有寫Blog添，因為實在太Busy，每天都好像很忙，忙餵奶、忙換片、忙幫嘉嘉洗澡、忙跟她說話，( 雖然我根本唔明白嘉嘉的BB話，不過我們又真的可以溝通 ) ，總之日日都忙忙忙，就算有空的話即都走去睡覺了.......

如果有人問我，湊BB是否很辛苦，我會說辛苦的，但自已很享受。

我早上返工的時候，就帶嘉嘉到褓姆姨姨家中，直至晚上放工後再湊嘉嘉返屋企。褓姆姨姨很緊張嘉嘉，稍一聽到嘉嘉的哭聲同大喊聲，褓姆姨姨就會即刻彈起身，趕緊抱起嘉嘉左呵右哄，比我還緊張呢。可以請到一個甘好的褓姆姨姨去對住呢個超級扭計豬嘉嘉，都仲可以甘好耐性同愛心.....更難得的是連她所有屋企人都對嘉嘉勁好，特登買 BB 雜誌參考，又成日買衫仔送俾嘉嘉，我覺得自已好幸運。。。。每次接嘉嘉回家的時候，褓姆姨姨仲會對 BB 依依不捨，連放假也會打電話來問候。

雖然好多人叫我不如索性請個工人，反正都要一樣的價錢，工人起碼仲全職添！其實我同羊生都對請工人冇咩信心，覺得請一個工人在家好無安全感，而且想請一個好工人等同中六合彩甘難，更差的情況可能還要倒轉受番工人氣。我寧願像現在這樣，一個日更，一個夜更。放工後就是我跟嘉嘉的親子時間，我真的很享受那些時候......

我甘 hea 當然少不了是因為有一個廿四孝的 Daddy 兼 老公，仲有加上一個好偉大的文姨姨搬到我家中幫我手， 所以我就一定唔會有產後抑鬱啦！............我覺得我 Hon  Hon同妹妹真係好好，而且每晚都會同我一齊幫我手同嘉嘉沖涼按摩，餵奶、換片，勁幸福！

四個月大的嘉嘉

今天早上去了健康院

現在嘉嘉12磅有多了

雖然只是重了小小

而且身長，頭圍，重量還是細碼 BB

但只要她身體健健康康就好了~~~~

跟表哥有個約會

今天晚上，我們到了嫲嫲家中吃晚飯

媽媽替嘉嘉你穿上了這套裙子




今天嘉嘉穿裙子示人 ，和戴假髮的造型




投懷送抱給表哥的嘉嘉，好搞笑

表哥跟嘉嘉只相隔兩個幾月大呢~~!!




可能怕醜的嘉嘉始終覺得"男女受授不親"